کەژەکە پەیامو سەرەوەشیش پەی ساکینە ئاراتۍ کیاست
کۆردیناسیۆنو کەژەکەی پەیامو سەرەوەشیش پەی ساکینە ئاراتۍ کیاست و واتش: "ئەوەکۊشایما تاوەکو یاوای پا کوردەسانەی ئاڎە خیاڵش پێوە کەرۍ، بەردەواما."
کوردیناسیۆنو کەژەکەی پەی ئەڎاو ئاشتی ساکینە ئاراتۍ پەیامێوە سەرەوەشیش کیاست و ئینەش وات:
" زاناما کە ئەڎاما ساکینە ئاراتە ئەمرەو خوڎایش کەردێنۍ ئینە فرە خەمبارێش کەردیمۍ. ژیۋای ئەڎا ساکینەی کە چوار زاوڵێش جە شۆڕشو کوردەسانینە یاوۍ بە شەهادەت گوزارشتا جە وڵاتپارێزنی، قارەمانی و ئەقڵیەتی ئازادی. ئەڎا ساکینە شایەتەو قڕکەردەی و نکۆڵی-دلېنەبەردەی سەڎ ساڵەی بۍ. جە ئەرەپڕاو شێخ سەعیدی، تا شۆڕشو تەڤگەرو پەکەکەی بیە بە شایەتەو ئانەی کە کورد تەسلیم نەبیەن. ئەڎا ساکینە جە هەمانکاتەنە بە هەڵوێسو نوێنەرایەتی ژەنا کوردی ئازادی مڎرامانی سەرەمڕەش کەرڎ. ئەڎا ساکینە ئەڎایەتیش فاڕیا پەی ئەڎایەتی گلېرگەی و پەی ئەوەکۊشای کوردەسانی ئازاڎیی ڕەنجێوە سەرەمڕەش دا. ئەوەکۊشای ئاڎۍ جە دەروازەو زینانیوە بە شایەتی هەڤاڵ جەمال ئاراتی دەسش پنەکەرڎ، بە ئەرەمەرزنای تەڤگەرو ئەڎایا ئاشتیی بەردەوامبی. ئەڎا ساکینە جە گرڎ بوارەکانە بە ۋەرپرسیاری ئەندامەو گلېرگەی دیموکراتیکیوە درێژەش بە سیاسەتو دیموکراتیکی دا. بە وەشەسیایۆ یاڎە مکەرمۍ و سەرەوەشی جە بنەیانەی و گەلەکەیما مکەرمۍ. ئا شناسنامەی کە بە ئەڎایا هەزاران گەشمەرڎاما دا، هەمڕا گەریلاکاما و زینانی کریایا خوڵقناشا، سەرو بنەماو ئێشو ڕێشیش فاڕیا پەی هۆشمەندی. ئەڎایاما کە هەمڕۍ زاوڵەکا ۋێشانۍ، بیۍ بە داراو گرڎ سەرکۊتەیەکا. جە دەروازەو زینانی و مەردەخانەکانە، جە مېڎانەکانە ڕوێچ وازشا ناردەن و بیۍ بە ڕاپیماکەرۍ وەشەسیایی، ئێش، ئیرادە و هیوا پەی شۆڕشی. بڕۍ جارۍ بیۍ بە ئاسن و جە ئێرەنە تاویێوە. بڕۍ جارۍ بیۍ بە ئاوی و ئایێرشا کوشناوە. بڕۍ جارۍ بیۍ بە خاک و مڎرامان. بڕۍ وەختۍ بیۍ بە کەش و حەجگیز سەرەشا نە نامنارە. دڵوەشێنمۍ کە نەوۍ ئا جۊرە ئەڎایانمۍ.
جە کەسایەتی ئەڎا ساکینەینە قەول بە گرڎو ئا ئەڎایا مڎەیمۍ کە بە ئێشۆ گیانشا جە دەسدان: تاوەکو ئا کوردەسانی حەسرەتا پەیش بۍ، خەیاڵش پۊوە کەرێنۍ جە ئەوەکۊشای بەردەوامۍ بیمۍ. مشۊم حەجگیز جە یاڎ نەکریۆ کە هەریۆ چانیشا ئەڎێوە قارەمانەنە. تا دما نەفەس بەردەوامی پی قارەمانی و ئازاییە مڎەیمۍ."
