کەژەکە: ئێمەی ژەنا کورڎی ئازاڎیی جەستەیی رابەر ئاپۊی دەسەبەر مکەرمۍ. پۍ ئانەی ٧٤ەمین ساڵۋەگەڕو جە ئەڎابیەو رابەر ئاپۊی بۊنە بە ئاخر ساڵەو دوورکەوتەیۊ ئێمە چایی، بە هەڵمەتەو " ژەنۍ، ژیای، ئازادیی"ەوە بەرەو ئاخېزو ژەنا گوڕە بە ئەرەکۊشای ئازاڎیما مڎەیمۍ.
دەسەو ۋێڕاۋەبەری کەژەکەی ئەرەیاۋناش:"٤و نیسانی ڕۊو جە ئەڎابیەو رابەر ئاپۊی جە سەرەتانە جە گەلوو کورڎی کە دژوو کۊلۊنیالیزمی بە ئیراڎەو ۋێشۊ خۊتان هەڵوێسا، جە گەلا جەهانی کە جە سایەو پاڕادیگما پێرسپێکتیڤی ئەڵترناتیڤی ئەرەکۊشایش ۋەدەس ئارڎەن، جە ھامڕایا ئەرەکۊشیما کە بە فەلسەفەو ئازاڎییوە پەیوەستېنۍ و جە گەلا جەهانی کە جە سایەو رابەر ئاپۊینە ژیایۍ ئەخلاقی ڕاۋەبەر کەرا، پیرۊز مکەرمۍ. ھومېڎەوارێنمۍ ٤و نیسانی بۊ بە مایەو ئازاڎیی، هیوای، غیرەتی، ۋەشەۋیسی، متمانە و زینڎە کەرڎەیۊ بەهاکا مرۊڤایەتی کە جەلایەن مۊدێرنیتەی سەرمایەدارییوە دلېنە بریۍ".
جە ئەرەیاۋناکەو کەژەکەینە ئامان:" رابەر ئاپۊ بە خۊتانکەرڎەی ئازایانە کە چارەنۋیسو خراپ و گەلوو کورڎیش فاڕا؛ گەلوو کورڎی جە دوۋەڕیانو ۋێدای دەسۊینە و نۆکەری کەرڎەی کە جە تاریخەنە سەپیابۍ رزگارکەرڎ. ۋەرو ئانەیچ ڕاش جە ۋەرڎەموو سەرهورڎاو سەڎان ساڵەو کورڎانە کەرڎۊ، کە ئا سەپنا دوۋە لایەنەشا رەڎکەرڎۊ و پۍ ئانەیچ کۊشیۍ. بە قسەکا ئاڎی، جە سایەو ئا ئیراڎەیۊ کە بە رەنج و حەوڵێۋی گۊرۊ خوڵقیا، گەلوو کورڎی بیەن بە خۊتان هەڵۋێستێۋە کە متاۋۊ ۋنە دایۊکا فاشیزمی و کۊلۊنیالیزمی و هێزە هەژموونوازەکا پوچ کەرۊۋە. چنیچش کولتورۍ رەسەن، فەلسەفەو ژیای، ئەزمونو ئەرەکۊشایش بە ئەرەکۊشاکا ۋەرکەوتوو دلېڕاسەی و جەهانی بەخشان و ئاڎێش کەرڎێنۍ بە ۋەڵێۋەبیەی. پېسە گوڵێۋە سەرو کەشەکاۋە سەوز بۊ، ئاوێۋە جە بیابانەنە، ڕۊشنایۍ کە تاریکۍ دلېنەبەرۊ، ئا راسیە مەحاڵەش یاۋنا حەقیقەت. رابەر ئاپۊن کە موھەندیسو ئا ڕاپیماینە، راسی ۋێش رابەرایەتی گەلوو کورڎی چېگۊ ورگېرۊ.
درێژە بە ئەرەکۊشایما جە دژوو گۊشەگیری ئیمراڵی مڎەیمۍ
ژەنی کە یۋەمین چین، رەگەز و کۊلۆنیانە کە فشارش وزیان سەر و ئارۊ بە ئیراڎێۋی بەرزۊ ۋەران ۋەر بە سیستمو باڵادەسی و فەرمانڕەواکانە مرڎێنۊ، ئانەیچ جە سایەو رەنج و حەوڵێۋە گۊرەو رابەر ئاپۊیۊ ئەنجامدریان. جە کەسایەتی ژەنا کوردینە ئەزمونو ژیای ئازاڎینە کە جە مرۊڤەکاوە دەسش پنە کەرڎ و دلۍ گلېرگەیرە ۋەڵا بیۊو ئیسە ئیلهامبەخشو ژەنا جەهانین. پا مەڵامەتۊ ئێمە سیستمو گۊشەگیری سەرو رابەر ئاپۊیۋە پېسە هەڕەشېۋە سەرو ئازاڎیی ژەنا کورڎی مۋینمۍ. سیاسەتو گۊشەگیری جە ئیمراڵی، جە دژوو بیەو ئێمە مەتەرسیا. رابەر ئاپۊ جە بارەو ئا ئاژەیۊ کە ئینا چنەش ۋاچۍ کە "مەتاۋو هەناسە بڎە"و، ئێمە فاڕای ئا هەلومەرجیە پېسە پەرسێۋی بیەو ۋێما منیەیمېرە. ئێمە جارێۋەتەر تەئکید سەرو ئارەزویما پۍ پوچکەرڎەیۊ سیاسەتو گۊشەگیری مکەرمېۋە. جە دژوو ئا سیاسەتە دووڕووانە و رێکوزیا میان نەتەوەییەکانە بە تایبەتی سی پی تی کە لوۋا ئیمراڵی و گوزارشتەو ۋێش پۍ رای گرڎی ۋەڵا نەکەرڎۊ، ئێمە درێژە بە ئەرەکۊشایما مڎەیمۍ. ھامۋەخت ئێمە پۍ ئا رێکوزیا و لایەنا کە ئاژەو ئیمراڵی پېسە ئاژێۋە مرۆیی مەۋینا، ئەشۊ گنمۍ جموجوڵ و ئێمە چی رووەیچۊ درێژە بە ئەرەکۊشایما مڎەیمۍ.
رابەر ئاپۊ ٢٥ ساڵېن جە ئیمراڵینە دژوو فاشیزمی و هێزە هەژموونخوازەکا مدرامانۍ سەرەمڕە مکەرۊ و پا پاڕادیگامەی ۋەڵېش وستەن، دیلبیەو جەستەییش فاڕا بە پەیجورو ئازاڎیی کە مەرزەکېش ۋیەرنېنۍ. ئازاڎیی جەستەیی و عەشق و راسیش جە ۋێشەنە دەسپنە کەرڎ و ھەرمانېش کەرڎێنە کە بڎریۊ بە گرڎو ژەنا، چینی چێردەس، جوۋانا، جمیەرو کۊمەڵایەتی و حەر ئینسانۍ کە حەر یاگۍ جەهانینە ۋێڕاگری مکەرۊ. نە کۊلۊنیالیزم، نە فاشیزم و نە هەژموونوازەکۍ مەتاۋا ۋەر پا ئازاڎیە گېرا کە جە ئیمراڵیوە سەرچەمە گېرۊ.
ئێمەی ژەنا کورڎی ئانەی بە فرە مەۋینمۍ و ئازاڎیی جەستەی رابەر ئاپۊی مسۊگەر مکەرمۍ. پۍ ئانەی ٧٤ەمین ساڵۋەگەڕو جە ئەڎابیەو رابەر ئاپۊی بۊ بە ئاخر ساڵەو دوورکەوتەیۊ جەستەیی ئێمە چایی، ئێمە بە هەڵمەتەو " ژەنۍ، ژیای، ئازادی"ەوە بەرەو ئاخېزو ژەنۍ ئەرەکۊشای ئازاڎیی بەرز مکەرمېۋە. ئێمە درێژە بە ئەرەکۊشایما مڎەیمۍ و مزانمۍ کە حەر دەسکەوت و پێگەێۋە کە ئێمە جە ئەرەکۊشای ئازاڎینە بەدەستما ئارڎەن، هەنگامېۋەن کە ئێمە جە ئازاڎیی جەستەیی رابەر ئاپۊی نزیک مکەرۊۋە.
پۍ دلېنەبەرڎەو فاشیزمی و کۊلۊنیالیزمی و پۍ پېکئاماو ژیایۍ ئازاڎیی بە قەرارداری ڕاپیماو" ژەنۍ، ژیای، ئازاڎیی" درێژە مڎەیمۍ پنە. ئێمە سەڎەو ٢١ی بە ئاخېزو ژەنا تاجدار مکەرمۍ".
هـ . ش
