کەجەکە سەرنجەش وستە سەروو قڕکەردەی ژەنێ و مدرامانی ودژوو ئا قڕکارییا واتش:" ئەرەپڕای هندستانی و ئەفغانستانی دژوو کۆکوشیی ژەنا پیسەو مدرامانوو وێپارێزنای مەبارەک مکەرمێ و داوا وەنەو گردوو ژەنا مکەرمێ، ئی مدرامانەیە گەورە بکەرا."
ئەرەیاونایەکەو کۆردیناسیۆنوو کەژەکەیەنە ئامان:" دژوو دەسدرێژی و کوشتەی ژەنا کە ئینا ئاستوو قڕکەردەینە ئەرەپڕای ژەناو هندسانی و مانگێرتەی خەباتکاراو تەندرووسی و ئەڤغانستانەنە چالاکیی ژەناو ئەڤغانی و دۆسەکاشا وەراوەروو دەسدرێژییەکاو تالیبانی و ئێرانەنە مدرامانوو ژەنا دژوو قەنارەدای، کە ئاستی میاننەتەوەیینە وەراوەروو سزاو قەنارەدای ڕۆنامەوانا پەخشان عەزیزیێ و شەریفە موحەمەدیێ سەپیا، جە کۆشیای ئازادیی ژەنێنە بی بە پڕۆسێوی گرنگ."
ئەرەیاونایەکە ئینەنە:
"سیستموو مۆدێرنیتیی سەرمایەداری و پیاسالاری ئینا دلێ قەیرەانێوە قووڵینە. دەسەڵاتداری پیاسالار و کاپیتاڵی بە دەسملەرەگێرتەی مەیدانە تازەکاو هامبەشیکەردەی زانیاری بە چەوسنایوە و جەنگی هەوڵێ مدۆ قەیرانەکاو دەسەڵاتدارییش چارەسەرێ بکەرۆ و درێژە بە وێش بدۆنە. ئا قۆناغە کە چەنەشنمێ قۆناغێوی قەیراناویی چینەنە و ئینەیچ بە جەنگی یەرەموو جیهانێ نامێ منریۆ. جەنگی یەرەموو جیهانیچ بە ئایدۆلۆجیی و ڕەگەزپەرسی و دینگەرایی مکریۆ، وەڵات گەل و ژەنی ئینێ چێروو چەوسنایوە و واوەی وەڵاکەردەیوە هێزە هەژموونوازەکانە. جەنگو هەریاگێوی ئی دنیێنە نیولیبراڵیزم و تندڕەوی ئاینی دووێ رووی یەک سکەینێ جە دوژمنایەتیکەردەی ژەنێ و کوشتەیشو هجوومی جەستەیی پەیش و پێسەو هەرمانەی بنەڕەتییەو وێشا مکەراش. جەنگکەردەی دژوو ژەنێ کە هەزارا ساڵێن ئەرەیاونیان بەقورسی مکریۆ و وەرکەوتوو دلێڕاسەی و ئاسیا و ئوفریقا وسەرنیشتوو ئەفریقای و ئا یاگانە کە ڕوانە ژەنیش دلێنە مکوشیا.
لای سەریی گردیوە ئێران، ئەفغانستان، هندستان، کوردستان، عێراق، تورکیا، بەنگلادش، لیبیا، ئەمریکای لاتینەنە دەوڵەت نەتوە و پیاسالاری هەوڵێ مدا قەیرانەکا، بە جەنگکەردەی دژوو ژەنا چارەسەر بکەرا. هجوومەکێ دژوو ئێمە گرد وەختێوەنە وەرفراوانتەرێنێ. بە ڕێککەوتەی عێراق-تورکیا-پەدەکە-بەغدای، پادێ کە پارتێوی سیاسییا شەنگالەنە وزیارە و موازیۆ هێزەکاو وێپارێزنای پێسەو یەبەشە-یەژەشەی پێسەو هێزوو بەروو یاسێ بوینیا و دماییشا پەنە بێ. داعش شەنگالەنە دەسش کەرد بە سیاسەتوو قڕکەردەی ژەنا و گردوو دنیێرە وەڵاش کەردۆ. پەوکای هامپەیمانیی تورکیا-عێراق-پەدەکەی دژوو شەنگالی هامپەیناێوە شاریاوەو داعشیا، ئینە بەروزوو ئانەینە ژەنی گردوو دنیێنە ڕووبەڕووێ چەمکی تازەو جەنگی بیێنێوە.
'گەر وێپارێزنای و ڕێکوستەیەکاما گەورێ نەکەرمێ، ئانە جەدەسدایێ تراژیدیێ ڕووە مدانە"
کۆکوشیی ژەنا جە چندین ڕوواو جەسەیی، سیاسی، ئابووری و ئەخلاقییوە مکریۆ، دژوو کۆکوشی و دەسدرێژیی سەروو ژەنا گەر وێپارێزنای ژەنێ، چالاکیی ئابووری، جەستەیی، ئەخلاقی، سیاسی و ڕێکوستەیی جە گرد ڕووێوە گەورە نمەکەرمێ، ئانە ژیوای و ئازادیی ژەنێ ڕووبەڕوو جەدەسداێوە گەورەی و تراژیدی مبۆوە. سەرەوردای ژەنێ، ڕێکوستەی ژەنێ، ئامرزاە چەکدارییەکاو ژەنێ، جەنگوو وێپارێزناین. بەرەو مدرامانی دیموکراتیکی و شۆڕشگێڵنی جەنگی یەرەموو جیهانی بۆ بە سیستمی یاگەدار و مدرامیی ئازادیوازیی ژەنێ. ئینایمێ ئاستێوە یەکلاییکەرەوە و تارێخینە و مدرامانوو ژەنێ بییەن بە داراو هەرمانێوی شۆڕشگێڵنیێ و دەوریوە تاریخیی چینەیە. فەلسەفەو 'ژەنی، ژیوای، ئازادی'ی بییەن بە درووشمو مدرامانوو ژەناو دنیێ. سەرەوردایەکاو هیندسانی دژوو کۆکوشیی ژەنا پێسەو مدرامانێوی وێپاریزنای مەبارەک مکەرمێ و داوا وەنەو گردوو تەڤگەرەکاو ژەنا مکەرمێ ئی مدرامانەیە گەورە بکەرا. جە دڵۆ ئینایمێ چەنی ژەناو هندسانی، ئەفغانستانی، فارسی، عەرەبی، ئەفریقای و گردوو ژەناو وەرکەوت و وەرنیشتینە.
وەخت وەختوو ئانەینە گرد یاگێونە بە دروشموو 'ژەنی، ژیوای، ئازادی'ی بەرەو ئازادیی ژەنێ، مدرامان و وێپارێزنای ژەنێ بوزمێ وەڵێ، سیستموو کۆنفیدراڵیی ژەنێ ئەرەمەرزنمێ و ئازادیی بکەرمێ بە تاکە یاگەداری جیهانی. ڕۆشنا ئا سیستموو مدرامانا کە نمەتاوا وێشا ڕێک بوزا، توانو مەنەیوەشا نییەنە، پەوکای سەروو ئا بنەمێ خەباتوو وێما بکەرمێ و وێما رێک بوزمێ و سەرێ بگنمێ و وەختوو ئانەیە ئامان، پیسەو تەڤگەرەکاو ژەنا هێزیما بوزمێ یۆ."
