کۆردیناسیۆنو کەژەکەی بۊنەو ٤ و نیسانی، ڕۊبیەو ڕێبەر ئاپۆیۆ، ئەرەیاۋنێوەش وەڵاکەرڎۆ.

کەژەکە ئەرەیاۋناش پەنەوازا جە چوار پارچەو کوردەسانی و جبەرو وڵاتی سەرو بناغەو ئازادیی بەڎەنی ڕابەر ئاپۆی ٤ و نیسانی پیرۆز بکریۆ و واتش: "٤ و نیسانی، ڕۊبیەو ڕابەر ئاپۆی پیرۆز مکەرمۍ و بە وەشەسیای و ڕێزۆ سڵامش ۋنە مکەرمۍ. ۋەردەمو یاڎو هەمڕایا مەعسوم کارائۆغلانی و مسەفا داغینە سەرەو ڕێزی منامنمېرە کە جە چالاکییەکاو ٤ و نیسانینە گەشمەرڎۍ بیۍ و قەول مڎەیمۍ یاڎو ئاڎیشا بە سەرکۊتەی تاجدار بکەرمۍ. سڵام جە چالاکییە ماناڎارەکەو جوانا مکەرمۍ کە ١ و نیسانی بەرەو ئامارا ڕاپیمای ئازادیشا دەس پنە کەرڎ.

بەپاو نەریتو قەڎیمی ۋەرکۊتوو مېیامینی، حەجکەسۍ قیمەتی گۊرە بە گلېرگەی بەخشۆ، ئانە حەقەتینێوە پیرۆزا. ئینە مەراسیمېوەن کە دلۍ دڵ و گلېرگەینە بە دڵوازیی پیرۆز مکریۆ. ڕۊبیەو بەڎەنی ڕابەر ئاپۆی جە ٤ و نیسانی، داراو مەعنێوە پی جۊرەینە. ڕۊبیەو ٤ و نیسانی، جە ئەڎابیەین دلې سەردەم و جوگرافیێوە هەمەچەشنینە. وەختۍ ڕابەر ئاپۆ جە ٤و نیسانی جە دەگاو ئاماراینە جە ئەڎۍ بی، کوردەسان دلۍ سیاسەتەکا قڕکەردەی بێبەزەییانەو سەدەو ویسەمینە بۍ، نکۆڵیش چنە کریۍ و کۊتەبۍ ئاژێوە کە نە شناسیۍ. ئی ناکۆکییە و گۊرەبیەی سەرو دەسو ئەڎا عوێشۍ، پاسشە کەرد کە ڕابەر ئاپۆ جە ئەڎابیەی دووەمین و یەرەمینیچ بەدی بارۆ. یووەمین ڕۊبیەی، جە ئەڎابیەی بەڎەنی ڕابەر ئاپۆی  و ئاماڎەکاریی بۍ پەی جە ئەڎابیەیەکا تەری. جە ئەڎابیەیەکا دووەم و یەرەمی ئا جە ئەڎابیەیۍ بێنۍ کە بە ئیرادەو ۋێش بەدیئامۍ.

جە ئەڎابیەی دووەم، ئەرەمەرزنای پەکەکەین. پەکەکە، سەرجەنۆ خوڵقنای کوردان بەشێوێوە ئازاد و یەکسان و دادپەروەرانە و پەڕ جە عەشق و شکۆی، یۊبیەی کوردایەتی و سۆسیالیزمی، یۊبیەی گەلان، بێداربیەیۆ عاشقانەو ژەنان. ئا گەلەی یاوابۍ بە ئاستو ۋێدایدەسۊی، ئیتر شناسنامەو ۋێش پارېزنۍ و ڕووەش کەردە ژیۋایۆ و سەرهۊردای. ئا گەلەی ۋەردەمو مەردەینە بۍ، پنەش وچیۍ "دمایش ئاما"، ۋەرا ۋەر بە دژمنی مرداوە. پی جە ئەڎابیەیە کورد و ژەنی فێرۍ ڕێکوستەی و ئەوەکۊشای پەی شناسنامەو ۋێشا بیۍ، ڕووەشا کەرڎە ئازادی و یەکسانی. جە جوگرافیای سەخت و پاکو کەشەکانە، پەکەکە پېسە ‌هەنگی و بە نزیکایەتیی گەریلایانە دەسش بە ئەوەکۊشایۍ گۊرەی کەرڎ پەی خوڵقنای حەقیقەتو گلېرگەی و ئینسانی پاکی. بە هۆشیاری هەمڕایی و دۆسایەتی و هەڤاڵیەتی، دیسان بەشێوێوە بەهێز ڕێخەش کوارە. ڕەنجی ویس ساڵەو ڕابەر ئاپۆی جە ۋەرکۊتوو مېیامینینە، دەیان هەزار گەشمەرڎۍ، سەرهۊردای و ئەرەپڕای سەڎان هەزار ئینسانا، بەشداری پۆل بە پۆلو ژەنا، ڕەنجو هەزاران گەریلایا جە حەر یووەسۍ کەشەکانە، ڕاش پەی جە ئەڎابیەی یەرەمی کەردۆ.

بانگەوازو ٢٧ و شوباتو ڕابەر ئاپۆی بی بە مانیفێستۆو جە ئەڎابیەیۆ یەرەمی

دماو پیلانگڵنیی ١٥ و شوباتو ١٩٩٩ی، فاڕای پارادایمی بۍ بە جە ئەڎابیەیۆ یەرەمی. پرسیارەو "هۆشیاری و ئیرادە و ئشناسنامەو کوردی کە ئیتر ڕۆشن بیەنۆ، مشۊم بە چ سیستەمێوە ژیۋایۆ پێناسە بکریۆ؟" پېسە حەقیقەتو گلېرگەی، حەقیقەتو ژەنۍ جوابو ئی پرسیارۍ دریاوە. ئینەیچ پەی گەلا و ژەنا، وەڵېکۊتەیۍ شۆڕشگێڵنیی گۊرەن. پەی مرۆڤایەتی و ۋەرکۊتوو مېیامینی و کوردەسانی، ۋېیرنای جە ئاستو لۆکاڵیوە پەی گڵۆباڵی، بی بە ورە و هەنگامە و هیوایۍ گۊرەی پەی ژەنا. دڵۆپەو جە ئەڎابیەی یووەمی چنی ئەرەمەرزنای پەکەکەی فاڕیا پەی بەحرێوە، بە جە ئەڎابیەی یەرەمی جە ئیمراڵینە بەرەو ئۆقیانووس‌ بیەی لووا. جە ئەڎابیەی یەرەم ئانڼەی تەر نزیکش کەردۆ جە گەردوونی‌ بیەی و حەقیقەتی. پېسە درێژەو ئی پرۆسەیە، بانگەوازو ٢٧ و شوباتو ڕابەر ئاپۆی بی بە تاجدارکەردەی و مانیفێستۆو جە ئەڎابیەی یەرەمی.

٤و نیسانو ئێساڵی، یاڏو ٧٦ ساڵەو جەئەڏیابییەو ڕابەر ئاپۆی، پەی کوردەسانی و، تورکیای و وەرکەوتوو دلێڕاسەی، بە تایبەت پەی ژەنا، پەی  بنیادنیاو گلێرگەو دیموکراتیکی و ئاشتی، گرنگییێ گۆرەش هەن. پێوەرە سەرەکییەکێ جابەجێ کەردەو ئی مانیفێستەو ئازادی جەسەیی ڕا ەر ئاپۆی و دیموکراتیککەردەو سیاسەتی و خوڵقناو بناغێوە یاسایی و یاساییا. پۆکەی ٤و نیسانی ٢٠٢٥ بە ماناو بەرزکەردەیۆ ئەوەکۆشای مێ پەی ئازادیی ڕەهاو ڕابەر ئاپۆی کە تەمەنش یاوان ٧٦ ساڵێ. ئینە وەرپرسیارێتیێ و ئەرکو ئێمەن وەراوەرو ڕابەر ئاپۆی، کە ڕۆوبییەو وێش کەرد بە ڕۆوبییەو ئێمە.

سەرو ئی بناغەیە بانگەواز جە ژەنا و جوانا و گەلوو وڵاتپارێزیما و دۆساما و زاڕۆڵاما مکەرمێنە ڕووەکەرانە ماوای یوەمو ژیوایۆ جە ئامارا. ئێساڵ جە ٤و نیسانی یوەمین و یەرەمین ڕۆژوبییەی مکەرمینە یۆ، هێزو ڕابەر ئاپۆی و هێزو گەلا و ژەنا و جوانا و زاڕۆڵا مکەرمێنە یۆ. خاکو کۆنو ئامارای مکەرمێنە سیمبولو ئاشتی و بەرهەمداری و ڕۆوبییەو ئازادی.

بانگەواز جە گەلەکەیما جە گرڏ پارچەکا کوردەسانی و چبەرو وڵاتی مکەرمێنە، بەتایبەت بانگەواز جە ژەنا و جوانا و زاڕۆڵا و دۆستەکاما مکەرمێنە، جە گرڏ یاگێنە ٤ و نیسانی سەرو بناغەو ئازادیی جەسەیی ڕابەر ئاپۆی پیرۆز بکەرا، گرڏ یاگینە گوڵ و دارێ بنیانە. حەر دارێ ئێساڵ نریۆنە، بۆنە بە داواو دارو ئاشتی و گلێرگەی دیموکراتیک پەی ئازادی جەسەیی ڕابەر ئاپۆی، کوردەسان و سرووشت پی هەنگامێ سەوزپۆش کریۆنە. ئێستە کاتو ئانەین جەڕووەو جەسەیشۆ ئیمراڵی ویەرۆنە. کاتو جەئەڏابییەی تازەین. کاتو جەئەڏابییەی ئازادییا. کاتو ئانەین بە جە ئەڏایابییەو یەرەمو ڕابەر ئاپۆی، ئاشتی و گلێرگری دیموکراتیک خوڵقیۆنە. سەرو ئی بناغەیە، دیسان ڕۆوبییەو ڕابەر ئاپۆی پیرۆز مکەرمێنە".