پلاتفۆڕمو ئەرەمەرزیا دیموکراتیکییەکا جە چوارچێوەو هەڵمەتەو "ئازادی پەی عەبدوڵا ئۆجالانی، چارەسەری پەی پرسو کورد"ینە جە ئامەدۆ بەرەو ئەنقەرە 'ڕاپیمای چارەسەری دیموکراتیک و ئازادی'یشا دەسپنەکەرڎەن. چالاکا ڕاپیماکەی یاوۍ بە ئەدەنە و سەڎان کەسۍ بەشدارۍ ڕاپیماکەی بێنۍ.

جە ڕاپیماکەینە لافیتۍ بە دوورشمەکا "باوەڕیم بە هێزی تیۆری و پراکتیکیا" و "ژەنی، ژیۋای، ئازادی"...بەرزۍ کریێوە.

جە بەردەوامی ڕاپیماکەینە نوێنەراو پارت و ئەرەمەرزیا مەدەنییەکا قسێشا کەردۍ.

هامسەرۆکو فیدراسیۆنو جەمەو پەشتیوانی یاسایی چنی بنەیانەو زینانیا و زینانیا- مێد( MED TUHAD-FED)ی کەریم جانپۆلات قسێش کەردۍ و دەسنیشانش کەرڎ چنی چارەسەریی و بەردەوامی مڎا بە چالاکییەکاشا پەی ئازادی جەسەیی ڕابەر ئاپۆی.

هەر جە ڕاپیماکەینە ئەندامو کۆنگرەو ئیسلامی دیموکراتیکی ئەمین ئای قسێش کەردۍ و واتش: "نامۍ ڕاپیماکەیما چارەسەری دیموکراتیکی و ئازادییا. ئینە ڕاپیماو گرڎو نەتەوە و کولتوورە جیاوازەکان. جیای گرڎو چێردەسا داواو ئازادی مکەرمۍ. ڕابەرو ئی گەلەیە نامونیشانو چارەسەری دیموکراتیکی و ئاشتیا. موخاتەبو چارەسەری ئێژا ئۆجالانا."

جە دمادماینە پەڕلەمانتارەو موشو دەم پارتی سومەیە بۆزە قسێش کەردۍ و جە قسەکاشەنە ئاماژەش بە گرنگی فکرو ڕابەر ئاپۆی کەرد پەی نەخشە ڕاو چارەسەری پرسو گەلاو هەرێمەکەی و واتش: "تا یاوای بە مەرامەکاما و ئازادی ئێژا ئۆجالانی، جە ئەرەکۊشایما بەردەوامۍ بیمۍ."

ڕاپیماییکەرا دماو چەمپنەکۆتەی و خێرئاماییەکەو ئەدەنەی، دەربازۍ مێرسینی بیۍ، چایچ قسۍ مکریا و چنی نوێنەراو ڕێکوزیا مەدەنییەکا چەمپنەکۊتەی ئەنجام مڎریۆ.