پەرلەمانتاری ۋەڵین و هەدەپەی "لەزگین بۊتان" سەبارەڎ بە پرۊسەو ھورچنیاکا قسێش پۍ ئاژانسو هەواڵی فرات (ANF)ی کەرڎ.

بۊتان باسش چانەی کەرڎ کە تورکیا ئینا سەرو ڕێۋە تاریخی و بەرەو ھورچنیای ملۊ و ۋاتش: "پۍ ۋەرکەوتوو دلېراسەی، پۍ تورکیای و بەتایبەتی پۍ کورڎا ئی ھورچنیۍ فرە گرنگێنۍ. تورکیا جە روو ئابووریۊ گیرۊڎەو کێشێۋە فرە قووڵیا. ئەگەر چی ھورچنیانە دیکتاتۊری و لایەنگرا جەنگی سەرگنا بەرە ڕوۋەو کارەساتی گۊرەیرە کریۊۋە. حەرپۊکەی ئی ھورچنیۍ پۍ کورڎا، پۍ گەلوو ترکی و گەلا ۋەرکەوتوو دلێراسەی فرە گرنگا پۍ ئانەی سەر جەنۊ دیموکراسی بێنەئاراوە و ئی رژێمە دیکتاتۊرە دلېنە بشۊ".

بۊتان باسش جە پەیماننامەو لۊزانی کەرڎ و ئانەش وست ڕوۋە کە ئی ھورچنیا ھورچنیێۋە تاریخین. بۊتان ئەرەیاۋناش کە پۍ پارێزنای جە بیەیما، ئشناسنامە و زوۋانی کوردی، ئەشۊ ئا سیاسەڎمەدارۍ کە سەرو نامۍ کورڎیۊ سیاسەڎ مکەرا، بە شێۋێۋە هامبەش گنانە جمە و پی جۊرە ۋەردەوام بۍ و ۋاتش: "سەرنیشتوو کورڎسانی، پارچێۋە گۊرەو کورڎسانیا. چەمەڕوانیۍ فرێنۍ. جە ئیسەنە دۊڵەتو ترکی ئینا پێگێۋەنە کە متاۋۊ دەسوەردای جە یەرە پارچەکەی تەریچەنە کەرۊ. پەرەسانایەکۍ جە سەرنیشتوو کورڎسانی چنڎە دۊڵەتو ترکی جە ڕاو دیموکراسیۊ توووشو تەنگو چەڵەمەی کەرا، بەهەمان قەبارە ھجوم و فشار سەرو یەرە پارچەکەی تەری کەم کریۊۋە".

چا روۊ ورەما بەرزا. گەلوو کورڎی چی ۋەختە بە دماۋا، دەس جە مافەکاش ھورمەگېرۊ. بەڵام ئاخۊ ئانە ۋەسێن؟ نا. ئایا مەتەرسیش هەن؟ بەڵۍ. ئێمە گەرەکمانە جە ١٤و ئایارینە بیمۍ بە مەڵامەتو ئاشتی، ئازاڎیی، دیموکراسی و داڎپەروەری".

هـ . ش