ڕۆماو پایتەختو ئیتالیاینە کۆمەڵەو ئاراراتی ئاهەنگو جەژنەو نەورۆزی بە جۆشوخرۆشۆ کریا، سەرۆکو شارەوانی و کۆمەڵە و سەندیکا و پارێزنەرێ و وانیارێ و جمیەرێ ژەنا بەشدارێ بێنێ.

ڕۆحو یۆبییەی و پەشتگیری سەروو ئاهەنگەیرە زاڵ بێ و قسەکەرو کۆمیتەو ئازادییب ڕابەرو گەلو کوردی عەبدوڵا ئۆجالان، جیۆڤانی ڕوسۆ سپێنا تیشکەش وستە سەرو گۆشەگیریی ٢٥ ساڵەو ڕابەرو گەلو کوردی عەبدوڵا ئۆجالانی و قۆناغو ئامای ڕابەرو گەلو کوردی عەبدوڵا ئۆجالانی پەی ڕۆمای.  

ئەرەیاوناش ئی دۆخە قبووڵ نمەکریۆ و زووتەرین وەختەنە ڕابەرو گەلوو کوردی عەبدوڵا ئۆجالان ئازاد مبۆ.

زیاتەر کج هەزار ئیتاڵییا بەشدارێ ئاهەنگەکەی بێنێ، ئاهەنگە بە چالاکیێ هونەریێ دماییشا ئاما.

بۆڵۆنیا

 شارەکاو بۆڵۆنیاینە و قوپارماو ئیتالیاینە بە بەشداریی سەدان کوردستانی و ئیتاڵییا نەورۆز مەبارەک کریا.

پەی یادکەردەیۆ گەشمەردە ئاڤێستا خابور (زەلوخ حەمۆ)ی، کە مدرامانو عەفرینینە ساڵەو ٢٠١٨ وەراوەرو ئەرەگیریی تورکی فاشیستی چالاکی فیداکارییش کەرد، بۆڵۆنیانە هۆڵو چاندو لاباسی کریاوە، دماو دەیەقیوە ریزگێرتەی، کۆبییەیۆکەی دەربارەو کۆشیای ژەناو وەرنیشتی کریا.  

ژەنە شۆڕشگێڵنە ئیتاڵییەو یەپەژە ئەنتەرناسیۆنالی ئەلێسیا مانزی و لە یا باستاوە عادلە پێسەو قسەکەرێ بەشدارێ کۆبوونەوەکەی بێنێ، دمایی کۆبییەیۆکەی بە پەرس و جۆ دماییش ئاما.

دمایی کەمپەینو پەشتگیریی دەسش پەنە کەرد، پەی کەردەیۆ سینەماو عامودای وەرنیشتنە، یوەمین فلیم پی بۆنەوە ، نیشانەدای سینڤزیۆنێوە بێ پەی یادکەردەیۆ لۆرێنزۆ ئۆرسێتی (تێکۆشەر پڵنگ)، کە هەڵمەتەو ڕزگارکەردەی وەرنیشتینە داعشی گەشمەردە کەرد.

چالاکییەکە بە گۆرانیی هونەرمەندا بەردەوام بی، پانکارتێ دژو فاشیزمو دەوڵەتو تورکی بەرزێ کریێوە، گرد لایێوە بە عەلەمێ پەکەکە و یەپەگە و یەپەژەی ڕازیابێوە و درووشمو "بژیوۆ نەورۆز" و "ئازادیی پەی عەبدوڵا ئۆجالانی و وەرنیشتی" بەرزێ کریێوە.

پارما

٢١ ئاداری ڕۆو پەنج شەممەی پارمانە بە بەشداریی ٢٣ ڕێکوزیا و پارت و سەندیکا و ئەرەمەرزیایا بە مەشخەڵیوە ڕا پیمیا.  

دلێشنە درووشماو "ئازادیی  پەی عەبدوڵا ئۆجالانی" و "ئاشتیی پەی کوردستان"ی و "بژیوۆ نەورۆز" و "بژیوۆ کوردستان" و "بژیوۆ وەرنیشت" بەرزێ کریێوە، دماو ڕاپیمایە ڕەنگینەکەی چالاکی کەلتووری و کەردەیۆ ئاویرو نەورۆزی دەسش پەنە کەرد.  

دماو قسەکا گۆرانیێ فۆلکلۆریێ پێشکەشێ کریێ و بی مایێ دڵوەشیی جەماوەری، چالاکییەکە شەوێ دێرین بە درووشمو "بژیوۆ سەرۆک ئاپۆ"ی دماییش ئاما.