ماک پەی پەشتیوانی جە ۋەرنیشتی چالاکیش ئەنجامدا
ماک جە دژو هجومە ئەرەگیریەکا دۆڵەتو تورکی پەی سەرو وەرنیشتی، جە گەڤەر و ئێلیحەنە چالاکی جوابدایۆیش ئەنجامدریا.
جەنگاوەرا ئازادیی کوردەسانی (ماک) جەبارەو چالاکییەکەیشاوە ئەرەیاونێوەشا وەڵاکەردۆ.
جە ئەرەیاوناکەینە ئامان، " جەنگاوەرەکێما جە وێرەگاو ٣ۍ ئۆکتۆبەری جە دژو بنکەو ٧٥و پۆلیسی جە کۆڵانەو کشلاو کۆنو گەڤەری چالاکییشا کەرد. جەنگاوەرەکێما ئا بنکەی کە ئەرەگیرەکێش چنە بێنێ بە تەقەمەنی و گولۍ هەوایێ کەردێشا ئامانج. ئەرەگیرەکۍ کە پەی ماوێوە فرەی نەتاواشا جە بیناکێنە بەیا بەرۆ، دماتەر بە ترۆمبیلێ زرێپۆش دلێ کۆڵانەکێنە خولیێوە.
جەنگاوەرەکێما وێرەگاو ٤و ئۆکتۆبەری جە کۆڵانەکا جومهوریەتی و باخچەلیئەڤلەری ئێلیحیچ جە دژو ٢ ترۆمبێلا دامودەزگاکا دۆڵەتی چالاکییشا کەرد و هەردووی ترۆمبیلەکێشا سۆچنێ".
ماک جە درێژەنە ئەرەیاونانش، "گەلەکەما و هێزەکا پارتیزانیما جە دژو هجومەکا دۆڵەتو تورکی ئەرەگیری و چەتە دڕندەکا گەرەکشانە شۆڕشو وەرنیشتی پاکتاو بکەرا و کۆمکوژی ئەنجام بڎانە، مڏرامانی بێهامتا مکەرا. پەنەوازا گردو گەلەکەیما جە هەر یاگێنە بۆ پەی پارێزناو شۆڕشو وەرنیشتی گنا ئامادەباشی و جە دژو ئەرەگیری هەوڵەکاشا وزاگەڕ. بە چالاکییەکاما سڵام جە مڏرامانە شکۆمەندانەکەو وەرنیشتی مکەرمۍ و ئەرەیاونمێش کە درێژە بە مڏرامانی و ئەرەکۆشای جە دژو ئەرەگیرا مڎەیمێ".
