بە پاو هەواڵێوە تۆڕەو مافەکا مرۆڤوو کورڎسانی، هێزەکاو دەوڵەتی بە بێ ئانەی ئیجازەو وشکنایشا بۆ هۊرشا کوان سەرو یانەو مامۆسا موختار ئەسەدی و دەسبەسەرشا کەردەن.

دماو گێرتەی و فاڕایۆیش پەی ئەمنیەتو ئینتەرنێتی سنەی، ئەسەدی فاڕیانۆ پەی شۆنێوە نادیاری.

تۆڕەو مافەکا مرۆڤوو کورڎەسانی وەڵایچش کەردەنۆ کە ئا مامۆسا کوردە دماو گێرتەیش مانیش جە ۋاردەی گێرتەن.

ئەسەدی ئەندامێوە دیارو یۆبیەی پیشەیی مامۆسایا کورڎەسانی و جە هەمان کاتەنە خۆنکارو کارناسی باڵایا جە زانشتگەو تارانینە و بەمەڵامەتو چالاکیەکاشۆ چڼین جارۍ گیریان.