مانگێرتەی زیندانییاو پاژک و پەکەکەی، پەی ئازادیی جەسەیی ڕابەرو گەلو کوردی عەبدوڵا ئۆجالانی، زیندانەکاو تورکیای و سەرنیشتو کوردستانینە ١٣٨ـەمین ڕۆ، ئینا قۆناغو دووەمینە و بەردەواما.
زیندانییە سیاسییاو پاژکی و پەکەکەی، زیندانەکاو سەرنیشتو کوردستان و تورکیاینە، کە چوارچوەو هەڵمەتەی جیهانییەو" ئازادیی جەسەیی عەبدوڵا ئۆجالانی و چارەسەری سیاسی پەی پەرسەو کوردی" دەسشا بە چالاکیی مانگێرتەی جە واردەی کەردەبێ، ئینا ڕۆو ١٣٨ـەمینینە و بەردەواما.
مانگێرتەکەی ٢٧ـو تشرینو دووەمو ٢٠٢٣ـێوە چوارچوەو هەڵمەتەی جیهانییەو "ئازادیی جەسەیی پەی عەبدوڵا ئۆجالانی، چارەسەری سیاسی پەی دۆزو کوردی" کە ئاستو جیهانینە دەسش پەنە کەردەن، ئینا قۆناغو دووەمینە و بەردەواما.
یاگێ ئاماژەینە ڕۆو ٤ـو نیسانی، زیندانییە سیاسییاو دۆزو پەکەکەی و پاژکی ئەرەیاوناشا، قۆناغو دووەمو چالاکییەکەیشا دەسش پەنە کەردەن و مانگێرتەی جە واردەی دماییش ئامان و بایکۆتو پەیوەندیی تەلەفۆنی و کەردەی دیدارەکاشا کەردەن.
