پلاتفۆرموو کوشتەی ژەنا ڕاگێرمۍ (کەجەدەپە) گوزارشتەو مانگەو نیسانیش وەڵاکەردۆ و بە پاو گوزارشتەکۍ مانگەی ۋییەردۍ ٣٢ ژەنۍ کوشیێنۍ و ١٣ ژەنیچ بە شێوەی گوماناوی گیانشا جە دەسدان.

١٩ ژەنۍ جە تەرەفوو هامسەرەکاشاوە کوشیێنۍ

جە گوزارشتەکێنە ئانەیچ وزیان ڕووە، جە مانگەو نیسانینە ٣٢ ژەنۍ کوشیێنۍ، ١٩ شا جە تەرەفوو پیایەکاشاوە کوشیێنۍ، پەنج ژەنیشا جە تەرەفوو ئا پیایاوە کە چنیشا ژیۋێنۍ، یەرۍ ژەنۍ جە تەرەفوو کەسوکاریشاوە، دووۍ ژەنۍ جە تەرەفوو کەسێوە ئەشناسوو ۋێشاوە، ژەنێوەیچ جە تەرەفوو تاتەیشۆ، ژەنێوەیچ جە تەرەفوو براکەیشۆ، ژەنێوەیچ جە تەرەفوو کوڕەکەیشۆ کوشیێڼە.

بە پاو گوزارشتەکۍ ١٨ ژەنی جە یانەو ۋێشانە، ٤ ژەنی سەروو جاڎەیۆ، ٢ ژەنی جە شۊنە گردینەکانە، ژەنێوە دلۍ ترۊمبێلینە، ژەنێوە دەشتەنە، ژەنێوە یاگۍ دوورەدەسەنە، ژەنێوە ئوتێلەنە، ژەنێوە جە کادێن کوشیێنە.

ئانەیچ وزیان ڕووە کە تا ئیساتۍ مەڵامەتوو بەهانۍ کوشتەی ١٨ ژەنا نەزانیان.