جە ٢٧ـەمین ساڵوەگەڕو پیلانگێڵنی مېیاننەتەوەیینە دژ بە ڕابەر ئاپۆی، ڕۆمانی فارسی " گرافیکو ئازادی سەرگنۆ" وەڵا کریاوە.

ئی ڕۆمانە گرافیکییە، بە شێوازێوە هەوڵ مڎۆ ژیۋاینامەو ڕابەر ئاپۆی جە زاوڵەییوە تا ئیساتۍ بیاونۆ بە ۋانیەرا. نوویسەری ئینگلیزی سانت میشێل ویلسۆن دووۍ ساڵۍ چێوەڵی دەسش بە نوویستەی ئی ڕۆمانۍ کەردەن و کاکو گرافیکو کوردی بە دیمەنش کەرڎەن.

ڕۆمانو گرافیکی، ژیۋای ڕابەر ئاپۆی؛ جە زینانو دوورگەو ئیمرالی بە عالی نیشانە مڎۆ.

هۊرگېڵنای و دەسکاریکەردەی ئی بەرهەمە ناوازەیە پەی سەرو زوانی فارسی، بەرهەمو ئەکادیمیاو عەبدوڵا ئۆجالانین جە زانستە کۆمەڵایەتییەکانە ئەنجام دریان، کە بەرهەمەکا ڕابەر ئاپۆی کوۍ مکەرۆوە و چاپێشا مکەرۆ. کتێبەکە هەوڵ مڎۆ ئا تیۆرییە بنەڕەتییا ڕۊشنۍ بکەرۊوە کە ڕابەر عەبدوڵا ئۆجالان؛ پەی ئەوەکۊشای ئارۊیما مشناسنۊشا. ڕۆمانەکە ئایدۆلۆژی ئازادی ژەنۍ و کۆنفیدرالیزمو دیموکراتیکی جە ۋێش گېرۊنە. ئی ژیۋاینامە هەوڵ مڎۆ بنەما بنەڕەتییەکا پڕۆژەو سۆسیال دیموکراتیکی ڕادیکاڵی کە جە ۋەرنیشتەنە ئەرەمەرزیان، پېسە ۋێش بشناسۆ.

پی گېرتەیرەی ڕۆمانو گرافیکی ئازادی سەرگنۆ، چێنە کلیک بکەردۍ.

هەرپاسە ئانۍ ئارەزوومەڼێنۍ زیاتەر سەرو ئی ڕۆمانۍ بزانا متاوا سەرۋنەو ماڵپەڕو پەژاکی پی نامونیشانە WWW.PJAK.EU و کەناڵو تێلێگرامی OCALANKETAB بکەرا.