وەزارەتوو وەرگیری ئەمریكای وەڵاش کەردۆ، جە ١٧و تشرینی یووەمیوە گرووپە چەكدارەكۍ سەر بە ئێرانی ١٠٦ هجومېشا جە ڕاو مووشەكۍ و فڕۆكەی بێ فڕۆكەوانیوە پۍ سەروو هێزەكاو ئەمریكای جە عێراق و سووریانە ئەنجامدېنۍ.
وەزارەتوو وەرگیری ئەمریكای (پنتاگۆن) جە بارەو ژمارەو هجومەکا سەروو بنكە و بارەگاکا ئەمریكای جە عێراق و سووریانە ئەرەیاۋنېوەش وەڵا کەردۆ.
جە ئەرەیاۋناکەینە ئامان، جە ١٧و تشرینی یووەمیوە گرووپە چەكدارەكۍ سەر بە ئێرانی ١٠٦ هجومېشا جە ڕاو مووشەكۍ و فڕۆكەی بێ فڕۆكەوانیوە پۍ سەروو هێزەكاو ئەمریكای جە عێراق و سووریانە ئەنجامدېنۍ.
ئاماژەش پانەیچ کەرڎ، شەوەی ویەردۍ جە لایەنوو گرووپە چەكدارەكاوە هجوم کریان سەروو بنكېوە جە هێزەكاما دلۍ فڕگەخانەو هۊلێریەنە، بەڵام جە ڕاو سیستموو وەرگیریوە جووابوو هجومەکەی دریانۆ.
پنتاگۆن ئانەیچش وست ڕووە، ئەگەر هجومی زیاتەریچ ڕووە بڎۆ، ئانە جە وەخت و یاگۍ گونجیێنە جوابش مڎاوە.
جە دماو فراوانبیەی پشېوی و گرژییەكا بەینوو چەكداراو حەماسی و سوپاو ئیسرائیلی جە غەزەنە، بنكە سەروازییەكۍ ئەمریكای جە عێراق و سووریانە جە ڕاو مووشەكا و فڕۆكەی بێ فڕۆكەوانیوە بە بەردەوامی هجومشا کریان سەر.
پېسە وەرپەرچدایۆ پۍ ئا هجوما چن جارێوە ئەمریکا گروپە چەکدارە عێراقیەکێ نزیک جە ئێرانیش کەردېنۍ ئامانج.
