ناوەنڎو ۋنەکۊڵیای کۊمەڵایەتی-سیاسی ئەرەیاۋناش، تنوتیژی وەران ۋەرو ژەنا زیاڎش کەرڎەن و ئاماژەش پانەی کەرڎ، جە بەینو ١و ئاداری حەتا ٣١و ئایاری لانیکەم ٩٤ ژەنۍ تورکیانە کوشیېنۍ و ٨٤ ژەنیچ بە شێۋېوە گوماناوی گیانشا جە دەسدان.
ناوەنڎو ۋنەکۊڵیای کۊمەڵایەتی-سیاسی ئامارەو یەرۍ مانگا تنوتیژیش وەران ۋەر بە ژەنا و هجومە رەگەزییەکا پۍ سەرو زارۊڵا ئاشکرا کەرڎ.
گوزارشتەکۍ ئامارەو یەرۍ مانگا جە ١و ئاداری حەتا ٣١و ئایاری جە ۋېش گېرۊ مقارنە بە ئامارەو یەرۍ مانگای وەڵینی (١ و کانوونو یوۋەمی حەتا ٢٨و شوبات)ی تنوتیژی وەران ۋەر بە ژەنا و زارۊڵا زیاڎش کەرڎەن.
گوزارشتەکۍ چا هەواڵا کۊکریېنېۋە کە جە بارەو تنوتیژی پیایا جە یاۋنەریەکاوە ۋەڵۍ کریېنۍ. ناوەنڎو ۋنەکۊڵیای کۊمەڵایەتی-سیاسی ئانەیچش وستەن ڕووە، "پەی دەس یاۋای بە دۊسیەکا تنوتیژی وەران ۋەر بە ژەنا و چەوەسیایۊ زارۊڵا، هەواڵەکا پلاتفۊڕمو 'تاوانەکا دژ بە ژەنا مرڎنمۍ، بنیاڎ، ژن نیوز، ئاژانسو مێزۊپۆتامیا، ئانیت سایاچ و فرەو ئاژانسەکا تەری هەواڵۍ مەنتیقەی و نەتەوەیی بە بنەما گیریېنۍ".
ئامارەکۍ تنوتیژی وەران ۋەر بە ژەنا و زارۊڵا
بە پاو گوزارشتەکۍ:
جە بەینو ١و ئاداری حەتا ٣١و ئایارو ٢٠٢٣ ، ٩٤ ژەنی کوشیېنۍ و ٨٤ ژەنیچ بە شێۋېوە گوماناوی گیانشا جە دەسدان.
١٨٥ ژەنی روو وە ڕوو تنوتیژی بیېنێوە و زامڎارۍ کریېنۍ، ٩ چا ژەنا زامەکەشا سەخت بیەن. ٣٤ ژەنۍ هەڕەشېشا ۋنەکریېنە، ١٤ ژەنۍ ئەشکەنجە دریېنۍ، ٧ ژەنۍ روو وە ڕوو دەسدرێژی سێکسی بیېنېوە ٣٨ زارۊڵېچ روو وە ڕوو چەوەسیایۊ رەگەزی و جەستەیی بیېنێوە.
هـ . ش
