ئەنداموو کۆمیتەو ڕاوەبەری پەکەکەی دوران کاڵکان جە وتارېنە بە نامونیشانوو "مدرامان، سەرکۊتەی مارۆ" کە جە ماڵپەڕوو پەکەکەینە وەڵا کریانۆ، هۊرسەنگنۍ گرنگێش وستېنۍ ڕووە.

هۊرسەنگنایەکۍ دوران کاڵکانی پی جۆرەنۍ:

"ئێمە رووبەڕوو رژێمێوەنمۍ، کە جە سەر تا وار جە جەنگی تایبەتی فاشیستی سازکریان و موینمۍ ئینا حۊڵوو ئانەینە گرڎوو کایەکاو ژیۋای فاڕۆ پۍ جەنگوو تایبەتی دەروونی. جە ٧ ساڵۆ تا ٧٠ ساڵ گلېرگە ٢٤ سەعات رووبەڕوو جەنگی تایبەتوو فاشیستی هەمەلایەنەین. ۋەروو ئانەی هجوموو جەنگی تایبەتوو دەروونی کە باس کریۆ، خاوەن مەعنېوە ۋەرچەموو بیردۆزی، سیاسی و سەروازییا. سەروو ئا بنەمایۍ گەرەکشانە ئیراڎەو گلېرگەو کوردی و هێزە دیموکراتیکە شۆڕشگێڵنەکا دلېنەبەرا. گەمە بە توڕەیی گلېرگەو کوردی و دۆساشا کریۆ. هجوم پۍ سەروو ئا خاڵا کە پېسە مەڵامەتوو جەنگی و ئاشتی منریارە، یانیچ خاڵەو ڕابەرایەتی بەردەوامېنۍ. ئانە هجومېوە یەکجار مەترسیڎارا، رووە دایۍ جددییا و ئاژېوە چانەن کە مرۆڤ نە بە سوکی مامەڵەش چنی کەرۊ و نە بە سووکی منیۊشەرە. هجومېوە جەنگی تایبەتی بە تەمامەتی پلان پۍ مجیایرەی، رێکوزیا و ئامانجدار وەڵۍ وزیان.

مەبۊ ئانە جە ویر کریۆ کە ئیمراڵی ئا یاگێنە کە دژوارتەرین جەنگش چنە ئەنجام مڎریۆ. ٢٤ سەعاتە جە گرڎ ساتێوەنە هجوموو جەنگی تایبەتی فاشیستی-قڕکەری و جەنگی دەروونی ئینا ئارانە. جە دژوو گرڎوو ئا هجوما ژیۋای پېسە مدرامانین. دژوارترین کۊشیای جە ئیمراڵینە ئەنجام مڎریۆ. سیستموو گۆشەگیری و ئەشکەنجەو ئیمراڵی بەردەوام حۊڵ مڎا کە بە چری بەراش ڕاوە. ئانەی ڕووەشدا ئا راسیەما بە ڕۊشنی نیشانە مڎۊ. جە لېوەتەرۆ موینمۍ کە گۆشەگیری نەمەریان. سیستموو ئەشکەنجەی و گۆشەگیری ئیمراڵی بەردەواما، ئەقڵیەت و سیاسەتێوە کە بیەن بە مایۍ ئانەی حۊڵ مڎۆ هجوم و باڵادەسی ۋېش بە پلانە و رێکوزیایی درێژە پنە بڎۆ. مەبۊ چېگەنە جەیۆدایۊ و ئەنەیاوای غەڵەت بېنە ئاراوە.

چەمۍ و گۊشۍ گرڎ کەسی جە ڕابەر ئاپۆی و ئیمراڵییا

ئیسە نەک هەر کورد، هێزە شۆڕشگێڵنە دیموکراتیکەکاو تورکیای، ژەنا، گەنجا، گەلی و گرڎوو هێزە وەڵېکۊتەوازەکا، دیموکرات و سۆسیالیستەکا ۋەرکەوتوو دلېڕاسەی و جەهانی ماچا کە چارەسەری بە ئیمراڵیرە وییەرۆ، هێزوو چارەسەری ڕابەر ئاپۆن، چارەسەری پرسوو کوردی ئینا لاو ڕابەر ئاپۆیۆ، بە شێوېوە ڕۊشن موینۆ کە سەروو بنەمېوە تیۆریک، پاڕادیگمایی و سیاسی متاویۆ جابەجێ کریۆ. گرڎ چانەی یاوېنێنە کە بە بێ ڕابەر ئاپۆی چارەسەری نمېنە ئاراوە. ئەگەر پرسوو کوردی چارەسەر کریۆ و چی جەهانەنە سەروو بنەماو ئاشتی کوردو- تورکی بەدیبێ، ئیتر گرڎ کەسۍ ئانەی بە ڕۊشنی موینۆ و بە عالی درکشا پنەکەردەن کە تەنیا بە سەرمەشقایەتی ڕابەر ئاپۆی ئانە مسۆگەر بۆ و هێزوو سەرکۊتەی ئینا لاو رابەر ئاپۆیۆ.

وەڵتەرێچ ڕابەر ئاپۆ و پارتەکەما ئا ئاژەشا بە شێوۍ جیاجیا بەربڕیەبۍ. چنی ۋیەرناو وەختی ژەنا و گەنجا کوردی چا راسیە یاوېنە و سەروو ئا بنەمایۍ گوزارشتشا جە ۋېشا کەرڎ و چالاکیشا ئەنجامدا. بەڵام چی روۆ تەنیا بە ڕابەر ئاپۆی، پەکەکەی یاخوڎ گەلوو کوردیوە سنووردارنییا، ئیتر ئاڎېش وییەرنێنۍ و گەلاو تورکیایش گرتەنۆ، بیەن بە دیاردېوە کە هێزە ئازاڎیوازە دیموکراتیکەکا ۋەرکەوتوو دلېڕاسەی و جەهانی دلۍ وێشەنە کۆکەرۊوە. ئیتر گرڎ کەسێ ئا مژارەیە مزانۆ. ئیتر گرڎ لایۍ بە عالی درکشا بە راسی ڕابەر ئاپۆی کەردەن. حەرپۊکەی پرسوو کوردی مشناسا. 'کێ پرسوو کوردیش خوڵقنان، ئا کێشە بە چ مەعنېوەن، کێ ئیسفاڎە جە پرسوو کوردی هۊرگېرۆ؟ بەپێچەوانۆ، کێ گەرەکشا پرسوو کوردی چارەسەرنەکریۆ، بە راسی چنی چارەسەر بۆ، سەروو ئا بنەمایۍ راسی ڕابەر ئاپۆی گوزارشت جە چېشی کەرۆ؟یاوېنۍ بە ئاستێوە کە بە دروسی و بە شێوېوە کاریگەر جوابوو ئانیشا بڎاوە. ۋەروو ئانەی گرڎوو ئانیشا ئازاڎیی، دیموکراسی، ئاشتی و ئارامیشا گەرەکا چەمۍ و گۊشێشا ئینۍ ئیمراڵیی. ئینەیچ پەیوەسا پانەی ڕا ۋەروودەم و ڕابەر ئاپۆینە کریۊوە و هەلومەرجوو ئازاڎیی ژیۋای و هەرمانکەرڎەیش دەسەبەر کریۆ.

بانگەوازوو ڕابەر ئاپۊی بانگەوازوو هۊشیاربییەیوە، ڕێکوستەی و چالاکیین

سەروو ئا بنەمێوە، سەروو ئاشکراکەرڎەی ڕاسی  مرڎۊوە، کە ئاخۊ چارەسەروو پەرسەو کورڎی متاویۊ وزیۊ وەڵۍ یان نا؟ ئا دۊخە تا مۍ زیاتەر وەڵا بۊوە و قووڵتەر بۊ، کەم  مەبۊوە و سەنگە و قورسایی جەدەس مەدۊ. چا چوارچوەنە مشۊم ئێمە جارێوە تەر باسوو  نەخشەڕاو ٢٠١٩ کەرمۍ کە لاو ڕابەر ئاپۊیۊ وەڵا کریاوە و ئا ئیرادەەشە کە  کۊبییەیوەو ٢ ئایاروو ٢٠١٩ ئارڎ. ئا وەختە فرەو کەسی کەسی کە ئا ورسەنگنایەو ڕابەر ئاپۊیشا خاس ورسەنگنا واتشا، کە ئامە فرسەت و خاڵێوە ئەرێنییەی گەورێنە و مشۊم بۍ دماکەوتەی و بە بۍ وەختبەفیڕۊدای دروس بەکار بۍ.چون سڵامەتی و گرنگیی هەرمانەکێشا هەست پەنە کەرڎ. ڕاسیی هێزوو چارەسەری، ئیرادە، ڕژدبییەی و وەرپەرسبییەی ڕابەر ئاپۊی جارێوە تەر وینیا و هەستش پەنە کریا.

ڕابەر ئاپۊ وەراوەروو گرڎ نۊعە سیاوکەرڎەی، دروا، فێڵ، ئاڵۊزی و ناڕۊشنی جەنگی تایبەتی دەروونی، بە هەڵوێست و پاگێرتەیرەوە کە ئارڎش ئاراوە، گرڎ چێوێش واوەی ڕۊشن کەرڎۊ. گرڎوو گەمەکاو چەواشەکاری و سیاوکەرڎەی و ناڕۊشنییش پووچەڵ کەرڎۊ و بارش بەرڎ. جارێوە تەر فرسەتش بە گرڎوو ئانیشا داوە، کە هۊگرۍ ئازادی و دیموکراسیینۍ و ئانۍ جە چارەسەرکەرڎەی پەرسەو کورڎینە ویناوە. چی خاڵۍ خەبات و کۊشیاینە یارای، ورە و هێزشا بەدەس ئارڎ. سەروو ئا بنەمۍ بانگەوازوو ڕابەر ئاپۊی بانگەوازوو هۊشیاربییەیوە و ڕێکوستەی و چالاکیین.

ڕابەر ئاپۊ بەرڎەوام هۊشدارییش دان پا لایەنا کێشەو کورڎیشا وەش کەرڎەن و ڕا مەدا چارەسەر کریۊ

پەیامێوە تەری گرنگ؛ ڕابەر ئاپۊ بەرڎەوام هۊشدارییش پا لایەنا دان، کە کێشەو کورڎیشا خوڵقنا و بێچارەسەر جیاشا ئاستەن. ڕابەر ئاپۊ جگە جە هۊشداریدای پانیشا کێشەو کورڎیشا خوڵقنا و بە چارەسەرنەکریای ئاستشاوە، داواو فاڕیایش کەرڎە، ئی جارە ڕابەر ئاپۊ ڕووەو قسەکاش کەرڎ ئا لایەنا، کە وازیارۍ چارەسەروو کێشەو کورڎینۍ، ئانۍ وازیارۍ ئازادیی کورڎی و دیموکراتیککەرڎەی تورکیای و وەرکەوتوو دلێڕاسەینۍ، ئانەش وست ڕووە، کە مشۊم چێش کەرا، واتش:"ئەگەر پا سەروو ئی داوۍ گێرارە، ئانە مشۊم چالاکیی ئایدیۊلۊژیی و سیاسیۍ کریا، و واتش، هەرچندە چی عومرەنە  ٢٤ سەعاتۍ ژوورێوە چینەنە هەرمانە کەروو، سەرنجەم سەروو چارەسەریوەنە کۊڵییەوە، وەلۍ ئیمکان و دەرفەتوو شمە زیاتەرا، هەگەرەکوم بەڕاس چارەسەریتا گەرەکا، کەواتە بە بەکارئارڎەی ئینیشا ئەنەیاوای وێتا پەرە پەنە دەیدۍ و بە ڕێکوستەی بیدۍ ساعیبۍ هێزوو چارەسەری. شمە ئا هێزا بۍ چارەسەرکەرڎەی سەپندۍ و ڕا جە چارەسەری گێرڎۍ و شکستشا پەنە بارڎۍ. ئینە گرنگ بۍ، سەروو ئا بنەمۍ داواش وەنەو گرڎ لاێوە کەرڎە دژوو گۊشەگیریی ئیمراڵیی کۊشیا و واتش:" گۊشەگیریی ئیمراڵی گۊشەگیریی گرڎ لاێوەن پەنەوازا گرڎ لایۍ پەی ماڕای گۊشەگیریی وێشا هەوڵۍ و کۊشیاینە با. ئا وەخت سیستموو ئەشکەنجەی و گۊشەگیریی ئیمرالی مەڕیۊ، ئازادی و دیموکراسییچ پەی بۊ کورڎستانی و تورکیای و وەرکەوتوو دلێڕاسەی دەسەبەر کریۊ. "داوا وەنەو ئا کەسا کەرمۍ، کە وازیارۍ چارەسەروو کێشەو کورڎینۍ، کە دژوو سیستموو ئەشکەنجەی و گۊشەگیریی ئیمرالینۍ، داواکاشا تەنیا قسانە  نازاوە و بە ڕێکوستەی، کرڎەوەی هامبەش و هێزێوە گەورەتەرۊ ەوە دەسبەکارۍ با.

واتش هێزە دەسەڵاتدارەکۍ هێزەکاشا دووۍ بەرانە یۊ وستێنۍ، یۊشا بە "هامپەیمانیی جمهوریەت"ی و ئەوی تەرشا بە "هامپەیمانیی میلـلەتی.  پێسە پێوە ئیدارەو و حکومەتی تورکیایان گرتە دەست، بەڵام ئەمە دەسەڵاتێکی دوو لاقیە و ناتوانرێت بکرێتە مێز. پاشان پێویسش بە قاچی یەرەمی هەن. ئازادیی کورڎستانی و دیموکراتیککەرڎەی تورکیای یاوان قۊناغی یەرەم و ئانۍ گەرەکشانە دەوروو هامپەیمانیی دیموکراتیکینە یۊگێرتۍ با.  وتارەکەشنە واتش:" ئەگەر هامسەنگیی تورکیای بۊ بە مێزێوە چانۍ، ئانە بۊ بە قۊناغی یەرەم، ئانە هێزە ئازاد و دیموکراتیکەکا متاوا با بە هێزێوە پەی چارەسەروو گرڎوو کێشە ئابووری، کۊمەڵایەتی و سیاسییەکا، بەتایبەتی کێشەو کورڎی، کێشەو ژەنا. داواش کەرڎە  سەروو ئا بنەمێوە کۊشیای کریۊ. هەرپاسە داواش کەرڎە چانەیە زیاتەر کۊشیا و با بە یەکێوە کاریگەر.

بێگومان ئا چێوۍ کە بێنۍ، سەرەنجەشا کێشتە بە وچکلەش نەزانۍ و بە ڕازۊ سڵام وەنەو گرڎ لایۍ کەرۍ.  واتش:"سڵام وەنەو گرڎوو ئانیشا کەروو کە دژوو گۊشەگیریی ئیمرالی مرڎاوە و ملا مەیدانەکا". بەرش وست کە ئاد هاگادارا و ئا هەرمانۍ کە کریێنۍ موینۊشا. تا جەمسەرەکاو دەسەڵاتداری ویەرنمۍ پێسە بیاومۍ حاسوو ناستەی ئەشکەنجەی و گۊشەگیریی ئیمرالی، پەنەوازا کۊشیاێوە هۊشیارانە، ڕێکوستەی، یۊگێرتە و قەوەتتەر کەرمۍ. تەڤگەری دیموکراسی مشۊم زیاتەر  گنۊ وەڵۍ، هۊشیاریی گلێرگەی بەرز کەرڎێوە، پەروەرڎەشا کەرڎۍ و وزدێشا ڕیزەکاو دیموکراسییوە؛ بەڕۊشنی ئانەش وست ڕووە، کە ئا گەلە کە لاو بلۊکە دەسەڵاتدارەکا و هێزی جەنگکەری تایبەتی فاشیستیوە خەڵەتیێنۍ، سانانشا و بە درۍ و فێڵۍ پەی وێشا کێشتەنشا، پەنەوازا هێزە دیموکراسییەکۍ و جمیەری دیموکراتیک، ڕۊشنویرۍ بەیا دلۍ ڕیزەکاو دیموکراسییوە، ئینە فرە گرنگا، بەڕاسیی بانگەوازوو هۊشیاری، ڕێکوستەی و چالاکین. جارێوە تەر بەڕۊشنی بەرگنۊ کە چارەسەر ئینا چێگە. ڕابەر ئاپۊ  پێسە ئا هەڵوێست و مامەڵا کە هۊشیارۍ مەباوە و  وێشا ڕێکۍ مەوزا بەسەسختی مەکۊشیا دایمە چەمەڕوانی خەڵکی تەری کەرا، جە حکومەتی فاشیستی، جە بلۊکوو جەهەپە هەن، ڕەخنەش کەرڎۍ و واوەی بەڕۊشنی باسوو ئانەیش کەرڎ، کە پی هەڵوێست و ڕێبازە ئەنجام و سەرکەوتەی دەس مەگنۊ.

ئاماژەش پانەیە کەرڎ، پەنەوازا خەباتوو پڕوپاگەندەی زیاتەر پێسە خەباتوو پەروەرڎەکەرڎەیی گلێرگەی پەرەش پەنە بدریۊ. بنەڕەتنە واتش، کە سیاسەتی دیموکراتیک مشۊم گەورەتەر بۊ و ورڎە ورڎە بۊ بە قەوەتتەرین ورچنوو دەسەڵاتی. ڕابەر ئاپۊ جارێوە  تەر نیشانەش دا، کە سەرەڕاو گرڎ نۊعە فشار، گێرتەی و وەربەسێوە، بەدڵنیاییوە ئاستێوە چا نۊعەیە جە مدرامان و کۊشیای کریۊ. ئینەن کە مشۊم بیاومێشنە. سەروو ئی بنەمۍ پەی حەرکەسێوە کە گەرەکشا پەی چارەسەروو پەرسەو کورڎی هەرمانە کەرۊ، کە گەرەکشا تورکیا ئازاد بۊ و کورڎستانی دیموکراتیک و ئازاد بۊ، واتش 'چارەسەر ئینا دەسوو شمەنە وێتا هێزوو چارەسەریندۍ، ئەگەروەرمنە وربێزدۍ، وێتا ڕێک وزدۍ و کۊشیەیدۍ، بیدۍ هێزوو چارەسەری، چارەسەر ئینا دەساو شمەنە. پەوکای چەمەڕوانی کەسی تەری مەکەرڎۍ، سیاووینۍ مەبیدۍ و وریاتەرۍ بیدۍ، بە ڕێکوستەی و کاریگەرتەر کۊشیەیدۍ بکەن بە دڵنیاییەوە سەرۍ گندۍ."

ڕێبە ئاپۊ پەی چێشی و چەنۍ وێگێری کەرۊ؟ 

مشۊم گرد لێوە خاس ئا ڕاسییە بزانا، ڕابەر ئاپۊ کە ٢٥ ساڵێن دژوو ئەشکەنجەی ئیمراڵیینە وێگێری کەرۊ، تا چاگە خاس بژیوۊ ئا هەرمانۍ مەکەرۊ. ئاگاما چەنە بۊ چاگە ژیوای وەش نیا، چێش هەن؟ ٢٤ سەعاتۍ ستەم، ئەشکەنجە، فشار، باڵادەسیی ماددی و مەعنەوی هەن. ٢٤ سەعاتۍ فشار و هجوومی دەروونی هەن. وەروو ئانەیە جە هەلومەرجی ئاسایینە  ئینسان مەتاوۊ ئیمراڵیینە بژیوۊ، مەتاوۊ دژوو فشارەکاو ئیمراڵی وێگیری کەرۊ، مەتاوۊ ئیمراڵیینە بژیوۊ. ڕابەر ئاپۊ دیدار و هەم لە پارێزنامەکەیچنە فرەو جارا ف وستەن ڕووە. 

سەرباروو گردوو ئانیشایچ ڕابەر ئاپۊ پەی چێشی و چەنی  وێگێری کەرۊ؟ واتش کە " پەی ئامانجێوە گەورەی وێگیڕی کەرۊ " و گرد چێوێش وست ڕووە: "ئەگەر ئامانجە گەورەکۍ قەلاپۊپەنە یۊی نەگێرا، ئینسان مەتاوۊ ڕوۍ سەروو پایاشۊ وێش گێرۊ، مەتاوۊ پەی ٢٤ سەعاتایچ بژیوۊ. دژوو گۊشەگیری، ئەشکەنجەی و فشاری مەتاوۊ مردۊوە. وەلۍ بییەی ئامانجی گەورەی پاسە کەرۊ کە ئینسان وەراوەروو ئا ستەم و زۊردارییەیە مردۊوە و هێزوو مدرامانی و سەرکەوتەی بەخشۊ". ئانە بەجیددی وستش ڕووە. یانۍ ئا ئامانجە گەورە بە چە مانێوەن؟ بەدڵنیاییوە ئازادیی کوردی، دیموکراتیکبییەی تورکیای و گەلاو وەرکەوتوو دلێڕاسەی دلۍ یۊبییەی دیموکراتیکی و واڵەوبرایینە گێرۊ وێ. بە ماناو ئازادیی ژەنۍ و ئامادەکاریین پەی ئایندێوە ئازاد و دیموکراتیکوو گەنجا. پەی دلێنەبەردەی گرد جۊرە سیستمێوە سەرمایەداریی فاشیستی کە فشار، کۊلۊنیالیزم، دڕندەیی، ئەشکەنجە، دەسدرێژی، کۊکوشی و تیرۊری فاشیستی و ئەرەگیری کەرۊ، کۊشیۊ. پەی چێوی تەری کۊشیەیدۍ کە ئیمراڵیینە وەرگە مەگێردێ.    

سەرنجە دەیدۍ ئیمراڵیینە  ژیواێوە پاسە وەش و ماددیی نییا. ئینسان بە مدرامان ئیمراڵیینە مەتاوۊ حیچ چێوۍ پەی وێش دەس وزۊ.وەروو ئانەیە ڕابەر ئاپۊ وو وێش وێگیری مەکەرۊ، کەرۊ ئازادی و دیموکراسی سەرگنا. پەی دلێنەبەردەی ستەمی و تیرۊری فاشیستی وێگێری کەرۊ. تا ئینسانیەت جە کۊلۊنیالیزمی سەرمایەداری ڕزگارش بۊ وێگێری کەرۊ. تا ژەنی ئازادێ، یەکسان و داراو ئیرادەی ئازادی با، وێگیری کەرۊ و کۊشیۊ. ئانە خاڵێوە فرە گرنگەنە. ڕابەر ئاپۊ ئیمراڵیینە چەنی وێگێری کەرۊ؟ مشۊم چەنی چا مدرامانەیە بیاومێنە، ئا هەڵوێستە ئەفسانە ئاسایە، سەروو ئینسانییە چەنی نیشانە دریۊ؟  فرە گرنگا کە ئینسان ئا  پەرسا بەدروسی جواب دۊوە و بەقووڵی بیاوۊشانە. 

وەڵۍ گرد چێوێوەنە ئابابەتە بە ڕۊشنی بزانیۊ کە پەی چێشی مدرامان هەن، ئامانجوو ئا  مدرامانەیە چێشەن؟ مدرامان چەنی مکریۊن؟ ڕێبازەکێش کامێنێ؟ مدرامان پێسە چەنی درێژەش پەنە مدریۊ؟ چێگەنە ئێمە ڕاسیی ڕابەر ئاپۊ و ئاستوو دڵسۊزی و وەفادارییش بە  گلێرگەی تاریخی و بییەی ئازادی و دیموکراتیکی موینمێن. ئێمە ئیرادەی گەورەو ئازادی، ئیرادەو دیموکراسیی وینمێ. ئەگینا چاگە پەی بەرژەوەندیی تاکەکەسی و ژیوای مادی بەئاسانی مەتاوۊ وێگیری کەرۊ. وەراوەروو سیستمێوە چڕ و پوختوو فشار و ئەشکەنجەینە، ئینسان مەتاوۊ ڕۊح، هەست و ئەرەمەنەی وێش قەوەت بکەرۊن، جمیەرەکەیش چێروو کۊنترۊڵوو وێشنە بازۊوە. یانۍ نمەتاوۊن وەرگە گێرۊ. چێش هێزوو مدرامانی بە ڕابەر ئاپۊی بەخشۊ و بە دییەی ڕێبازە ڕاس و دروسەکا و مدرامان متاوۊ سەگنۊ؟ ئانە کە ئاد پەنەش ماچۊ 'ئامانجی گەورە' ئانەنە. ڕاسیی مدرامانی جە ئەنجاموو کەسایەتیێوە کە حیچ چێوێش پەی وێش گەرەک نیا و بەتەمامی پەشتی بە ژیوای ئازاد و دیموکراتیکوو ژەنا، گەنجا، ڕەنجدەرا، چەوسیاوەکا و گەلا مۍ ئاراوە. گەر ئێمە بواچمۍ 'ئەشکەنجە و گۊشەگیری ئیمراڵیینە دلێنە بریۊ، ڕابەر ئاپۊ ئازاد بژیوۊ و خەبات کەرۊ، پەوکای فاشیزم دلێنە بریۊ، کورد ئازاد بۊ و تورکیا دیموکراتیک بۊ'، ئا وەخت ئێمە ئیرادە، هۊشیاری و شێوازوو وێما موینمێ. ئانەیچە ئیرادە و شێوازوو مدرامانوو ڕابەر ئاپۊین. ئێمە ئانیشا جە ڕاسیی مدرامانوو ئیمراڵی ڕابەر ئاپۊی موینمێ. تاکە ڕاێوە کە ئا سیستموو ئەشکەنجەیە و گۊشەگیرییەو ئیمراڵییە مەڕیۊ، پیلانگێڵنیی پووچەڵ کەرۊوە، فاشیزمی دلێنە بەرۊ، ڕابەر ئاپۊ بتاوۊ ئازاد بژیوۊ و خەبات کەرۊ، تورکیای دیموکراتیک و کوردستانی ئازاد کەرۊ، شێوازی ژیوای و مدرامانوو ڕابەر ئاپۊین.

ژەناو، گەنجا و گەلا بندەسوو جەهانی سەروو خەتەو ڕابەر ئاپۆی کۊشیای ئازاڎیی بەراڕاوە

بەتایبەتی ژەناو کوردی، جە گرڎ یاگۍ جەهانینە دروشمەو کوردی پېسە "ژەنی، ژیۋای، ئازاڎیی"شا واتۆ. فاشیزم دلۍ سنوورەکاو کۆماروو تورکیاینە چنڎە حۊڵ مڎۆ کە ئینسان زۋانی کوردیی جە ویر کەرۆ، جە چوار لاو جەهانی ژەنا ئیتر بە کوردی مووانا، بە کوردی دروشمۍ ماچاوە، گرڎ فێروو کوردی با. بندەسا، رەنجدەرا، فەرمانبەرا، گەل، گرڎوو بەشەکاو گلېرگەی، ئیلهام جە کۊشیای ئازاڎیی کوردی هۊرگێرا، جە خەتەو ڕابەر ئاپۆی میاوانە و بەرەو کۊشیای ئازاڎیی ڕاکەرا و بڕواشا پانەی هەن کە میاوا بە ئازاڎیی ۋېشا. کوردا کۊشیای ئازاڎییشا خولقنان، کە سەرمەشق و ئیلهامبەخش و چەوەسیاکان. چەوەسیېکێشا پاسشا کەرڎ کە ئا زۋانەو سیستموو مۆدێرنیتەی سەرمایەداری قڕکەری گەرەکش بۍ قەڎەغەش کەرۆ و دلېشەنە بەرۆ ، بە کوردی قسۍ کریۆ. چی مەگەر چانەی گەورەتەر و جوانتەر چێش هەن؟

جە لېوەتەرۆ ئیراڎە و مدرامانوو ژەنۍ ئینا بەرزتەرین ئاستەنە. ئانە بەرکۊتەن کە مرۆڤایەتی زیاتەر جە گرڎ وەختۍ جە ژیۋایی ئازاڎیی سەروو بنەماو ئازاڎیی ژەنۍ، نزیک بۊوە. جە روو ژمارەیۆ یاوان ب ملۋېنان، جۆش و خرۆش ئینا بەرزتەرین ئاستەنە، داواکارییەکۍ وەرچەمېنۍ و ژەنا ئازاڎیی و یەکسانیشا گەرەکا. ئیراڎەو خوڵقنای وەڵېکۊتەیێن کە گرڎ جۆرە ئەقڵیەتۍ و سیاسەتۍ باڵادەسی پیای ماڕیۆ، دلېنەبەردەی و ئازاڎیی ژەنۍ سەروو بنەماو ئاخېزی پێکمۍ، ئامان ئاراوە.

ئانە بە مەعناو ئانەینە کە مشۊم ئێمە رۆژەڤوو ۋېما وەرتەسک نەکەرمېوە، حەرپاسە پێویسا مامەڵەکەردەیەکۍ هەستیارۍ و وەرتەسکۍ نەبا. مشۊم جە کۊشیای دوورۍ نەگنمېوە و وەرتەسکۍ نەبیمۍ. مشۊم ئێمە کۊشیای ئازاڎیی و دیموکراسی بە ئەقڵیەت و شێوازېوە دۊڵەمەنڎتەر بوینمۍ، بیاومېنە و بزانمۍ کە کاریگەرتەر، ڕاوەبەرش کەرمۍ. مشۊم جمیەری تازەو کۊشیای رێکوزمۍ و وەڵېش وزمۍ. مشۊم ئێمە چی ڕوۆ جە گرڎ دەرفەتێوە کەڵک هۊرگێرمۍ. مشۊم فرە ساحیب ئیراڎۍ بیمۍ.

چی چوارچێوەنە بە دڵنیاییوە ئێمە جە ساڵەو ٢٠٢٤ینە ئەنجامێوە کە گۆشەگیری ماڕۆ، فاشیزمی دلېنەبەرۆ، کوردسانی ئازاڎ کەرۆ، تورکیای و ۋەرکەوتوو دلېڕاسەی دیموکراتیک کەرۆ، وەشکەرمۍ. ئێمە بەقووەتتەر کۊشیەیمۍ و بەشێوېوە گۆرەتەر سەرۍ گنمۍ. سەروو ئا بنەمایۍ ساڵەی تازۍ جە گرڎوو گەلەکەیمان و مرۆڤایەتی دیموکراتیکی پیرۆز کەر و هیواو سەرکۊتەی گۊرەیشا پۍ وازوو.