مەهابادەنە ٧ جوانۍ باڵبەسۍ کریۍ
هێزەکاو دۆڵەتو ئێرانی لاو کەمیۆ ٧ جوانۍ کوردیشا جە مەهابادەنە باڵبەسۍ کەردۍ. هەڵای شۊنەماو گێرتەی ئا جوانا نەزانیان.
هێزی یەکشەممە لاوکەمیۆ ٧ جوانۍ کوردی بەنامەکا سیامەند سەید ئەحمەدی، کەمال مەسعودی، جەلال سەدەفی، قادر خرامان فەر، یوسف قال، ئارام مەزبولە و زانیار سەید ئەحمەدی خەڵکۍ دەگاو بەیرەمی سەر بە مەهابادی جە لایەنو هێزە ئەمنییەکا دۆڵەتو ئێرانیوە باڵبەسۍ کریۍ و فاڕیێنێوە پەی شۊنێوە نادیاری.
بەپاو قسۍ شایەتحاڵا هێزە ئەمنییەکۍ بە بێ وستەی ڕووەو ڕاپنەدای دادگای هۊرشا کوان سەرو یانەو ئا هاموڵاتیا و باڵبەسێشا کەردێنۍ.
هەڵای مەڵامەتو دەسبەسەرکەردەی ئا کەسا و شۆنەماو گێرتەیشا نەزانیان.
