مەجلیسوو ژەناو دەبەپەی هجووموو سەرو خەباتکاراو چاپەمەنیی ئازادیشا شەرمەزار کەرد و واتش:" خەباتکاراو نەریتوو چاپەمەنیی ئازادی، سەروو ڕاو ڕاسیوە قەڵەمەکاشا هورمگێراوە و هەمیشە بانە بە دەنگوو ڕاسیی".
مەجلیسوو ژەناو پارتوو هەرێمە دیموکراتیکەکا (دەبەپە) دەربارەو گەشمەردەبییەی ڕۆنامەوانە ژەنا گوڵستان تارا و هێرۆ بەهادینێ بە هجووموو دەوڵەتوو تورکی فاشیستی، ئەرەیاوناێوە نویسیاش وەڵا کەردۆ.
ئەرەیاونایەکە گەشمەردەکەردەیڕۆنامەوانە ژەناو کوردی بەتندی شەرمەزار مکەرۆ و هومێدوو خاسبییویە پەی بریندارەکا موازۆ.
ئاماژە پانەیچە مکەرۆ، پەی هەوڵەکاو دەوڵەتوو تورکی پەی فراونکەردەی ئەرەگیری پانیشتوو کوردسانینە و ئاردەیدیی وەرموو عوسمانیی تازەی، رەخنە وەنەو هامکاری و ڕاوەشکەرییەکاو پەدەکەی مگێرۆ و ماچۆ:" گەلوو کوردسانی حەرگیز ئینەیە قبووڵ نمەکەرۆ، پەەنەوازا دەمودەس پەدەکە دەس جە ها،بەشیی تاوانی ڕووسیاوانەی هوربگێرۆ. پی هجووما بەڕواڵەت هەوڵێ مدا، چاپەمەنیی ئازادی کپ بکەرا و تاوانوو جەنگی کوردسانەنە بشاراوە، تا نەیاوۆ رای گردینوو دنیێ. وەلێ مشۆم بزانیۆ خەباتکاراو نەریتوو چاپەمەنیی ئازادی، سەروو رای ڕاسێوە قەڵەموو هامڕایەکاشا هورمگێراوە و مبانە بە دەنگوو ڕاسی، سەرەو گەلوو کوردسانی سڵامەت بۆ!"
