ئەرەنیشتاو کەمپو پەنابەراو گەشمەردە ڕۆسەم جودی (مەخمور)ی دماو نماو جەژنێ لوێ سەرێ قەبرسانیشا دا و چاوە لوێ دەزگاو بنەیانەو گەشمەردا. ئەرەنیشتاو مەخموری کە دماو سەردای قەبرسانو گەشمەردا  دەزگاو گەشمەردانە کوێ بیێوە جەژنەشا مەبارەکە کەردە و داواو یەکسانی و واڵە و برایی گەلاشا کەرد.

دماو ئانەی خەڵکو کەمپەکەی دەزگاو بنەیانەو گەشمەردا کوێ بێیوە، چا بەنامێ خەڵکو کەمپەکەیۆ مەلا عەلی سپێرتی قسێش کەردێ.

عەلی سپێرتی واتش، "ئێمە چێ ڕانماییەکاو قورئانی کەریمی میاونمێ یاگێ، چون کە لە قورئاننە موچیۆ دماو پێغەمبەرا، گەشمەردێ ئینێ پلێ دووەمەنە. ڕابەر ئاپۆیچ ماچۆ گەشمەرێ ڕابەراو ئێمەنێ".

''با بۆ بە مایێ ئازادیی ڕابەر ئاپۆی'

دماو مەلا عەلی سپێرتی، هامسەرۆکو ئەنجومەنو گەلو کەمپو مەخموری فلیز بوداک واتش، "ماناو جەژنێ جوانی، کۆییەیۆ و هامبەشیپەنەکەردەین. هومێد موازمێ کە ئی جەژنێ پەی گەلو کوردی ئاشتی و ئارامی چنی وێش بارۆنە. بەتایبەتی ئێمە هومێد مکەرمێ کە ئی جەژنێ بۆ بایسو ئازادیی جەسەیی ڕابەر ئاپۆی. تا ئازادیی جەسەیی ڕابەر ئاپۆی مسۆگەر نەکریۆ، جەژنەکێما بە خەمباری مویەرانێ".