کەمپوو پەنابەرا گەشمەرڎە رۆستەم جودیی مەخمورینە یاڎوو یۆ جە ئەرەمەرزنەراو پەکەکەی سەکینە جانسزۍ (سارۍ)، دیپلۆماتەو کوردی و نوێنەرەو کۆنگرەو نەتەوەیی کوردسانی (کەنەکە)ی جە پاریس فیدان دۆغانە (رۆژبین)ە و لەیلا شایلەمەزە (رۆناهی)ۍ بەرزڕاگیریا، کە جە ٩و کانونوو دووەموو ٢٠٢١٣ ی پاریسوو پایتەختوو فەرەنساینە تیرۆر کریۍ.

مەراسیموو یاڎکەردەیۊکەی بە سەرمەشقایەتی ئەنجومەنوو ئیشتاری جە رێکوزیاو بنەیانەو گەشمەرڎا سازکریا و بە دەیەقېوە بێدەنگی پۍ رێزۋنەگێرتەی جە یاڎوو گەشمەرڎا دەسشپنەکەرڎ.

جە مەراسیمەکەنە هامسەرۆکەو شارەوانی کەمپوو پەنابەرا مەخموری فاتمە بیلەنە جە بارەو کۊشیای و مدرامانوو گەشمەرڎە سارێوە قسېش کەردۍ و ئەرەیاۋناش، "حیچ قسېوە مەتاوۆ گوزارشت جە ژیۋای گەشمەرڎە سارۍ و هامڕایاش کەرۆ. کۊشیای ٣٠ ساڵە کە ئاڎە بە فکر و فەلسەفەو ڕابەرایەتی وەڵېش وست، پۍ ئشنانسامەو ئازاڎیی ژەنۍ و وەڵۍ وستەی ژەنۍ بۍ. مشۊم حەجگیز ئا ئەقڵیەتەو دوژمنی کە سەرمەشقاما کەرۊنە ئامانج جە ویر نەکەرمۍ. مشۊم بەردەوام مدرامان و کۊشیایما ۋەران ۋەر پا ستەمەیە بەربڕمۍ و خۊتانکەردەی جە رەنجوو گەشمەرڎاما کەرمۍ".

دماو قسەکا بەڵگەفیلمۍ سەروو ژیۋای ئا یەرە ژەنە شۆڕشگێڵنەیە نمایش کریا و یادەکە بە دروشمەکاو "گەشمەرڎۍ مەمرا"، "بژیۋۊ سەرۆک ئاپۆ" و "ژەنی، ژیۋای، ئازاڎیی" دمایش پنە ئاما.