سوپاو تورکی ئەرەگیری ئینا هەوڵو ئانەینە کە پانیشتوو کوردەسانی کەرۆنە بە مەنتێقێ سەروازی. گرد ڕوێ مەنتیقێوە بۆمبواران مکەرۆ. جە چوارچێوەو پیلانەو 'ماڕای'نە کە دۆڵەتو تورکی جە ئۆکتۆبەرو ٢٠١٤ینە قەرارش سەردا بێ، ماوەو ١٠ ساڵان جە دژو گەلو کوردی و جمیەرو ئازادیی کوردی گرد ڕاو و رێبازێ پیس بەکارئارێ.ئیسە جە پانیشتوو کوردەسانینە پەی ئانەی جەلایەنو گەریلایۆ نەکریا مەرام جلێ هێزەکاو زێرەڤانی پەدەکەی مکەرانە.

گرد شەوێ جە مېڎانو ئامێدی و دۆڵۆو رەشۆڤاینە ئینا جموجۆڵەنە. جە ئۆکتۆبەرۆ بە بەردەوامی هرووژمێ مکەرا سەرو دەگاکا ئامێدی. سوپاو تورکی کە بانگەشە مکەرۆ جە زاپەنە قوفڵەکە وزیانەرە، گرد ڕوێ سەرواز، کەلوپەلی لۆجستی و جبەخانە فاڕاوە پەی وەرنیشتوو زاپی. بەتایبەتی جەسەرەتاو مانگەو نۆوەمبەرییۆ فاڕایۆ سەروازا و کەلوپەلی لۆجستی پەی مېڎانەکا دۆڵۊو سەرگەلێ، دێرەلۆکی و دۆڵۊو رۆشۆڤای زیاش کەردەن. چنین مەنتیقێنە سوپاو تورکی ئا یاگێشە کەردێنێ بنکەی سەروازی، ئا یاگێ جەلایەنو زێرەڤانی پەدەکەیۆ پارێزیانە.

چواردەورو ئا شۆنا ئەرەگیرش کەردێنێ بە تەل کە کێششا چنین تەنۍ بۆ، گێرتەن. بە دەیان کامێرێ حەراریێ چەمڎاریۍ مکەرۆ و بە هەستەوەرو دەنگی گۆش جە جموجۆڵەکا دەوروبەریشا مگێرا. پانەیچ دڵشا ئاوی نمەوەرۆوە و چواردەورو وێشا مڎانە وەرو کاتیوشای و هاوەنێ. فڕۆکەی بێفڕۆکەوان سەرەمڕە سەرشارە خولیۆوە، بە هەلیکۆپتەرو کۆبرا کەش، دەوروبەرو دەگایەکا و زەمینەکا سۆچنا.

سەربارو گردوو ئاچێوا گەریلا وێڕاگری مکەرۆ و بە چالاکییەکاش گورزێشا ۋنە مڎۆ.