مڎرامانوو گەلی جە تشرینەنە جە ٢٦ەمین ڕۆشەنە بەردەواما
چالاکی ئێشکگیری کە جە بەنداوو تشرینینە دژو هرووژمەکا دۊڵەتو تورکی ئەرەگیری دەسش پنەکەرڎ، بە پاگیریۆ بەردەواما.
گەلوو سەرنیشت و ۋەرکۊتوو سووریای جە ٨و کانوونو دووەمیۆ پەی پارێزنای بەنداوو تشرینی ئێشکگیریشا دەسپنەکەرڎ. چالاکی ئێشکگیری ئینا ٢٦ەمین ڕۆشەنە.
سەرەڕاو چڼین هرووژما پەی سەرو مڎرامانکەرا، هەنگامېوە پەی دمای نەنریێنۍ. سەرشەعب مڎرامانکەرا دەوروبەرو بەنداوەکەیشا پاککەردۆ.
جارێوەتەر بۆمبوارانو تشرینی کریا
جە وەختو بەردەوامی چالاکی ئێشکگیرینە، دەوروبەرو سەعات ١١:٠٠ دۊڵەتو تورکی جارێوەتەر بە فرۆکەی جەنگی و تۆپۍ دەوربەرو بەنداوەکەیشا بۆمبواران کەرڎ.
٧ جارۍ هرووژم کریا سەرو کارەوانو گەلی: ٤١ کەسۍ گەشمەرڎۍ بیێنۍ
بە پاو ئامارەو ئیدارەو ۋېڕاوەبەری جە ٨و کانوونو دوومیوە ٧ کارەوانۍ گەلی لوۍ هەرێمەکە و ڕووبەڕوو هرووژمەکا دۊڵەتو تورکی بیێوە.
چا هرووژمانە بە گرڎیی ٤١ کەسۍ گەشمەرڎۍ بیێنۍ و ٢٤٥ کەسۍ تەریچ زامڎارۍ بیێنۍ.
تەنیا جە هرووژمو سەرو بەنداوو تشرینینە ٢٤ کەسۍ گەشمەرڎۍ بیۍ و ٢٢١ کەسیچ زامڎارۍ بیۍ.
چا کەسا کە گەشمەرڎۍ کریۍ؛ ڕۆنامەنوویس، کۊششکاری تەندروسی، هونەرمەڼ، ژەنی و زاوڵۍ هەنۍ، دلۍ زامڎارایچەنە ٧ ڕۆنامەنوویسۍ و کۊششکارۍ تەندروسی هەنۍ.
