جە بانگەوازێوەنە کۆمیتەو ئاماڎەکارو مەراسیمو ڕۊو گەشمەرڎا ژیۋگەی کە ئاراسەو " ئەویندارا، ڕێوگارا ڕاو ئەندێشەی سەوزی، ژیۋگەپارێزنا وڵات پارێزنی!" کریان، ئەرەیاۋنانش: پەی ۳ۍ خەرمانانی، ڕۆو گەشمەرڎا ژیۋگەی، جە ششەمین ساڵیاڎو گیانفیدایی هەمڕایا گەشمەرڎەیمانە، پەی بەرز ڕاگېرتەی یاڎ و مەرامی پیرۆزیشا دەورو یۆترینیرە کوۍ بیمێوە."

مەراسیمەکە سەعات ٥و وێرەگای ڕۆو یەرە شەممەی ٣ۍ خەرمانانو ٢٧٢٤ (٢٧و ئابو ٢٠٢٤) جە قەبرسان و دارسەیرانی جە شارو مەریوانی ملۆڕاوە.

٣ۍ خەرمانانو ٢٠١٨ جە وەختوو کوشنایۆ ئێرو دارسانەکا مەریوانینە دووۍ ژیۋگەپارێزنۍ بە نامەکا شەریف باجوەری و ئومێد کۆنەپۆشی عەمرەو خوڎایشا کەردە و دماتەر ئا ڕووە پېسە ڕۊو گەشمەرڎا ژیۋگەی ئشناسیا.