گەریلاو هەپەگەی خەباتکار باگۆک و وڵاتپاڕێز لوقمان گۆرگون کە جە تەرەفوو دەوڵەتوو تورکیوە تیرۆرکریۍ، جە یووەم ساڵیاڎوو گەشمەرڎەبیەیشانە جە شاروو هێناوی ئەڵمانیاینە یاڎشا بەرزڕاگیریا.
گەریلاو هەپەگەی موسا قەهرەمان ئشناسیا بە(خەباتکار باگۆک) و لوقمان گۆرگون کە تاتەو هەشت زاوڵا بۍ جە تەرەفوو کاربەدەسا تورکیوە پېسە 'پەکەکەییۍ' ئشناساشا، جە ٨و نیسانوو ٢٠٢٣ېنە جە مەنتیقەو عومەریەو مێردینینە تیرۆرکریا، جە یووەم ساڵیاڎوو گەشمەرڎەبیەیشانە شاروو هێناوی ئەڵمانیاینە یاڎشا کریاوە.
مەراسیمەکە جە ناوەنڎوو جەمەو دیموکراتیکی کوردینە جە هێناو بە بەشداری دەیان کوردسانیا سازکریا و بنەیانەو خەباتکار باگۆکی و لوقمان گۆرگونی بەشدارۍ بېنۍ.
مەراسیمەکەنە دماو دەیەقېوە بێدەنگی پەی ڕېزگېرتەی جە یاڎوو گەشمەرڎا نوێنەروو جەمەو بنەیانەو گەشمەرڎا (کۆماو)ی و هامسەرۆکاو جەمەو دیموکراتیکی کوردی شارەکەنە قسېشا کەردۍ و سەرەوەشیشا جە بنەیانەو گەشمەرڎا کەرد و ئەرەیاۋناشا، "گەشمەرڎۍ شکۆو ئێمەنۍ".
نوێنەروو کۆمای واتش، "گەشمەرڎۍ ئازاڎیی کوردسانی ئێمەشا بە یۊی یاۋنۍ و کوېشا کەردیمېوە. ۋەروو ئانەی ئێمە ئینایمۍ سەروو رێبازوو ئاڎیشاوە. پەی خاوەنداری کەردەی جە گەشمەرڎا ئێمە بەشداری جە کۊشیای ئازاڎینە بکەرمۍ و درێژە پی کۊشیایە بڎەیمۍ".
دماو نیشاندای بەڵگە فیلمێوە مەراسیمەکە بە دروشمەکاو "گەسمەرڎۍ مەمرا"، "بژیۋۆ سەرۆک ئاپۆ"، "ژەنی، ژیۋای، ئازاڎیی" دمایش پنە ئاما.
