گەشمەرڎە ئێڤا عەلییە، کە٣٠ی ٢٠٢٤ینە ئازارنە بە ڕووەداێو گیانش جەدەس دا و گەشمەرڎێ بییە و قەبرسانو گەشمەرڎە دەلیل ساروخانینە بە مەراسیمێوی جەماوەری بەخاکی ئسپارییا. مەراسیمەکەنە چندین پارتێ و ڕێکوزیێ ئامادێ بێنێ.

مەراسیمەکە بە دەیەقێو ڕێزوەنەنیای پەی گەشمەردا دەسش پنە کەرد.

دمایی ئەندامەو ئەنجوومەنو بنەیانەو گەشمەرداو شارو قامیشلۆی ئایدا ئیبراهیمە سەربارەت بە کۆشیای گەشمەردا واتش: "شەهادەت ئاستێوی بەنرخا جە ژیواینە. دوژمناو گەلو کوردی هجوومەکێشا پەی سەرو سەرنیشت و وەرکەوتو سوریای بەرڎەوامی مدا پەنە. بەڵام کۆشیایما بە ئاستێوی بەرزۆ  بەرڎەواما. بەشداربییەی بنەیانەو گەشمەرڎە ئێڤێ پەی دلێ بنەیانەو گەشمەردا مەبارەک مکەرمێن."

ئەندامو جمیەرو گلێرگەی دیموکراتیک (تەڤ-دەم)ی شێرۆ محمەد قسێش کەرڎێ و ئاماژەش دا کە سەرەمڕ کۆشیەیمێ، جە کەسێتیی گەشمەرڎە ئێڤێنە گردو گەشمەرداما یادێ مکەرمێوە. سەیەو گەشمەرداوە پارێزگاری وەنەو شۆڕشو وەرنیشتی مکریۆ.  

هەرپاسە ئەندامو کۆنگرەی ئیسلامیی دیموکراتیکی جاسر ساڵح ئاماژەش پانەیە کەرد، ژیوای حەرە بەنرخ و هەقەتین ژیوای شەهادەتین. گەشمەرڎێ گرد وەختێو زینڎێنێ.

دماتەر لەیلا حلبۆ ئەداو گەشمەرڎە ئێڤێ قسێش کەرڎێ و ئاماژەش پانەیە دا سەرەبەرزەنە بە گەشمەرڎەبییەی کناچەکێش و واتش: "گرد وەختێو کناچەکێم پنەم واچێ حەز کەرو بیاو بە پلێ شەهادەتی. پەوکای ئارۆ ئیڤا ئینا چی یاگە مەبارەکێنە. پاڵوو هامڕا گەشمەرڎەکاشۆ منریۆ. جارێوی تەر شەهادەتو کناچەکێم وەنەو هامڕا و هۆگرا مبارەک مکەروون."

ئاخرۆ نامێ گەشمەرڎە ئێڤا عەلی-یێ ونیاوە و دریاوە دەسو بنەیانەیشۆ و جەنازەو گەشمەرڎە ئێڤا -یێ بە واتەیوە دروشموو 'گەشمەرڎێ نمەمرانێ' بەخاکی ئسپاریا.