بەپاو بەرئەنجاموو هۊرچنیە دلێینەییەکا؛ پارتوو یەکسانی و دیموکراسی گەلا (دەم پارتی) سەرکۊتەیۍ گۊرەش بەدەسئارد. بە ڕێژەو زیاتەر جە ٥٦% شارەوانی گەورەو شاروو مێردینیش بەردۆ، حەرپاسە جارێوەتەر شارەوانی کربۆرانی و ئارتوکلوی کە دەسوو قەیومەکاوە بۍ بەردۆ، شارەوانییەکۍ شەمڕەخ، قۆسەر، دێریک و نسێبینیش، بەدەسئاردێوە.

ئەحمەد تورک سەبارەڎ بە سەرکۊتەی دەم پارتی واتش: ئا کەسۍ کە دڎان کوردیرە مەنیا، مەتاوا بانۍ بە دەسەڵات

ئەحمەد تورک، سوپاس و پنەزانای ۋێش پۍ هەڵوێسوو گەلی بەربڕی و واتش: "ئارۆ گەلوو کوردسانی، گەلوو مێردینی جوابۍ گۊرەشا داوە پانیشا کە ئیرادەماشا پاشێل کەرد". مبارەکبایی جە گرڎیتا مکەروو. گەلوو کوردی پا جۆش و خرۆشۆ بە ئامانجەکەیش یاوا. ئاینڎەو گەلوو کوردی گەش بیۆ. بە کۊشیای و مدرامانما، ئاینڎەو گەلوو کوردی ڕۊشن مکەرمێوە. جارێوەتەر نیازشا بۍ پێچەوانەو ویستوو گەلی گەمێوە گڵیاو بکەرا. بەڵام گەلوو کوردی گەورەتەرین جوابش داوە. بێگومان ئی جوابە جوابۍ بەقوەتا پۍ گرڎوو جەهانی. پۍ ئانیشا گەرەکشانە کوردی دلێنەبەرا، دڎان ئیراڎەو کوردیرە مەنیا مەتاوا بانۍ بە دەسەڵات."