جەیلان ئاکچا پەرلەمانتارەو بازنەو ئامەدوو پارتوو دیموکراسی و یەکسانی گەلا (دەم پارتی)، ئەرەیاونۊش، بە پاو جەنگی و ئەرەگیری بودجە ئامادە کریۊ، چونکە بۍ چارەسەری مسەپنیۊ و ماچۊ:"گۊشەگیری پەرسێوە یەکلاییکەرەوێنە، بە سەرەڕاستکەرڎەیوەی مەرجەکاو دایوسانکاریی سەرەکی متاوا پەرسەو کوردی چارەسەرە کەرا. دایوسانکاریی سەرەکیی ئی پڕۊسەیە بەڕێز عەبدوڵا ئۊجالانا، مشۊم ئازاڎ کریۊ."

 پەرلەمانتارەو پارتوو دیموکراسی و یەکسانیی گەلا جەیلان ئاکچا سەبارەت بە ئەرەنیشتەکا سەروو بودجەی و مانگێرتەی جە وارڎەی زینڎانەکانە قسێش پەی ئاژانسوو فوراتی کەرڎۍ. ئاکجا سەرنجەش وستە سەروو مانگێرتەی جە وارڎەی زینڎانییا و چالاکییەکاو چومداریی دادپەروەری، کە بە سەرمەشقایەتیی کەسوکاروو زینڎانییا بەرڎەواما و ئاماژەش پانەیە دا کە قەیرانی ئابووری و گۊشەگیری پێوەرە لکی دریێنۍ.

ئاکچا ئاماژەش پانەیە دا، کە داواو 'ئازاڎیی پەی بۊ عەبدوڵا ئۊجالانی، چارەسەر پەی پرسەو کورد'ی زینڎانییا و کەسوکاروو زینڎانییا بە هەمان شێوە داواو دەم پارتیین و واتش:"پێسە دەم پارتی، چە جە ڕووەو سیاسی و چە جە ڕووەو یاساییوە داواو ئازاڎیی بەڕێز ئۊجالانی کەرمۍ، جە ڕۊو گێرتەیشۊ هەتا ڕۊو ئارۊی حیچ دۊخ و هەڵوێستێوە ڕۊشن سەبارەت بە مافەکاو بەڕێز ئۊجالانی دیار نییا، جە لایەنی سیاسیوە، پەی چارەسەروو کێشەو کوردی مشۊم بتاوۊ بەبۍ ئاستەنگی پەیوەندییش بە گلێرگەیوە بۊ، مشۊم  هەلومەرجش پەی وەش کریۊ، چونکوم ئێمە پارێزنەرۍ ئاشتی و یەکسانینمۍ پەوکای داواو ئازاڎیی بەڕێزیشا کەرمۍ."

درێژەو قسەکاشنە ئاکچا سەرنجەش پەی وەرگێرییەکاو عەبدوڵا ئۊجالانی کێشتە و  واتش، کە دادگاو مافوو ئینسانوو ئەورووپای تەنیا پارێزنای تەکنیکییش وێستەنۊ؛ وەلۍ کێشەو کوردی بە پارێزنای تەکنیکی ڕۊشن نمەبۊوە. ئاکجا واتش:"بەڕێز ئۊجالان یۊ جە وەرگێرییەکاشنە ئاماژەش بە دادگاو مافوو ئینسانوو ئەورووپای (DMME) کەرڎەن و واتەنش کە( DMME )تەنیا پارێزنای تەکنیکییش قبووڵ کەرڎەن؛ سەبارەت بە کەموکوڵیی چی بابەتەینە واتش:"بەڕاسی مشۊم DMME بنەمێوە پەی پارێزنای سیاسی دیارییە کەرۊ، تا ئی  هەلومەرجۍ وەشۍ کریا، مشۊم دەس بە فاڕیای کریۊ، چی چوارچوەنە ئازاڎیی جەستەیی بەڕێز ئۊجالانی مەرجێوەن تا دایوسانایەکۍ دەس پەنە کەرا."

ئاکجا ئاماژەش بە کۊبییەیوە تایبەتەکاو بودجەی کەرد و واتش، کە دەم پارتی سەرەنجە و پەیلوایش سەروو گردوو هەموو کۊبیەیوەکا بیێنۍ و ئانەش وستەن ڕووە، کە ئا بودجە کە پەی جەنگی تەرخان کریان جگە جە وەڵاکەرڎەیوە گۊشەگیری دەرڎەو هیچیش نەوارڎێنە.ئێمە کۊبییەیوەکامانە باسما جە قەبارەو بودجەو وەرگێری کەرڎەن،  ئانە کە تەرخان کریان پەی وەزارەتوو دلۍ، وەرگێری و ئاسایشی، وەزارەتوو بەری و سەرۊکایەتیی وەڵاتی بە نیسبەتوو پەروەرڎەی و تەندروسییوە فرەن. پەی نموونەی نیم ملوێن هێزوو پۊلیسی تورکیانە هەنۍ، چی؟ وەروو ئانەیە کێشەو کوردی چارەسەر نەبیەن، یانۍ ئا بودجە پەی نیم ملیۊن پۊلیسا تەرخان کریۊ، نەکریۍ پەی یاگێوە جیاوازۍ تەرخانە کریۊ؟ یانۍ بودجە پەی ئی بەشا هەن، وەلۍ، پەی خزمەتگوزاری و چارەسەری نییا."

ئاکجا واتش، کە نەک تەنیا سەرنیشتوو کوردستانی و تورکیانە پی بودجەیە کورد کوشیۊ، بەڵکوم وەرنیشتیچەنە پەی کوشتەی کورڎا و درێژەدای بە ئەرەگیری ئا بودجەیە بەکار مۍ، بەتایبەت پەی پشتیوانیکەرڎەی چەتەکا بەکار مۍ. چارەسەرکەرڎەی کێشەو کوردی یانۍ چارەسەرکەرڎەی گردوو ئی قەیرانا، بە دروسکەرڎەی هەلومەرجی جیاوازی پەی بۊ دایوسانکاریی بنەڕەتیی پرسەو کوردی، متاومۍ بە دایوسانکاریی بەڕێز عەبدوڵا ئۊجالانی چارەسەر خولقنمۍ.  ئێمە هەرمانە سەروو مسۊگەرکەرڎەی ئازاڎبییەیش کەرمۍ."