دەسوەڵێوزیی عەرەبی پەی ئازادیی عەبدوڵا ئۆجالانی هیزی ٢٤و ئابی قاهیرەو پایتەختوو میسری، پێسەو بەشێوە جە هەڵمەتێ میاندەوڵەتیێ"ئازادیی پەی عەبدوڵا ئۆجالانی، چارەسەری دیموکراتیک، پەی کێشەو کوردی" پانێلێوەش بەردە ڕاوە.

پانێلەکە سەبارەت بە "عەبدوڵا ئۆجالانی جە ئڕفانایوە پەی خولقنای فیکری، ئیرادێوە جە دژوو پیلانەو گێرتەی" کریا. یاگەدارەو سەرۆکوو ناوەندوو ئەوەکۆڵیای سیاسی و ستراتیژیی عەرەبی ڕۆنامەنویس مەجدی دقاق، دکتۆر موختار ئەلخەباشی، پرۆفیسۆر محەمەد ڕەفعەت ئیمام، ئەنداموو ئەنجومەنوو هەرمانوکاروو بەروو میسری و ئەکادیمسیەنوو پەیوەندییە تاریخی و میاندەوڵەتییە هامچەرخەکا دەمهور بەمسەر، ئەحمەد بەهادین شەعبان سکرتێری گردینوو حیزبی سۆسیالیستوو میسری و ئاکادیمیاو یاساو میاندەوڵەتی ڕادە زەبهان و ژمارێوە فرە جە ڕۆشنویرا و ئەکادیمیا و پارێزنەرا بەشدارێ پانێلەکێ بێنێ.

ئیلهامی ملێجی، قسەکەروو 'دەسوەڵیوزیی عەرەبی پەی ئازادیی ڕابەر عەبدوڵا ئۆجالانی' سەرۆکایەتیی پانێڵەکێش کەرد. 

'پەنەوازا پەی ئازادیی جەسەیی هەنگامەی پەلێ بنریۆ'

پانێلەکێنە ویرۆکە و کۆشیای ئازادی پەی ڕابەروو گەلوو کوردی عەبدوڵا ئۆجالانی تاوتۆ کریا، ئینجا بەشدارێ گۆشەگیریی ڕەهاشا هورسەنگنا و واتشا کە پێچەوانەو یاسا و ڕێسا میاندەوڵەتییەکان، بەشدارێ ئەرەیاوناشا دادگایی عەبدوڵا ئۆجالانی سیاسییا و دوورا جە یاسا میاننەتەوەییەکا. هاموەخت سەرنجە سەروو بێدەنگیی هێزە میاندەوڵەتییەکا دژوو سیستموو ئیمراڵی بەروزیا و بەشدارێ واتشا: پەنەوازا پەی ئازادیی جەسەیی عەبدوڵا ئۆجالانی هەنگامەی پەلێ بنریۆ.

 ئاخرو پانێلەکێنە بانگەواز کریا کە:

"بە پەشتیبەستەی بە باوڕیما بە کۆشیای دادپەروەرانە و ڕەوا، ئەنجاموو پانێڵەکێنە سەرنجە بوزمێ سەروو ئی خاڵاو واری:

١- پەنەوازا عەبدوڵا ئۆجالان پێسەو نموونەو کۆشیای و مدرامانی خەڵات بکریۆ، کە پەی مافەکاو گەلوو کوردی و قۆرتەکاو وەرکەوتوو دلێراسەی هێماو کۆشیایا. مدرامان و کۆشیایش دژوو دیسپۆتیزمی و ستەمکاری، هێزوو ئیرادەو ئینسانی وەراوەروو قۆرتەکانە نیشانە مدۆ.

٢- پەنەوازا ڕێز جە مافە ئینسانییەکا بگێریۆ، ئێمە بەتندی ئا ڕاوشۆنا کە سەروو عەبدوڵا ئۆجالانیرە مسەپیا، پێسەو گۆشەگیریی ڕەهای و بارودۆخی نائینسانانەو زیندانوو ئیمرالی شەرمەزار مکەرمێ. هاموەخت داواو دماییئاردەی پا کردەوا مکەرمێ. پەنەوازا ڕا بدریۆ، پارێزنەرێ و بنەیانەکەش چنی عەبدوڵا ئۆجالانی کوێ باوە،  داوا جە گلێرگەی میاننەتەوەیی مکەرمێ، وەرپەرسیی وێشا بیاونا یاگێ و  فشار بوزانە سەروو تورکیای پەی ئازادکەردەی عەبدوڵڵا ئۆجالانی.

٣- داواو دادگایی دادپەروەرانەی مکەرمێ، چونکوم دادگایی عەبدوڵا ئۆجالانی دادپەروەرانە نەبییەن و بەروو یاسێوە بییەن، پەوکای داوا مکەرمێ بەپاو پیمەرە میاننەتەوەییەکاو مافوو ئینسانی دادگاێوی سەربەوێنە دادگایی بکریۆ.

٤- پەنەوازا گەلوو کوردی پەی بەدیئاردەی مافە سیاسی و فەرهەنگی و کۆمەڵایەتییەکاو گەلوو کوردی، پاڵپەشتی میاندەوڵەتی بکریۆ. هاموەخت گردوو هجوومەکاو دەوڵەتوو تورکی پەی سەروو گەلوو کوردی شەرمەزار مکەرمێ و داوا وەنەو گلێرگەی میاندەوڵەتی مکەرمێ، پاشێلکارییەکاو تورکیای رووبەڕوو سزێ بکەراوە.

٥- پەنەوازا کۆشیای ئایدیۆلۆژی و ئینسانی بەردەوام بۆ، داواو بەردەوامی ویرۆکەکاو عەبدوڵا ئۆجالانی پەی ژیواێوە هامبەشی داواو جیهانێوە دیموکراتیکی، دادپەروەرانەی و ئازادی و داواو واتەواچوو بەینوو گردوو  ئایین و نەتەوەکا مکەرۆ. بەرهەمەکاو  عەبدوڵا ئۆجالانی ویر و میراتێوی ئینسانینێ، کە پەنەوازا فێروو نەوەکاو دماتەری بکریا. 

٦- پەنەوازا کۆمیتەی میاننەتەوەیی مافوو ئینسانی و کۆمیتەی یاسایی میاندەوڵەتی وەش بکریۆ پەی فارایۆ دۆسیەو عەبدوڵا ئۆجالانی پەی مەیدانوو میاندەوڵەتی و شۆنیرەلوای پەی دادپەروەری دۆسیەکێ بکریۆ.

٧- داوا وەنەو دامودەزگا میاندەوڵەتییەکا مکەرمێ، سکاڵاێوە ڕسمییە جە ڕێکوزیاو چەنەویەردەی میاندەوڵەتی و فیدراسیۆنوو میاندەوڵەتیی مافوو ئینسانی و ئەرەمەرزیا و ڕێکوزیا میاندەوڵەتییەکا مافوو ئینسانی تۆمار بکریۆ پەی دەسپەنەکەردەی ئەوەکۆڵیاێوە سەربەوێ بە پاشێلکارییەکاو مافەکاو عەبدوڵا ئۆجالانی و هەرمانە پەی ئازادیی بەڕێزیشا بکریۆ.

ئێمە فەخر بە ئەرەکۊشای ڕوشنۋیرانەو عەبدوڵا ئۆجالانیۆ مکەرمۍ. ئەرەکۆشای ئاڎیی ئینا دڵوو گرڎ ئازاڎیوازا جیهانینە. ئەرەکۆشای ئاڎیی پەی گرڎوو مرۆڤایەتی، ئازاڎیی و دادپەروەران."