مەزلوم عەبدی، فەرماندەو گرڎی هێزەکاو سوریای دیموکراتی (قەسەدە) سەبارەت بە بەیاننامەی دماینو دیدارەکەو هێزی ئوردنی سەبارەت بە ئایندەو سوریای بەیاننامێوەش وەڵا کەردۆ.

مەزلوم عەبدی جە پەلیانەو ئێکسو ۋێشەنە سەبارەت بە گلێرۆبیەی عەقەبەی کە جە ئوردنەنە لواڕاوە ئەرەیاۋناش: "دەرەنجامو گلێرۆبیەو عەقبەی و شالیارا جبەرو وڵاتا عەرەبی سەبارەت بە سوریای بە ئەرێنی موینمێش، جە هەمان کاتەنە پاڵپەشتی جە هەوڵەکا وڵاتا عەرەبی پەی مسۆگەر کەردەی سەقامگیری جە سوریانە مکەرمۍ. هەرپاسە جەخت چانەی مکەرمیوە کە دمایی ئارڎەی بە گرڎو چالاکییە سەروازییەکا سەرو خاکو سوریای پېسە هەنگامێوە بنەڕەتی پەی بەرەو وتووێژێوە بنیاتنەرانەی بە گرنگ موینمۍ. پێک ئاردەی ئارامی جە سوریا بە بەشداریی گرڎو لایەنەکا و دڎانیای بە یەکڕیزی وڵاتیرە دەسپنەمکەرۆ، ئینەیچ زەمینە پەی ئاشتیێوە هەمیشەیی مڕەخسنۆ."