فەرماندەو گرڎی هێزەکاو سوریای دیموکراتیکی (قەسەدە) سەرو پەلیانەو ئێکسیۆ واتش: "چنی لوایوەڵێوەو هێزەکاما جە دەیرەزۆر پەی ئاسایشو هەرێمەکەی، بەبێ جیاوازی جە تەمامو ئا هەرێمانە چنەوېیەردەی گرڎی ئەرەیاۋنمۍ".

داواش جە گرڎو هاموڵاتیا کەرد هامکارۍ با جە پارێزنای ئاسایش و ئاشتینە، واتش: "پەشتی بینمۍ بە دەورو خەڵکی و عەشیرەتەکا پەی وەرگێرتەی جە پشێوی و پارێزنای هەرێمەکەی. هێزەکێما پەشتەو شمەوە بانۍ".