فەرماندەی گردینو قەسەدەی، مەزڵوم عەبدی ڕاو پەیامێوە ڤیدیۆییوە مەبارەکبایی بەستەی چوارەمین کۆنگرەو پارتو سوریای ئایندەیش ڕەقەنە کەرد.

مەزڵوم عەبدی پەیامەکەشنە واتش: "تەرسەو چەتەکاو داعشی بەردەوامەنە و هەڵای هەڕەشێنە پەی سەر گەلەکەیما و سەراپاو جیهانی، ئەگەر ئۆپەراسیۆنە هامبەشەکێما چەنی هامکاراما نەبۆ، هەرێمەکە کۆنتڕۆڵنە بەرمشۆ".

مەزڵوم عەبدی واتیچش: "لاێوە تەرۆ، هجومەکاو ئەرەگیرکەری تورکی پەی سەرو هەرێمەکاو سەرنیشت و وەرکەوتو سوریای بەردەوامێنێ، ئەرەگیرکەردەی خاکی هەڵای درێژەش هەن، چێرخان و خزمەتگوزارییەکاو خەڵکی مکەرۆنە ئامانج، تا هیچ خزمەتگوزاریێوی پێشکەشو گەلی نەکریۆ".

هەروەها ئاماژش پانەیە کەرد بە هەوڵەکاو ڕژێمو سوریای پەی تێکدای سەقامگیری و خوڵقنای ئاژاوا بەینو پێکئامایەکانە، واتش: "پێویسا گردما ڕاو هەرمانێ و خەباتی هامبەشی و ڕێکوستەی و هۆشیارکەردەیۆ گلێرگەیۆ، ئی هەوڵا پووچەڵێ بکەرمێوە."