مەزڵوم عەبدی: ئاماڎێنمۍ پەی وەشکەردەی ناوچەی ماڵیایرە جە چەکی جە کۆبانێنە
فەرماندەو گرڎیی قەسەدەی مەزڵوم عەبدی پەیامێوەش وەڵا کەردۆ و ماچۆ: "ئاماڎێنمۍ پەی وستەیڕوو پێشنیارێوە تایبەت بە وەشکەردەی ناوچەی ماڵیایرە جە چەکی جە شارو کۆبانێنە".
فەرماندەو گرڎیی قەسەدەی مەزڵوم عەبدی جە پەلیانەو ئێکسینە (توویتەری وەڵین) پەیامێوەش وەڵا کەرڎۆ. پەیامەکەو مەزڵوم عەبدی پی جۆرەنە:
"پەی جەختکەردەیۆ و پابەندبیەیما پەی بەدیئامای ئایێربەسۍ سەرتاسەری جە سوریانە، ئەرەیاۋنمێش کە ئاماڎێنمۍ پەی وستەیڕوو پێشنیارێوە تایبەت بە وەشکەردەی ناوچەی ماڵیایرە جە چەکی جە شارو کۆبانێنە ، چنی سەرجە نۆ دابەشکەردەیۆ هێزە ئەمنییەکا چێرو سەرپەرشتی و بیەو لایەنی ئەمریکینە.
ئامانج چی دەسوەڵێوستەیە بڕەمنایۆ نیگەرانییە ئەمنییەکا تورکیای و مسۆگەرکەردەی سەقامگیرییا جە هەرێمەکەنە بەشێوێوە هەمیشەیی".
