نامۍ ئا جاش و جەردەوانا کە بەشداری هجوومە ئەرەگیریەکا مکەرا ئاشکرابی
دەوڵەتوو تورکی ژمارېوە جەردەوانۍ و بەکرۍ گرتۍ خەڵکوو مەنتیقەو گەڤەروو جۆمەلێرگی جە هجومی تازەو ئەرەگیرینە بەشداری پنە مکەرۆ، ئاژانسوو هەواڵوو فوراتیچ نامۍ ئا کەساشە دەسکۊتەن.
دەسەڵاتداری ئاکەپە-مەهەپەی کە حۊڵە دیپلۆماسی و سەروازییەکاش پەی هجوومی ئەرەگیری سەروو هەرێمەکاو پارېزناو مەدیای کە ناوەنڎەکەش گارەن درێژە پنەمڎۆ، هێزەکایچش مەنتیقەکەنە زیاتەر مکەرۆ. چا چوارچێوەنە زانیا کە ئا جاش و جەردەوانۍ کە بەشداری هجوومە تازەکەی مکەرا، کێنۍ.
دەوڵەتوو تورکی کە ماوۍ چېوەڵتەر چنی حکومەتوو عێراقی و پەدەکەی پەیوەندیۍ چڕەنەبۍ، جە روو سەروازی و سیاسیوە درێژە بە ئاماڎەکارییەکاش پەی ئەنجامدای هجوومی تازەی مڎۆ. بێ مردای و چېروو نامۍ جیاجیاینە هێز روانەو مېڎانەکا گەریلای مکەرۆ، وەڵتەریچ هێزەکاو پەدەکەی چېروو نامۍ یەکینەکاو پاسەوانوو سنووری عێراقینە چا هەرێمانە یاگە گیرۍ کریێبێنۍ. ئەرەیاۋییا کە هێزەکاو زێرەڤانی و گوڵانوو پەدەکەی چېروو نامۍ پاسەوانوو سنووری عێراقینە کیانیێنۍ پەی ئا مەنتیقەیە، لووۍ سیدە و شێلادزێ و چا ١٥ بنکۍ وەشۍ مکەرا.
سەڎان جەردەوانۍ ئاماڎۍ کریێنۍ
دەوڵەتوو تورکی کە گەرەکش بۍ ناڕەزایەتیەکا دژوو هامکاری پەدەکەی و دەوڵەتوو تورکی بە شێوەی جیاجیا ماڕۊنە، ئی جارە پەی ئانەی جەردەوانەکا جە دژوو جمیەری ئازاڎیی کوردی بەکاربارۆ، کۊتەن جموجوڵۊ. چا چوارچێوەنە زانیا کە سەڎان جەردەوانۍ مەنتیقەو گەجەری جۆلەمێرگی پەی ئانەی بەشداری جە هجوومی تازەو ئەرەگیرینە بکەرا دیاریۍ کریێنۍ. ئاژانسوو هەواڵوو فوراتی (ANF) "لیستوو نامۍ ئا جەردەواناشە جە فەرماندەیی جەندرمەو مەنتیقەکەینە کە پەی ئەرکوو بەروو سنووری دیاریکریێنۍ" دەس وستەن. جە لیستەکەنە نامۍ و دمانامۍ جەردەوانەکا کە جە فەرماندەیی لیواو ٣٤و سنووری و فەرماندەیی لیواو ٥١و کۆماندۆینە ئەرکدارۍ کریېنۍ، ئاماژەش پنە دریان. جە لیستەکەنە بە نامۍ و دمانامەکاشارە بەرگنۆ کە خەڵکوو کۊگەینۍ، حەرپاسە ژمارەو تەلەفونی، گروپوو ۋنۍ، ژمارەو ئشناسنامەی و جۆروو ئا ئەرکەی کە پېشا دیاری کریان ئاماژەش پنە کریان.
لیستوو نامۍ جاش و جەردەوانەکا پی جۆرەنە
ئا جاش و جەردەوانۍ کە جە بەڵگەنامەو ٦و ئاداروو ٢٠٢٤ینە نامېشا ریزۍ کریێنۍ پی جۆرەنە:
