ناوەندوو ئەوەکۊڵیای مەیدانوو سۊسیۊپۊلەتیکی ئاماروو وێش پێوەس بە تندوتیژی سەروو ژەنا ساڵەو ٢٠٢٣ێنە وەڵا کەرڎۊ. دیاری کریان کە ئامارەکە سەروو زانیارییەکاو ژەن نیوزی، پلاتفۊرموو تاوانوو ژەنان مردندۍ، بیانێت، ئاژانسوو میزۊپۊتامیای، ئەنت سایاچ و فرەو تۊڕەکاو چاپەمەنیی هەرێمی و میانەتەوەییەکا ئامادە کریان.

دەسینشان کریان، کە ٣٩،٣٪ و ژەنا ڕوبەڕووۍ تندوتیژی  بیێنێوە، ٢٢٪ ێشا کوشیێنۍ، ١٧،٧٪ شا بە شێوەی گوماناوی مەرڎێنۍ، ٦،٢٪ شا هەڕەشێشا وەنە کریێنە، ٣،٣٪ ێشا ڕوبەڕوۍ هەراسانکەرڎەی بیێنێوە، ٦٢٪ ڕوبەڕوۍ تندوتیژێوە بیێنێوە،کە بریندارۍ بیێنۍ، ١،٥٪ ڕوبەڕوۍ هجوومی ڕەگەزپەرسی بیێنێوە. "ئیستغلالکەرڎەی زارۊڵا"یچ پێسە سەدا ٧،٣ ئەرەیاونیا. ئەرەیاونایەکەنە ئینە وچیان : " جە قوربانییا ٦٦٨ کەسۍ ڕوبەڕوۍ تندی و بریندارکەرڎەی بیێنێوە، ٣٨٥ کەسۍ کوشیێنۍ، ٣١٠ کەسێچ بە شێوەی گوماناوی مەرڎێنۍ، ١٢٨ زارۊڵێچ ئیستغلالۍ کریێنۍ، ١٠٩ کەسۍ ڕوبەڕوۍ هەڕەشا بیێنێوە، ٥٧ کەسۍ ڕوبەڕوۍ هەراسانکەرڎەی بیێنێوە، ٤٦ کەسۍ بەقورسی بریندارۍ کریێنۍ، ٢٦ کەسێچ تووشوو هجوومی ڕەگەزپەرسی بیێنێ".

بەپاو ئامارەکەی، فرەو پیا دەسدرێژیکەرەکا کەسۍ نزیکۍ و ئشناسۍ بیێنۍ.