بارزانی و پەدەکە ۋۍ دایدەسۆ و داردەسەبیەی سەروو گەلوو هەرێمیرە سەپنانە. بەڵام بە پێچەوانۆ گەلوو هەرێمەکەی دژوو ئەرەگیری مرداوە و دیارتەرین نمونە پۍ ئانەیچ گەریلا هەڵمەت کە خەڵکوو دێرەلوکیا، قارەمانانە جەنگش کەرد و گەشمەرڎەبی.
جە گرڎ ئۆپراسیۆنێوە شۆڕشگێڵنی گەریلاینە میدیا و ئەنداما میدیاو جەنگی تایبەتی وزیا حاڵەتی ئامادەیوە و دەس بە چەواشەکاری کەرا. ئا گروپە فاشیستیۍ دماو ئانەی پۍ چن ڕوێوە هەڕەشۍ و چەواشەکاریشا کەرد مژارەکەی وزارە و تەنیا چەمکوو 'ئا گەریلایا کە مەتاوا جماوە' جە ویروو خەڵکینە مازاوە. ئا وەرم و ئاواتەو ئاڎیشا تا ئۆپراسیۆنێوە تەری شۆڕشگێڵنی بەردەوام بۆ و وەختۍ گەریلا ئۆپراسیۆنێوەتەروو شۆڕشگێڵنی ئەنجامڎۆ سەرەتا شۆکۍ با و تاسیانە. ۋەروو ئانەی دماین چێوۍ کە یاڎوو ئاڎیشانە مەنەنۆ، مەگەر ئانە نەبۍ کە ' گەریلا دلێنە شیەنوو مەتاوۆ جمۊوە؟'.
ئەنداماو جەنگی تایبەتی ئی جارەیچ دەسپنەکەراوە کە سناریۆکا شرۆڤە کەرا. جە دمایینە 'ئانۍ ئینۍ پەشتە و وەڵۍ رووداکەیەنە' دەسنیشان کریا، پېسە ۋەرپەرسی سەرەکی نیشان مڎریا و جە دماینە قەرار سەروو ئانەی مڎا کە بە دڵنیاییوە سوپاو تورکی سەرکۊتەن. دماو ئۆپراسیۆنی شۆڕشگێڵنی گەشمەرڎە هەڵمەت دێرەلۆک کە ١٢ کانوونی دووەمی جە تەرەفوو گەریلاکاوە کریا، ئی کۆمەڵ و تاقمە فاشیستە جارێوەتەر شۆکۍ بیێوە. بەپاو ئەنداما جەنگی تایبەتی تورکی سەبەب و ئیجاریە خەڵکوو هەرێمەکەی بێنۍ. هامکارە دلێینەییەکۍ ئاڎیشا واتە پەدەکە و بارزانی ئەرکوو ۋێشا جابەجێ نەکەردەن. بە دارێوە درێژ سەروو خەریتەیۆ دەگایەکۍ هەرێمەکەیشا نیشانە دۍ و واتشا مشۊم ئا دەگایۍ لابریا و پی جۆرە خەڵکوو مەنتیقەکەیشا کەرد ئامانج. هامبەشەکێشا ئشیۍ مەنتیقەکەنە ئانەی چارەسەر کەرا.
بارزانی و پەدەکەیچ دەموودەس کۊتۍ جموجوڵ، پۍ ئانەی دڵوو دەوڵەتوو تورکی وەشکەرا، بە بێ ئانەی شەرم کەرا و تەریقۍ باوە کۊتۍ ۋێشا پۍ چۊڵکەردەی دەگاکا. سوپاو تورکی جە ئاکاموو ئۆپراسیۆنی شۆڕشگێڵنی گەریلاینە زیاتەر جە نیمەو سەنگەرەکاش جە هەڕێموو ئامێدینە جە دەسدۍ. ئانەی ئیجاریچ لووا دەمشاوە هەر پەدەکە بۍ. پەدەکە سەرەتا پۍ فاڕایۆ کوشیا و زامدارا سوپاو تورکی جە مەنتیقەکەنە ئەرکدار کریا، دماتەریچ شۆفڵوو حەفارەش کیانا مەنتیقەکە و سەنگەرەکۍ سوپاو تورکی کە گەریلای سۊچنێبێنۍ و دلێنەبریێبێنۍ، حۊڵشا دا سەرجەنۆ خاسشا بکەراوە. چی ڕووایچەنە فشار وزا سەروو خەڵکوو مەنتیقەکەی و دەسشا بە چۆڵکەردەی دەگایەکا کەردەن. سەرەتا قائیمقاموو ئامێدی دەسش کەرد بە هەڕەشەکەردەی جە ئەرەنیشتا دەگایەکا سپینداری، مژێ و کەونە مژێ پۍ ئانەی یانەکاشا جیابازا دەگایەکا چۆڵ کەرا. دماتەریچ کە دەگانشینەکۍ نەلۍ چێروو باری دەسشا کەرد پانەی جە ڕاو فڕۆکەی جەنگیوە خەتەو کارەباو ئا دەگایا بۆردومان کەرا و بێ کارەباشا کەرا. دماتەر ۋەرپەرساو پەدەکەی پەیوەندیشا بە دەگا نشیناوە کەرد و پنەشا واتۍ 'ئیجارە دەگاکێتا بۆردومان کریۆ، خێرا کەردۍ و دەگاکێتا چۆڵ کەردۍ'، پۍ وێرەگاکەیش فڕۆکە دەگاکێش بۆردومان کەردۍ.
دماو دووۍ ڕووایچ پۍ ماوەو یەرۍ سەعاتا دەرفەت بە دەگانشینا دریا تا دەگاکۍ بە تەمامی جۆڵ کەرا. هەر یەرە دەگاکۍ کە باسما کەردۍ جە تەرەفوو پەدەکەیۆ چۆڵ کریۍ و پۍ سوپاو تورکی ئەرەگیری بیۍ بە مېڎانوو ئۆپراسیۆنی. سەرەڕاو ئانەی دەگانشینەکۍ فرە حۊڵ مڎا گێڵاوە پۍ دەگاکاشا، بەڵام پەدەکە ڕاشا پنەمەڎۆ، پا دەگا نشینایچە کە فرە پا گیری کەرا ماچا ' ئەگەر فرە سوورێندۍ سەروو گێڵایۆ، ئێمە جە مەردەیتا ۋەرپەرسۍ نیەنمۍ'. بە شێوێوە ئاشکرا سوپاو تورک جە مەنتیقەکەنە کۆکوشی کەرۆنە و بارزانی و پەدەکەیچ هامبەشۍ ئا هجومانۍ. ئانەی دەوڵەتوو تورکی جە ساڵەکا ١٩٩٠ جە سەرنیشتوو کوردسانینە کەرێش، ئیسە سەروو دەسوو پەدەکەی و بە نامۍ 'حکومەتوو کوردسانی'وە کریۆ و چانەی دژوارتەر کریۆ. دەگا نشینەکۍ مشۊم کیلۆ واردە بەراوە، وەختۍ چانەی زیاتەر بۆ، بۆ بە مایۍ گێرتەی و دەس سەرەرە گێرتەی ئا واردەیە. مشۊم ئانە ویروزیۆوە کە نیمەو ئا کەسا ئیسە ئینۍ زینڎانەکا پەدەکەینە ۋەروو ئانەی گوایە 'بازرگانیشا چنی پەکەکەی کەردەن'، ۋەروو ئانەی 'هامکاری پەکەکەیشا کەردەن' و 'ۋەروو ئانەی ئەندامۍ پەکەکە'ینۍ ئینۍ زینڎانەنە.
وەختۍ بارزانییەکۍ ئا خزمەتەیە بە دەوڵەتوو تورکی کەرێنۍ، هەولێر جە تەرەفوو ئێرانیوە بە موشەکی دوورمەودا و درۆن بۆردومان کریا. ئینەیچ جە وەختێنە بارزانی و پەدەکە هەمان ئا خزمەتەیچشا بە ئێرانیچ کەردەبۍ. پارتەکۍ ۋەرکەوتیشا چەکۍ کەردێبێنۍ، کەمپەکێش پنە چۆل کەردێبێنۍ و بڕۍ سەرماشقۍ ئا پارتایچشا پۍ دەوڵەتوو ئێرانی بە کوشت دێبێنۍ. سەرەڕاو ئانیشایچ گرڎیی دەوڵەتوو ئێرانی نەمردا و مەمردۆ. ۋەروو ئانەی چنڎین ساڵێن پۍ ئانەی دەوڵەتوو تورکی ئەرەگیری رەوایەتی پنەبڎا بە گرڎ جۆرێوە حۊڵشا دا و ئا بناخە و زەمینەشا پۍ دەوڵەتا ئەرەگیری جە تەرەفوو هەریەرە بارزانیەکەیۆ سازکریا. سەرەڕاو ئینیشا گردیچ سەروو ئاستی میان نەتەوەیینە نامۍ حکومەتوو هەرێموو کوردسانی بەکارمارۆ، دلۍ حکومەتی ناوەندینە کاریگەری و هەیمەنەو ۋێش بەکار مارۆ، بە تایبەتیچ وەزارەتوو بەریش چی مژارەنە بەکار ئارد. حۆڵ مڎۆ هجومە قڕکارییەکا دەوڵەتوو تورکی بە رەوا نیشانە بڎۆ و تاوانەکاشا پەردەپۆش کەرۆ. هەڵایچ بۍ ئانەی تەریقۍ باوە و شەرم جە ۋێشا کەرا ماچا 'پەکەکە جەنگش یاونان دەگایەکاما'.
جە ئاکاموو ئۆپراسیۆنی شۆڕشگێڵنی گەریلاینە تابلۆیۍ پی جۆرە وەشکریا. هێزەکاو گەریلای جە تشرینوو دووەمی تا کانوونوو دووەمی بە چالاکی و ئۆپراسیۆنی شۆڕشگێڵنی بارەگاکۍ تورکیایشا جە ئامێدینە یەرۍ جارۍ دلێنەبەردۍ. بەڵام هەر یەرە جارەکە پەدەکە کۊت ۋێش و جە ماوەو حەفتێوەنە سەرجەنۆ ئا بارەگێشە وەشۍ کەردۍ. ئامێر و ترۊمبێلوو هەرمانۍ، کەرەسەی بیناسازی و واردەشا پۍ مارۆ و ترۊمبێلوو زرێپۆش و تانکەکا ئەرەگیرا مەنتیقەکەنە پارێژنۆ. جە فرەو مەنتیقانە پەدەکە بنکەی سەروازی پۍ دەوڵەتوو تورکی وەش کەرۆ. دمایین کردەوەیچش چۆڵکەردەی دەگایەکان.
بارزانی و پەدەکە پی هەرماناشا ۋۍ دایدەسۆ و نۆکەرایەتی سەروو گەلوو مەنتیقەکەیرە سەپنۆ، بەڵام گەلوو هەرێمەکەی بەپێچەوانۆ، دژوو ئەرەگیری مرداوە و ۋێڕاگری کەرا. دیارتەرین نمونەیچ پۍ ئانەی گەریلا هەڵمەتا کە خەڵکوو دێرەلوکی بۍ، بە قارەمانی جەنگش کەرد و گەشمەرڎەبی.
