نمایشگایۍ کتێبا جە شاروو سلێمانینە کریاوە
شاروو سلێمانینە، بە بەشداری چنڎین دەزگایا وەڵاکەردەیۆ و ڕۆشنۋیری، نمایشگایۍ کتێبا کریاوە.
ئارۆ، شاروو سلێمانینە، جە ماجدی مۆڵ، بەبەشداری فرێوە جە ناوەنڎ و وەڵاکریایەکا شاروو سلێمانی و هۊلێری، نمایشگایۍ کتێبا ڕووەو ۋەنەرانە کریاوە.
نمایشگاکە سەعات ١٠و ئارۊی کریاوە و ڕووانە جە سەعات ١٠و سەعبیۆ تا ١١و شەوۍ پۍ ماوەو ٧ ڕووا تا ٢٩-٢-٢٠٢٤ بەردەوامیش بۆ.
جە دلۍ نمایشگاکەیەنە هەم مژارۍ کولتووری و هەرمانۍ دەسیۍ، هەم کتێبۍ و گەمۍ زاوڵا نمایشۍ کریا.
ڕێکوزیایا نمایشگاکەی کە گروپوو کتێبخانەکا کوردسانینۍ، ئی نمایشگەشا بەشێوێوە ۋێڕاوەبەری ڕێکوستەن و کەمکەردەیۊشا پۍ قیمەتوو گرڎوو بەرهەمەکا ۋێشا کەردەن.
