نەپەگە حەفتەو قارەمانیەتیش پیرۆز کەرد
فەرماندەیی قەرارگەو نەپەگەی: هامڕێما مەزڵوم و مەحسون بیۍ بە شۊڵەچراوەو سەردەموو قارەمانی گەلیما. سەروو ئی ئەساسیە حەفتەو قارەمانیەتی جە گەلوو کوردی و گرڎوو هامڕایاما جە گرڎ مێڎانۍ کۊشیاینە پیرۆز کەرمۍ.
فەرماندەیی قەرارگەو ناوەندی پارێزنای گەلی (نەپەگە) دەربارەو حەفتەو قارەمانیەتی ئەرەیاۋنێوە نویسیاش وەڵاکەردۆ.
جە ئەرەیاۋناکەو فەرماندەیی قەرارگەو نەپەگەینە ئامان:
"ڕابەرانێوە هەنۍ کە هۆشمەندی گەلا و ڕۆحوو ئازاڎییشا خوڵقنان و قارەمانانێ هەنۍ ئی هەنگامە تاریخیێشا هۊرگێرتێنە. گرڎ گەلێ سەروو بنەماو داستانوو قارەمەنا وەڵینگەو ۋێش، ورە و ئشناسنامەی نەتەوەی گەورەی بەدەسمارۆ. گەلی کوردی ۋێڕاگر و ئازا و بەشکۆ کە پەیوەس بیەن بە بەها کۆمەڵایەتییە تاریخیەکاشۆ قارەمانیەتیش نیشانەدان و بیەن بە خاوەنوو قارەمانی تاریخی. جە کاوەی ئاسنگەریوە تا سوپای نەمروو مادەکا، بێ هەژمار قارەمانێش بیێنۍ و نامۍ ۋێش جە تاریخەنە نویستەنۆ و یاگۍ ۋێشا جە یاڎەوەری گەلوو کوردینە ئەرەگیرکەردەن. ڕابەر ئاپۆ کە جە ڕۊو نەورۆزینە بەرکۆت و چنیش سەردەمی قارەمانیەتی نەتەوەی ڕێکوزیا و تازە ژیۋای گەلوو کوردی دەسشپنەکەرد. سەرمەشقا ئەرەمەرزنەروو تەڤگەریما کە بە هۆشمەندی، دڵ و گیان ئایدۆلۆجیای ئاپۆیشا ژیۋناوە و بەشدارێش بێنۍ چنی ڕابەر ئاپۆی، سەردەمێوە ڕێکوزیا، بەقوەت و هێقم و قارەمانیەتی گەلوو کوردیشا بنیاڎنیا و خەڵاتی ماناڎاری تاریخیشا پێشکەش بە گەلوو کوردی کەرد. قارەمانا کە پۍ پارێزنای بیەو گەلیما، ئازاڎیی گەلی مسۆگەر کەرا و ئایندەیش دەسەبەر بکەرا بە بێ دوودڵی ۋێشا فیداکەرد و بەرۍ کۊتۍ.
گەلوو کوردی حەفتەی بەینوو چالاکی قارەمانی ئێژاو کاوەی هامچەرخی هامڕا مەزڵوم دۆغانی جە بەینوو ٢١و ئاداری و شەهادەتوو هامڕا مەحسوم کۆرکمازینە کە فەرماندارێوە ئەفسانەیی گەریلاو کوردسانیا، جە ٢٨و ئاداریەنە پێسە حەفتەی قارەمانیەتی نەتەوەیی پیرۆز مکەرۆ. هامڕایا مەزڵوم و مەحسوم پێسە کەسایەتی هۆشمەندی و ئازای گوزارشت جە پارتیما 'پەکەکە'ی مکەرا. بیۍ بە هۊرگیروو ئا هەڵوێسە دڵسۆزە ئایدۆلۆجیا ئاپۆییە جە تاریخەنە. هەڵوێسی تاریخی کاوەی هامچەرخی هامڕا مەزڵوم دۆغان جە زینڎانوو ئامەدینە، ڕۆح و خەتەو مدرامانوو پارتیماش دیاریکەرد و هامڕا مەحسون کۆرکمازیچ ئی ڕۆحیەتەشە پێسە ڕا ڕۊشنکەرەوەو ۋێش هۊرگێرت و لووا کەشەکا کوردسانی، بی بە گەریلا و بە قۆناغەو ١٥ی ئابی تاریخیۆ شێوازێوە تازەو کۊشیای فیدایش وست پراکتیکۆ. هامڕا مەزڵوم و مەحسون جە سەرگوزشتەو کوردسانینە پێسە سیمبولی، ڕۆح، خەتەو و قارەمانی بەرۆ کۊتۍ، بیۍ بە شۊڵەچراوەو سەردەموو قارەمانیەتی نەتەوەیی گەلەکەیما. سەروو ئا بنەمایۍ، حەفتەی قارەمانیەتی جە گەلوو کوردیما و گرڎوو ئا هەڤاڵاما کە جە گرڎ مێڎانێوە مدرامانینە خەبات کەرا پیرۆز مکەرمۍ. جە کەسایەتی قارەمانا نەتەوەیمانە گرڎوو گەشمەرڎاما بە ڕێزوو، منەتباری و دڵسۆزییوە یاڎ کەرمێوە، ئانەی دیاری کەرمۍ کە جە هەر ئاژێوەنە بۆ سەروو ڕاو گەشمەرڎا بیمۍ و حیچ وەختۍ پاشگەزۍ نەبیمێوە.
هامڕا عەگید (مەعسوم کۆرکماز) فەرماندارێوە گۊرەبۍ، کە بە پەیوەسبیەی قوڵیش بە ڕابەر ئاپۆیۆ فکری ئاپۆی فرە عال یاوابێنە و ژیوایشکەردەبۍ، بە بەقوەتیۆ باوەڕش بە سەرکۊتەی کۊشیای ئازاڎیی گەلوو کوردی کەردەبۍ و بە گەریلابیەیشۆ لکەدریابۍ. هامڕا عەگید ڕابەرێوە فرە بەقوەت بۍ کە جە کەسایەتی ۋێشەنە ئیرادەو ئازاڎی و قارەمانیەتی گەلوو کوردیش سەروو سەرەیش نیابۍ. هامڕا عەگید هەنگامەو ١٥و ئابیش بە شێوازی نمونەیی ۋێش پێکئاورد و بە فاڕیای شێوازوو گەریلایی ڕەوتوو جەنگی گەلی شۆڕشگێڵنیماش دیاریکەرد. ڕاپیما قەرارداریەکەو هامڕا عەگیدی، جە گەورەبیەی سوپاو گەریلایمانە، وەڵابیەیۆیش جە گرڎوو کوردسانینە، جە بنیاڎنیای جەنگی گەلی کۊششکاریمانە و سەرکۊتەی گەریلایەتینە کاریگەربیەن.
کۊشیای گەریلایما و ڕاپیمای قارەمانیەتیما کە بە تەقنای ئەوەڵ گولۍ فەرماندە عەگیدی دەسشپنەکەرد، ئارۊنە بیەن بە سوپایۍ فیدایی بە ڕۆحیەتی فیدایانەو ئاپۆییوە جەنگ مکەرۆ. ئارۊنە جە خەباتوو گەلی شۆڕشگێڵنی ئێمەنە بە سەرکردایەتی گەریلاکاو ئازاڎیی کوردسانی، ئا وەڵێکۊتەیە تاکتیکیۍ هەپەگەی بەدەسشئاردێنۍ، ئا ئاستە بەرزەی کە جە ڕاو وەڵێکۊتەینە بەدەسشئاردەن، ئا ئاوردەینە و پراکتیزەکەردەی تاکتیکینە بەدەسشئاردەن، بنیاڎنیای کە جە خولقنای تاکتیکی و پێکئاردەیشەنە پەرەشپنەدان وزۆش سەروو خزمەتوو تاکتیکی و جە گرڎی گرنگتەر پراکتیزەکەردەی ئینیشا گرڎی بەڕۆحیەتی فیداییانەو ئاپۆییوە قیمەت و دەسکۊتۍ گەورەن پۍ تاریخوو گەلوو کوردی. گەریلاکاو ئازاڎیی کوردسانی ڕاو گەشمەرڎا گێرانە ۋەر و گرڎوو ئامانجەکاشا بەدیمارا و کۊشیانە پۍ ئانەی بانۍ بە شایستەو ئا کۊشیایە. وەعد مڎەیمۍ بە هۆشمەندی، ڕۆح، باوەڕی و قەرارداریوە کە جە قارەمانەکاماوە هۊرماگێرتەن، کۊشیایما ۋەرفراوانتەر کەرمۍ و شایستەو یاڎکەردەیۊیشا بیمۍ.
ئێمە جە گەلوو کوردی و قارەمانا کە سەروو ڕاو قارەماناما بە بێ دوودڵی ڕاکەرا، هۆشمەندی و دڵوو ئاڎیشاشا کەردەن بە ڕانیشاندەروو ۋێشا و بە پیرۆزکەردەی نەورۆزی ئازاڎیی بە شکڵۍ شکۆمەنڎانۆ خاوەنداریشا جە قارەمانا کەرد، سڵام مکەرمۍ. ئێمە جە حەفتەی قارەمانیەتینە جارێوەتەر جە گەلی وڵاتپارێزیما و هامڕایاما پیرۆز مکەرمۍ و جە گرڎ مێڎانۍ کۊشیای ئازاڎیینە هیواو سەرکۊتەیشا پۍ موازمۍ."
