فەرماندەیی قەرارگەی ناوەندیی نەپەگە، مەبارەکباییش چا فەرماندە و گەریلایا کەرد، جە ئۊپەراسیۊنێوە شۊڕشگێڵنینە و بە چالاکی خێرامایشا وەنەو ساڵیاڎوو ئەرەمەرزنای پەکەکەی کرد. نەپەگە ئەرەیاوناش، کۊمیتەو ڕاوەبەریی پەکەکەی سڵام وەنەو گەریلای کەرۊ.
فەرماندەو قەرارگەی ناوەندیی پارێزنای گەل (نەپەگە)ی ئەرەیاوناێوە نویسیاشوەڵا کەرڎۊ و مەبارەکباییش چا گەریلایا کەردم کە بەشداریی ئۊپەراسیۊنی شۊڕشگێڵنی بێنۍ. ئەرەیاونایەکەو نەپەگەینە ئامان: "سەرەتا مەبارەکبایی ٤٥ ساڵەو ئەرەمەرزنای پارتەکەیما (پەکەکە) وەنەو ڕابەر ئاپۊی و گەلی وەڵاتپارێزنی و هامڕایاما کەرمۍ. جە هامرا حەقی قەراریوە تا دما گەشمەرڎاما ئەندۊک، جوان، بۊتان و عەگید، بە ڕێز و سوپاسۊ گردوو گەشمەرڎە ڕەنجدەر و فیداکار و ساعیبە هەقەتینەکاو داستانوو ٤٥ ساڵەو پەکەکەی یاڎۍ کەرمێوە. وەعد پەی گەشمەرڎەکاما ئەوەخوای کەرمێوە، کە شۊنەو وەرمەکاشاوە بیمۍ و ئامانجەکاشا پەی سەرکەوتەی و یاڎشا چەنی ڕابەرێتیی ئازادی کوردساننە ئازاد بەزیندیی مازمێوە.
جە ئەرەیاونای فەرماندەیی قەرارگەو نەپەگەینە ئامان:
"جە٤٥ەمین ساڵیاڎوو ئەرەمەرزنای ڕسمیی پارتەکەیما (پەکەکە)ینە، مەبارەککەرڎەی ساڵەو ٤٦هەمین بە چالاکییە شۊڕشگێڵنییەکاو گەریلاکاو ئازادیی کوردسانی، فرە مانادار بی. ڕۊحوو سەرکەوتەی پەکەکەی کە چا وەختۊ تا ئیساتۍ بەبۍ مرڎای و بە ڕەنجێوە گەورە یاوان ئارۊ، جە ڕاو چالاکییە سەرکەوتانەکاتاوە بەرکەوتەن. جە ٢٠ی تشرینوو دووەمینە هێزەکاو سوپاو ئەرەگیرەو تورکی زاپ و مەتینانە کریۍ ئامانجوو چالاکیی شۊڕشگێڵنانەی و گورزێوە قورس و کاریگەرشا دریا وەنە. هەرێموو گەشمەرڎە شەهید دەلیلوو وەرنیشتوو زاپینە، ئا هێزۍ سوپاو ئەرەگیری کە یەرۍ یاگۍ جیاوازوو هەرێموو مدرامانوو کەشوو ئامێدینە ئازیێنیوە، بە چالاکیێوە شۊڕشگێڵنانەی وەرفراوان کریۍ ئامانج. هەر یەرە یاگەکۍ شوێنەکە بە تاکتیکوو هجوومکەرڎەی لاو قۊڵەکاو ئۊپەراسیۊنی شۊڕشگێڵنییەوە کریۍ ئامانج، گردوو قۊڵەکاو ئۊپەراسیۊنی لوی دلۍ دوژمنی و ئەوەڵ تا ئاخر گرد وەختێوە ئۊپەراسیۊنەکەی چێروو دەسوەڵێوستەی گەریلاینە کریا، ئینەیچە سەرکەوتەێوە فرە گرنگا. دماو ئانەیە بە تاکتیک وشا خزنا دلێوە و یاوۍ دوژمنی و بە ئازایەتیێوە بەرز و ڕۊحی فیداکاریی ئاپۊییوە، ٤٩ داگیرکەرێشا سزا دۍ و ٢١ خێمۍ و ١٢ سەنگەرێشا وڕنێکە بەروزوو پێرفۊرمانسێوە بەرزوو جەنگکەرڎەین. هەمان ڕۊنە جە هەرێموو مدرامانوو کەشوو ئۊرتێنە بە شێوازوو نیشانەماڕۍ بە تاکتیکی هەماهەنگی، گەریلاکۍ ئەرەگیرێشا کەرڎۍ ئامانج، ١٢ سزا دریۍ، ٢ سەنگەرۍ و کامێرێوە مۊبوس تێکۍ دریۍ.
چندین لایەنۍ ئۊپەراسیۊنی شۊڕشگێڵنیی وەرفراوان، بە چەنەزانانە تاکتیکەکاو گەریلای پێوە بەکارۍ ئامۍ و دایوەنەی گورزی قورسی پەی ماڕای گردوو ڕاکارەکاو دوژمنی، ئاستوو شێوازوو جەنگوو تیمە پسپۊڕەکا نیشانە مدۊ. شۊنکەوتاو زیلانۍ، هامڕایاما ڕۊژهات زیلان و ئەرڎاڵ شاهین، ئیرادەو فیداکاریی ناوازەیشا ئەنقەرەنە کەرد بە پراکتیک و کەشەکاو کوردستانینە ڕاو ئۊپەراسیۊنی شۊڕشگێڵنییوە کەردشا بەمیرات، ئینەیچە بی بە پەیاموو گەریلاکاو ئازادیی کوردستانی تا بە هەمان ڕۊحۊ گرد یاگێونە درێژە بە کۊشیاکەیشا بدا.
پەکەکەیچ مەبارەکبایی وەنەو گەریلای کەرد
بە ڕێز و وەشەسیایوە سڵام چا فەرماندە و هامڕایا کەرمۍ، کە بە ئۊپەراسیۊن و چالاکیی شۊڕشگێڵنیی قەوەت خێرامایشا وەنەو ساڵیاڎوو ئەرەمەرزنای پارتەکەیما کەرد و بە ڕۊحی فیداکارانە و ئیرادەی گەورەو کۊشیایوە ساڵی تازەو پارتەکەیشا دەس پەنە کەرد.
مەبارەکبایی وەنەو گردوو ئا هامڕایا کەرمۍ، کە دەورشا جە وەشکەرڎەی ئی ئەنجامە سەرکەوتانەینە بۍ و گرد قۊناغێوەنە سەرمەشقی و بەشداریی و خەباتیشا کەرڎەن. کۊمیتەو ڕاوەبەریی پارتەکەیما پەیامەکەشنە پەی فەرماندەییەکەیما واتش، جەژنەو پارتەکەیما وەنەو سەرجەموو هێزەکاو گەریلای مەبارەکە بۊ، ناخوو دڵیوە سڵامش کەرد وەنەو سەرجەموو ئا فەرماندە و جەنگەوانا کە بەشدارۍ بێنۍ جە ئۊپەراسیۊن و چالاکییە شۊڕشگێڵنییە سەرکەوتەکانە، هەرپاسە بە خوەشەسیایوە، هومێدوو سەرکەوتەیش پەی گردوو ڕاوەبەراو پارتەکەیما بەر وست.
جارێوە تەر بە هەستی شۊڕشگێڵنانەی دڵسۊزانەوە، سڵام کیانمی پەی گردوو هامڕایاو زاپی و مەتینای، کە بە ڕۊحی فیداکاری ئاپۊییوە مدرامانشا کەرد و گورزی قورسشا وەنەو دوژمنی شانا، تەسەورما چانەن، جە ساڵەی تازۍ پارتەکەینە، سەرکەوتەی گەورەتەر دەس وزمۍ و هومێدوو سەرکەوتەیتا پەی وازمێ".
