فەرماندەو قەرارگەو ناوەندوو پارێزنای گەل (نەپەگە)ی ئامارەکاو جەنگوو ساڵەو  ٢٠٢٣ ئاشکرا کەرڎۍ و واتش، کە گەریلاکاو ئازادیی کوردستانی بە داستانەکاشا مدرامانی تارێخییشا  گەشمەرڎێشا دێنی و ساڵەو ٢٠٢٣ێشا کەرڎە بە ساڵەو مدرامانی تارێخی.  

ئەرەیاونایەکەو نەپەگەی پێسنەن:

دەوڵەتوو تورکی ئەرەگیری چەنی ڕژێموو ئاکەپە-مەهەپەی فاشیستی گەرەکشابۍ ساڵەو ٢٠٢٣ێنە، کە ١٠٠ـەمین ساڵیادوەمەرزنای کۊماروو تورکیاین، سیاسەتەکاو کوشتەی وێش دژوو گەلوو کوردی بیاونۊ ئەنجام، کورد و کورڎایەتی بەتەمامەتی تەسفییە کەرۊ و پیسە بلۊ سەدەو دووەمیشۊ. پای یاوای پا ئامانجەیە کە هەنش چوارچوەو "پلانەو دلێنەبەرڎەی"ینە ساڵەو ٢٠١٥ـیۊ، گردوو ئا فرسەتا کە ئینۍ وەروو دەسیشەنە، تەکنیکوو جەنگی و ئا پشتیوانییە کە ناتۊوە ورش گێرۊ بەکارش ئارد. بە کوشتەی گەلەکەیما بەئاشکرا، کۊکوشی و چندین تاوانۍ جەنگیش کەرڎێ. ئانە کە جەدەسش ئۍ کەرێش. هاموەخت ماوەو ٩ ساڵی وەڵینینە جەنگی دەروونی و تایبەتش یاونا قەلاپۊپە. سەبارەت بە هێزەکاما ساڵانە ژمارەی  تازە وەڵا کەراوە و دروۍ سەروو دروا کەرا و بانگەشەو ئانەیە  کەرا کە گەریلای دلێنە بەرا. پی ئامانجەیە سەرنیشتوو کوردستانی و هەرێمەکاو پارێزنای میدیای  سەرەمڕ هجوومواران کەرا. دەوڵەتوو تورکی سەروو ئی بنەمۍ ئاما دلۍ ساڵەو ٢٠٢٣.

بوومەلەرزەکەو ٦ی شوباتی و پڕۊسەو قەراری بێچالاکی

گەریلاکاو ئازادیی کوردستانی بە ڕۊحی فیداکاری ئاپۊیی و ئیرادەی شۊڕشگێڵنانەی گەورەوە دژوو ئا هجووما مرڎێوە و نموونەو مدرامانی داستانانەیشا کەرد، پینەیچە مۊرەشا دا وەنەو تارێخی . ساڵەو ٢٠٢٣ بە دڵسۊزی پەی ڕابەری و گەشمەرڎا، ئیرادێوە گەورە بە باوڕ بە سەرکەوتەی، ڕۊشنیی تاکتیکنە و تەرکیز سەروو ئامانجی بەرەو وەڵۍ لوا. پڕۊسێوەنە دژوو هجوومەکاو دەوڵەتوو تورکی، ئۊپەراسیۊنە شۊڕشگێڵنییە فرەلایەنەکۍ پلانەی سەرکەوتانێشا پەی ئەرەنریا و  یوایا ئامانج.  ٦ شوباتوو ٢٠٢٣ بوومەلەرزێوە قەوەت کە ناوەندەکەش مەرەش بۍ کەوت. دەیان هەزار کەسۍ گەلەکەمانە مەرڎۍ و  ڕوانە چێروو وڕیای یانەکانە مەنێوە. ڕژێمی فاشیستی ئاکەپە-مەهەپەی پاسەش بە خەڵکەکەیما کەرد  کە ڕووبەڕووۍ مەرڎەی باوە.  بارودۊخی سەختوو زمسانینە ملیۊنا کەسۍ بێیانە مەنێوە. پڕۊسێوە چانەنە ڕاوەبەروو پارتیما، هامسەرۊکایەتیما جە ئەنجومەنوو ڕاوەبەری کەجەکەینە ٩ شوباتوو ٢٠٢٣ داواش وەنەو گردوو هێزەکاما کەرڎە چالاکییەکا مردنمێ.  هێزەکاو پاریزنای گەلی گرنگییشا پی  قەرار و ڕوانگەیە دا و بەرەو هەڵوێستی بێچالاکی لوێ. وەلۍ ڕژێمی فاشیستی ئاکەپە-مەهەپەی، ئی قەرارە ئینسانی و ئەخلاقییەو جمیەرەکەیماشا بە فرسەتێوە زانا و جیای ئانەی بلا دەموو وەنەقۊمیایاوە پاشا سەروو بەرڎەوامیی جەنگی گێرتەرە. وەڵۍ گرد چێوێوەنە وەراوەروو هێزەکاماوە سەرنیشتوو کوردستانی و هەرێمەکاو  پارێزنای مێدیاینە گردوو هەرێمەکانە  درێژەشا بە هجوومەکاشا دا. چی هجوومانە بە گردیوە ٣٢ هامڕێما گەشمەرڎۍ بیۍ حەرچندە قۊناغوو بێچالاکیینە بێنـمێ.  دماو  ١٣ حوزەیرانی، پڕۊسەو بێچالاکیی کە تەمام بێمانا بۍ و حیچ جوابێوەئەرێنییش چەنە نەکەوتۊ، دماییش ئاما.

دەسش بە هەوڵۍ ئەرگیرکەرڎەی پانیشتوو کوردستانی دا و پەدەکەیچ پەشتیوانییش کەرد

هجوومەکاو سوپاو تورکیای ساڵەو ٢٠٢١ و ٢٠٢٢ بە تاکتیکی تازەو گەریلای شکسشا ئارد. پلانەکاو ئەرەگیرکاری حیچ ئەنجامێوەش پەی دوژمنی نەبۍ و مەنتێقەکەنە گیرشا وارد. دەوڵەتی فاشیستوو تورکی تا ڕاددێوە فرە ڕەوایەتییش جەدەس دا و لاواز بی. پەوکای جە پەرەپەنەدای چەمکوو هجووموو ساڵەو ٢٠٢٣ پەی سەرو گەلو کوردی تووشوو شکسی ئامێ. خەتەو هامکاریی کوردی و گردوو فرسەتەکاو دلێش بەکارۍ ئارڎۍ و هەوڵێش دۍ دا پەشتیوانیی زلهێزەکاو بەری ورگێرۊ. سەروو ئا بنەمۍ ١٤ تەمووزی هەرێموو کوڕەژارۊو زاپینە، ١٩تەمووزی بە پاڵپەشتی و هامکاریی پەدەکەی مەیدانوو  کەشوو ئۊرتێنە مەتینانە، ٢٠ خاکەلێوەی مەیدانوو کەشوو جودیینە وەرنیشتوو هەرێموو زاپینە گەشمەرڎە دەلیلنە، هەوڵە ئەرەگیرییەکێشا دەسشا پەنە کەرد. وەلۍ پلانەو ئەرەگیرا لسەرە نەکەوتە. کریۊ واچمۍ گەریلاکۍ گرد ڕوۍ گورز دماو گورزی ونەو دوژمنی دێنۍ و  زەرەرشا وەرگنێ. سوپای ئەرەگیرە پەی ڕزگاربییەی جە شکستە قورسەکاش فەرماندەو سوپا ئەرەگیرەکێش دوور وستۊ و خستەوە و هەنگامەی تازێش دەس پەنە کەرد. ٩ ئەیلوولینە هەوڵێش دۍ هجوومەکاش خەتەو کەشوو ئامێدیوە تا مەتینا وەڵا کەرۊوە. جە ٧ تشرینوو یوەمیوە یاگە ستراتیژییەکاو  بارزانینە کە هێزەکێما چا نەبێنی هێزەکێشا بنێشا وستە. پێسە قۊناغێوە تەرش جە هجوومە ئەرەگیرییەکا دەسش پەنە کەرد، ئی قۊناغە بەروزوو ئانەیە بۍ دەوڵەتوو تورکی ئامانجوو ئەرەگیریی گردوو پانیشتوو کوردستانیش بۍ و گەریلای تەنیا پێسە بەهانێوە ئارێوە و پەدەکەیچ بەئاشکرا پەشتیوانیی گردوو هجوومەکاو دەوڵەتوو تورکی بێ.

ڕۊحی فیدایی ئاپۊیی ئەنقەرەنە یاوا قەلاپۊپە

گەریلاکاو  ئازادیی کوردستانی بە درێژایی ساڵۍ دژوو هجوومەکاو دوژمنی، لە دێرسیمنە بە یاشار بۊتانەکا،  بۊتاننە بە لەیلا سۊرخوین ئامەدێ، ڕۊژبین دێرسیمێ، میرزا بارگرانی و بەنگین بارمانیانێ، سەرحەدنە بە هێژار زۊزانی، شۊڕش و دەیندرانی، مێردیننە بە جانشێر ماکو، دەستان بۊتانی و گوڵبەهار مەرجانانێ، لە جیلۊ بە عەلی شێر ئینتکامانی، ئامەدنە بە خەمگین سەرهاتێ، ئاخین موشۍ و دڵگەش گوزەرەشیانێ، گارزاننە بە ڕێدور سیسەر و ئەرڎەم ئاراراتانی؛ بە مدرامانی داستانانەی و تارێخوو گەشمەرڎە درای و ساڵە ٢٠٢٣ێش کەرڎە ساڵەو مدرامانی گەورەی سەرنیشتوو کوردستانینە. یاگەکاو پارێزنای مێدیای، بە سەرمەشقایەتیی سینان دیژوار، ئاسیا کانی رش، نودەم سیدار، ڕۊژهات حەبەش، هەرەکۊل بۊتان، دەڤریم گارزان، دۊگا ڤیانەکا بە مدرامانێوە گەورەوە جە ئاستی قارەمانێتینە جەنگوو ئازادییشا کەرد.  ١ تشرینوو یوەموو ٢٠٢٣، گەشمەرڎاو تابووروو نەمرا ڕۊژهات زیلانە و ئەرڎاڵ شاهین، ئەنقەرەنە پایتەختوو دەوڵەتوو تورکینە، دڵوو ئەنقەرەینە چالاکییێوە  تارێخییشا کەرد و ڕژێمی فاشیستی ئاکەپە-مەهەپەیشا لەرناوە.  پێسە جارێوە تەر نیشانەو دۊس و دوژمنیشا دا کە گەریلا فیداییەکاو ئاپۊی چە هێزێوەشا هەن. هامرێما ڕۊژهات و ئەرڎاڵ ڕۊحی فیداییبییەی ئاپۊیییشا ئەنقەرەنە یاونا قەلاپۊپە و هەڵمەتێوە تارێخییەشا تۊمارە کەرڎە. پێسە سەرمەشق و هێماو نموونەو سەرڎەمی، لوۍ دلۍ تارێخوو کۊشای و پێسە شۊنکەوتاو زیلانۍ مۊرەو وێشا دا وەنەو پڕۊسەکەی.

ساڵەو ٢٠٢٣ بەرش وست کە دەوڵەتوو تورکی مەحکووما بە تێکشییەی

چالاکییە تارێخییەکەو هامڕا ڕۊژهاتی و ئەرڎاڵ مۊڕاڵی، هێز و ئیرادەش بە گرد کەسێوە بەخشا، پێڕفۊرمانس و قەرارڎاروو گەریلاکاو ئازادیی کوردستانیش پەی چالاکیی زیاد کەرد. مانگەو تشرینوو یوەمینە هێزەکێما ئاستێوە جەنگی فرە جیاوازشا نیشانە دا. چەنی ئامای فەسڵوو زمسانی گەریلاکاو ئازادیی کوردستانی بەبۍ گۊشدای زم و هامنی  گرد فەسڵێنە و یاگێوەنە پەی کەرڎەی چالاکیی گەریلایی سەرڎەمی تازەی مانگەکاو تشرینوو دووەمی و کانوونوو یوەمینە زاپنە، خواکورک و مەتینانە ئۊپەراسیۊنی شۊڕشگێڵنانەی سەرکەوتانەشا کەرد. چالاکییە کاریگەرەکۍ بە درێژایی ساڵی سەرەمڕ بەرڎەوامۍ بیێ. ئی ئۊپەراسیۊنە شۊڕشگێڵنیۍ و پێرفۊرمانسوو جەنگی زمسانێنە، بە سەرمەشقایەتیی ئاندۊک، جوان، عەگید، وڵات، مەمیان و هەڵمەتی سەرەشا ورڎا. بە سەرمەشقایەتیی ئا گەشمەرڎا ستراتیژی شۊڕشگێڵنی و تاکتیکی سەرڎەمیانەی یاونیا یاگێ. ئینەیچ بەرش وست کە دەوڵەتوو تورکی مەحکوما بە شکس.

جە کۊشیای ساڵەو ٢٠٢٣ینە ٧٥ هامڕێما سەرنیشتنە کوردستاننە و ١٠٤ هامرێما هەرێمەکاو پارێزنای میدیاینە گەشمەرڎۍ بیێ، بەگردیوە ١٧٩ هامڕێما گەشمەرڎۍ بیێنێ. شەهادەتی وو حەریۊ چا هامڕایا، کە گەشمەردی بیێنۍ شناسنامەشا پەی ڕای گردینی و کەسوکاری ئازیزیشا ئاشکرا کریان.

گەریلاکاو ئازادی کوردستانی بە ڕۊحی فیدایی ئاپۊییوە پلانەکاو دوژمنیشا پووچەڵۍ کەرڎێوە، پێسە جارێوە تەر نیشانەشا دا، کە داراو هێز و ئیرادەی پۊڵایینی و ئازادیینێ. ئاماروو جەنگوو ساڵەو ٢٠٢٣ پێسنەن:

هجووموو فڕۊکە جەنگییەکا: ١٥٨٠ جارێ

هجووم بە تەقەمەنیی قەدەغەکریا و چەکی کیمیاوی: ١٠٣٨ جارێ

هجووموو فڕۊکەی بێفڕۊکەوانی بۊمبورگیری : ٣٤٢ جارێ

هجوومەکاو بۊمبی ئەتۊمیی نوکلەر: ٩ جارێ

*

ئا هامرۍ کە گەشمەرڎۍ بێی: ١٧٩ گەشمەرڎێ

هامڕۍ گیریێما دەسوو دوژمنینە: ٢ هامڕێ

*

چالاکیی کەمینێ: ٤

چالاکیی هجوومکەرڎەی: ٦

ئۊپەراسیۊنی شۊڕشگێڵنی: ٦

چالاکیی سزمە (دزەکەرڎەی): ٧

چالاکیی گەریلای کۊردینە: ٣١

چالاکیی سابۊتاژی: ٣٩

چالاکیی نیشانەماڕێ: ٢٤٦

چالاکیی چەکی قورسی: ٧٦٦

چالاکیی جەنگوو گورزدایوەنەی و دەسوستەینە: ٦٠٧

بەگردیوە  چالاکییەکاو گەریلای: ١٧١٢

*

ژمارەو ئەرەگیریایە سزادریایا: ٩١٩ کەسێ

ژمارەو ئەرەگیرە پلە باڵایا کە سزا دریێنێ: ٧ کەسێ

ژمارەو کۊنترایا کە گەریلاکا سزا دێنێ: ٢ کەسێ

ژمارەو ئا ئەرەگیرا کە بریندارۍ بیێنێ: ١٢٨ کەسێ