نوام چۆمسکی فەیلەسوف و ڕۆشنۋیری نامی ئەمریکای و جیهانی، سەرو گۆشەگیری ئیمرالی هەڵۋێستش نیشانەدا و داواش کەرد: بەخێرایی ڕابەر ئۆجالان ئازاد بکریۆنە و دیلگێرتەیش بە کەردێوی نامرۆڤانە بەنامێ کەرد.
نوام چۆمسکی فەیلەسوف، ڕۆشنۋیر، دێرینەشناس و زۋانشناسی نامی ئەمریکای و جیهانی و ئەندام جە دەستۋەڵێوستەی ئازادی ئۆجالانی، جە دیمانێوەنە چەنی ڕۆچنامەو ”یەنی ئۆزگورپۆلیتیکا“، پەیوەست بە کوردی و گۆشەگیرکەردەی ڕابەر ئۆجالانی و فرە بابەتۍ تەرێ گرنگێش هۆرسەنگنۍ.
چۆمسکی، ناڕەزایەتییش جە وەرانوەرو ئا ستەم و زۆرداییە نیشانەدا کە دەوڵەتو تورکی دژ بە گەلو کوری بەکارش ماوەرۆنە و واتش: تورکیا هەمیشە دڕندانە و بێبەزەیانە کوردش چەوەسانەوە و ستەمش ونە مکەرۆن. ئەردۆغان جە سەرەتاو دەستبەکاربییەشەنە بە ئا جۆرە وێناش کەرد، گویا گەرەکشەن کەمێۋە بارودۆەکەی بفاڕۆنە، بەڵام ئانە فرەش نەخاینا. ئیسە گرد دەرفەت و توانا و هازێوەش پەی سەرکوتکەردەی کوردی بەکارماوەرۆنە.
چۆمسکیی واتش: ''ئەردۊغان ھەۆڵ مڎۆنە دلێ سیستمو دنیێنە ڕۊڵی گەورە پەی تورکیای بەدەست بارۆنە، وەلێ ئانەیچەە بەڕۊشنی دیارەن کە گەرەکشا ببۆنە بە خەلیفێوە تازە. ئەگەر ئانەیچ نەبۆ گەرەکشا ڕۆڵێوی چانەش بۆنە کە لانیکەم جە لاو و ڕوسیای و وڵاتانو وەرنشینیەوە کۊنتڕۊڵ نەکریۆ.
پەی ئانەیچە چنی ھەردۋۍ لای ھەرمانە مکەرۆنە. هاموەخت جە ئاسیاچەنە چەنی چینی ھامکاری مکەرۆنە. بە ئی شێوە ھەۆڵ مڎۆنە سنورو تورکیای وەرفراوان تەر بکەرۆنە.
چۆمسکې ماچۆن: ''تورکیا جە لایێوە بە ئەندامو ناتۆی مەنۆوە، جەلایێ تەرەوە ئەردۆغان پێشنیارەکەو پۆتین-یش قبوڵ کەردەن تا تورکیا ببۆنە ناوەند (دلێگە)ێۋی تازەو گازی پەی ئەوروپای.
تورکیا بە بەرشیەی جە کۆنترۆڵو ناتۆی و پێشێلکاریەکاشەنە، داواکۍ ئەمەریکای بە شێوێوە وێبەخشانە قبوڵ مکەرۆنە''.
چۆمسکی جە بەردەوامی قسەکاشەنە ئانەیچش وات: ئازادی کوردی ھەم پەی ڕوسیای و ھەم پەی
ئەمەریکای ھیچ مانێوەش نییەنە. تەنھا سەرنج وزدێ سەرو چنڎ ساڵۍ ۋیەردەی، ساڵانو ١٩٩٠کان، ساڵانۍ بێنۍ کە یورشە قورسەکێ تورکیای پەی سەرو گەلو کوردی فرە چڕێ بێنێ، یۆ بێ جە خراپتەرین سەردەمەکان. جە کاتەنە کلنتۆن چەکی ئەمەریکیش دا بە تورکیای، جە ئی ڤیارەنە (سەرکوتەردەی کوردی) ئەمریکا بە تەمامی وێش بێدەنگ کەردەبێ. ئارۊیچ ھەرگیز باس جە رۆڵەیە نمەکریۆ کە جە ئا کاتەنە ئەمەریکا گێڵناش.
چۆمسکی باسش جە گۆشەگیری دژوار و سەختی جە ئیمڕالی کەردەن کە سەپنیان سەرو ڕابەر ئۆجان-یرە و ماچۆنە: بارودۆخێوە عەبدوڵا ئۆجالان جە ئیمرالی ڕووبەڕووش کریانەوە، قبوڵ نمەکریۆنە و مشیۆم بەخێرایی ئازاد بکریۆنە.
نوام چۆمسکی، دیلگێرتەی ڕابەر ئاپۆی بە کەردێوی نامرۆڤانە بەنامێ کەرد و واتش: ۋیر و فەلسەفەو ئۆجالانی، سەرچەمەو خوڵقنای و ۋەڵێکەوتەی دەسکەوتە گرنگەکۍ وەرنشینو کوردستانیەن. وەلێم رژێمە دەسەڵاتوازەکۍ کە سەرو ناوچەکەیرە زاڵێنۍ، ۋیر و فەلسەفەیشە بە ھەڕەشێش مزانان و پەوکی دژش مدرانێوە.
هـ.هـ
