نوێنەرو تایبەتی نەتەوەیۆگێرتەکا پەی هەرمانو کارو سوریای گیەر پێدێرسۆن پەی یووەم جاری دماو وڕناو رژێمو بەشار ئەسەدی سەرش ۋنەو دیمەشقی دا. واتەواچو نوێنەرو تایبەتی نەتەوەیۆگێرتەکا، جنیفەر فێنتۆن باسش چانەیە کەرد کە پێدێرسۆن یاوان دیمەشق و دماتەر چا بارۆ ئەرەیاونێوە وەڵاکریۆوە.

فێنتۆن سەبارەت بە سەرۋنەداکەیش زانیاری زیاتەرش وەڵانەکەردۆ و پرسیارەو ئانەی کە 'ئایا پێدێرسۆن چنی سەرکردەو هەتەشەی جۆلانیچ دیدار ساز مکەرۆ یان نا" جوابش نەڎاوە.

پێدێرسۆن پەی ڕاگیری جە هۆرسەنگناو جەنگێ تازەو دلێینەی جە سوریانە پێشنیازێ وەرفراوانش وستەن ڕووە. پێدێرسۆن رۆو ١٤و کانونو یوەمی جە ئۆردنو هامساو سوریای بەشداریش جە گلێرۆبییەو تایبەت بە پرسو سوریاینە کەردەن.