پېرۊزبایی کەرڎەو نەورۊزی جە فۊنېکس گاندی شارو "ئێگزێتێر"ی لوۋا ڕاۋە، مەراسېمەکە پێشکەش بە ۋنەقۊمېایا بومەلەرزەکەو کورڎسانی کریا.

نەورۊز پېرۊزکریا جە کەسایەتی "مەزڵوم دۊغان"ی و فەرمانڎەو مدرامانو سوری "جېھان تورکان" ئەشناسېا بە (چېاگەڕ)ی و پۍ گرڎو گەشمەرڎاو کورڎسانی بە دەیەقێۋە ڕێزگێرتەی مەراسېمەکە دەسشپنەکەرڎ.

جە پېرۊزباییەکەنە لافېتۍ و پۊسکارتەکۍ ڕابەر ئاپۊی و مەزڵوم دۊغانی ھورواسیۍ و فرەو ۋەختی دروشمەکۍ " بژیۋۊ نەورۊز، بژیۋۊ سەرۊک ئاپۊ، مرۊنە فاشېزم، بژیۋۊ مدرامانو گەریلا"ی ۋچېێنۍ.

بەشڎاربیەکۍ بە جلوبەرگی کورڎیۊ بەشڎاریشا کەرڎەبۍ، ھورپڕاو سەرەتاو مەراسېمەکەی جە تەرەفو زاڕۊڵاۋە ئەنجامدریا، د. ئالان حەسەنېان واچەو سەرەتایش پێشکەش کەرڎو ئا کەسێشە ۋیر ئاوردۍ کە بومەلەرزەکەنە گېانشا بەخشابۍ و سەرنجش ھوست سەرو گرنگی پەشتېۋانی جە ئەرەکۊشای. حەسەنېان واتش؛" نەورۊز ژیاین، نەورۊز ژەنی، ژیای، ئازاڎین، نەورۊز مدرامانا"و ئا مدرامانە جە حەرچوۋار پارچەو کورڎسانیەنە فاڕیان پۍ سەرھۊردای و ھاوارو ئازاڎیی.

" ئەرجان ئاکباڵېش" بەنامۍ ئەنجومەنو دیموکراتېکو گەلو کورڎیۊ ۋاتش؛" ئی نەورۊزیە کەرمێنە صەوقاتی پۍ ۋنەقۊمیایا بومەلەرزەکەی و ۋاتش، ئێمە بە ڕۊحو مەزڵوم دۊغانی و چېا گەڕیۊ گوڕو تېنە مڎەیمۍ بە ئەرەکۊشای و فاشېزمی دلێنە بەرمۍ. گەلەکەیما مەکەرمێنە قوربانی پۍ دۊڵەتی فاشېستی. حەر پۊکەی نەورۊزما کەرڎ بە صەوقاتی پۍ پەشتېۋانی جە ۋنەقۊمیایا بومەلەرزەکەی".

ھ.ش