ڕوناهی (بەدریە تاش)ە و بێریڤان (نیلگون یەڵدرم)ە، کە ٢٢ ئادارو ١٩٩٤ شارو مانهایمو ئەڵمانیاینە دژو سیاسەتو دەوڵەتو ئەڵمانی پێوەس بە تاوانبارکەردەی کۆشیای ڕەواو ئازادیی گەلو کوردی، بە سۆچنای جەسەیشا لوێ ڕیزو نەمراوە، جە ٣٠ەمین ساڵیایدو گەشمەردەبییەیشانە یاگێ چالاکییەکەیشانە یادێ کریێوە.

یادەکە لاو ئەنداماو ئەرەمەرزیاو بنەیانەو گەشمەرداوە (کۆماو)، مەجلیسو ژەناو ڕوناهی-بێریڤانێ و ناوەندی جڤاکی کوردی دیموکراتیکو مانهایمی بە نامێ کۆماویوە کریا، دلێشنە ئەوەخوای کریاوە  چالاکییەکە نیشانەدای حەسرەتو کوردستانی بێ و وچیا: "پەی نیشانەدای دڵسۆزییشا پەی کوردسانی، پەیامسا دا بە دوژمناو کوردی حەرچی پیویس بۆ مکەرانێش، گرد چێوێوە بەنرخو وێسا مبەخشانێ و ئامادێنێ جەسەو وێسا فیدایی بکەرانێ".

ئەوەخوای کریاوە زەروورا چالاکیی ئی دووە ژەنە قارەماناو کوردی خاس بنرخنیۆ و شی بکریۆوە، پاسە نویسەر و بەرئاوەر هونەرمەند بەرهەمی بەرزش دلێنە بخولقنا  و وچیا:" وەعد ئەوەخوای مکەرمێوە تا ژیوایما مەنەبۆ، سەروو یادو گەشمەرداوە بیمێ و خەبات پەی ئی ئامانجە فراوانەیە مکەرمێ."

یادەکەنە دەربارەو چالاکیی گەشمەردا ڕوناهی و بێریڤانێ زانیاری دریا پا ئەڵمانییا کە پارە ویەرێنێ، دەیان وەڵاتپارێزنێ ولی و مۆمێشا یاگێ یادەکەینە نیێرە. یادەکەنە نەورۆزو ڕابەرو گەلو کوردی عەبدوڵا ئۆجالانی و گەشمەرداو ئازادیی کوردستانی مەبارەک کریا و درووشمو "گەشمەردێ نمەمرا"ی بەرز کریاوە.