ڕێکوستەی پارتو یەکسانی و دیموکراسیی گەلا (دەم پارتی) موشی، وەردەمو نویسگەو ورچنیەی گەڕەکەو یەشیلیورتی موشینە ئاهەنگو نەورۆزیش کەرد. ئەنجامدا. هاموەڵاتێ بە جلوبەرگی کوردی و عەلەمەو دەم پارتی-یوە ئامادێ بیێ و ورپڕێ.

لە ئاهەنگەکەنە پەرلەمانتارەو دەم پارتی سومەیە بۆزە نرخنایەکاو ڕابەرو گەلو کوردی عەبدوڵا ئۆجالانی پێوەس بە نەورۆزی وانێوە.  

هامسەرۆکی پارتو هەرێمە دیموکراتیکەکا (دەبەپە) کەسکین بایندەر واتش: "گەلو کوردی پەی ئازادیی وێش بە ئیرادەو وێش مەیدانەکاو نەورۆزینە ئامادەن. چوار پارچەو کوردستانینە گەلو کوردی مەیدانەکێش پەڕێ کەردێ".

کەسکین بایندەر واتش: "ئێمە چارەسەرما گەرەکا، موخاتەبی سەرەکیی ئۆجالانا، ئێمە ڕا چی جەنگەیە مگێرمێ".

بایندەر واتش گەلو کورد وەراوەرو جەنگی تایبەتیوە سەرەش نەکۆمنارە، ئاشتییش پارێزنان و دژو لایەنگێراو جەنگی، واتش: "پەوکای ڕۆو چارەسەرین، ڕۆو ئەرەپڕای گەلو کوردین. ڕۆو موشین".

بایندەر تیشکەش وستە سەرو ورچنیەی ٣١ ئاداری، واتش: "بانگەواز پەی گرد لاێوەن. ئێمە چەنی شمە، موش و مەنتێقەکاو مۆرو دەم پارتی منەخشنمێن ".

هاموەڵاتێ دەمو نگۆرانییەکاوە ورپڕێ، درووشمو "بژیوۆ سەرۆک ئاپۆ"یشا بەرز کەردۆ.