نەورۆزو شەمزینانو جولەمێرگی، بە درووشمو "ئەرەپڕە وەختو ئازادی و سەرکەوتەین" کریا. سەرەڕاو وارانی جۆشێوە گەورە کریا، مەیدانەکە بە عەلەمێ دەم پارتی و عەلەمێ سەوزێ و سوورێ و زەردێ ڕازنییاوە، درووشمێ و پانکارتەکێ بەرزێ کریێوە.

کاندیدو هامسەرۆکو شارەوانیی نایف ئەرۆگۆز واتش ئێمە شارەوانییەکا چەنی گەلەکەیما و پیاماقووڵا و ڕێکوزیایەکا مبەرمێ ڕاوە، واتش: "ئێمە ٣١ ئادارینە جوابی پێویس مدەیمێوە، ئێمە شارەوانییەکاو گەلپارێزنی ئەرەمەرزنمێ. گەرەکمانە حەرکەسێو بلۆ سەرو سندۆقەکا و ویش بە ساعیبو ئیرادەو وێش بزانۆ".

پەرلەمانتارو دەم پارتیی جولەمێرگی ئۆنور دوشونمەز واتش، ئێمە نەوێ شێخ سەعیدی و عوبەیدوڵای نەهرینمێ، کەچی نەوەو شێخ سەعیدی پێسەو تیرۆریسی پێناسە مکەرانێ، واتش: "باوڕم پاسەن جوابی پێویسشا مداوە، ئانێ کە گەنج و پیرەکاتا بە خائین نیشانە مدا".

دماو قسەکا، چندین هونەرمەندێ گۆرانیێشا پێشکەشێ کەردێ، ئاهەنگەکە بە ورپڕای دماییش ئاما.