شاروو مارسیلیاو فەرەنساینە مەراسیموو مبارەکبایی نەورۆزە پەنج ڕۆییەکەی کە جە تەرەفوو شارەوانی شارەکەیۆ ڕێکوزیابۍ، دمایش پنە ئاما و دماتەر کۆنسێرتوو ئەلەنۆرای سازکریا. دما رۆو مەراسیمەکەی جە تەرەفوو ئەنجومەنوو ژەنا ئارین میرکانی، تەڤ-چاندی و جمیەروو گەنجا شۆرشگێڵنی (تەجەشە)یۆ رێکوزیابۍ.

جەماوەرەکە جە مێڎانوو پارس دو پالایس لانگچامپ- ینە کوۍ بیێوە و پۍ پێشوازیکەردەی و سڵامکەردەی جە مزانیەکەو نەورۆزی تا مێڎانوو کانابیێری ڕاپیمایشا کەرد.

جە ڕاپیماکەینە لافیتۍ بەرزۍ کریێوە کە سەرشاوە نویسیابۍ "سیها کۊتەرە وار"، "ئێر جە عەرشوو روومی ۋەردریا" و " سڵام جە مزانیەکەو نەورۆزی کەرمۍ".

دماتەر هونەرمەنڎا دلبەر کۆبانێ، حەزین ماشۆ، ماهسون سەڤەر، ئەڤیندار دۆست و هۆزان فاروق گۆرانیێشا واتۍ. جەماوەرەکە چنی گۆرانیەکا ئا هونەرمەنڎا هۊرپڕایشا کەرد.