نویسگەو یاساو ئاسرینی ئەرەیاوناش، ماوەو ٢ ساڵان نەتاوانشا زانیاری جە ڕابەروو گەلوو کوردی "عەبدوڵڵا ئۊجالان"ی و زینڎانییای تەری ور گێراو ئەرەیاونایچش، "پێویسا قەراروو ڕاوشۊنوو کۊمیتەو مافوو مرۊڤوو نەتەوە یۊگێرتەکا مسۊگەر کریۊ".
نویسگەو یاساو ئاسرینی وەروو ئانەی ماوەو ٢ ساڵان زانیاریشا جە ڕابەروو گەلوو کوردی "عەبدوڵڵا ئۊجالان"ی و زینڎانییای تەری "عومەر خەیری کۊنار، حامیلی یڵدرم و وەیسی ئاکتاش" نییا، ئەرەیاوناێشا وەلا کەرڎۊ.
نویسگەو یاساو ئاسرینی ئەرەیاونانش، دماین جار زانیاریشا لە ڕاو پەیوەندیی تەلەفۊنیی ڕابەروو گەلوو کوردی پەی براکەیش یاوان پەنە، کە ئادیچ وەختوو قسەکانە پڕچنیان و چا وەختۊن حیچهەواڵێوەشا نییا.
جە ئەرەیاوناکەو نویسگەو یاساو ئاسرینینە ئامان:
"وەروو ئانەی نەتاوانما بە حیچ نۊعۍ سەرشا دەیمۍ و پەیوەندییشا پۊوە کەرمۍ، تا ئیساتۍ حیچ زانیاریێوەما سەروو تەندروستی، دۊخوو گیریایشاو دۊخوو یاساییشا نییا.
سەرباروو ئانەی پارێزنەرەکۍ ٢٧٤ جارۍ و بنەیانەکێچ ١١٨ جارۍ داواو سەردای و دیداریشا، جە داواکاری گرڎینوو بورسا و ڕاوەبەرایەتیی زینڎانوو دوورگەو ئیمرالی کەرڎێنە، وەلێم ئانە ٢ ساڵێن ئا داواکارییەشا حیچ ئەنجامێوەش نەبییەن. گرڎوو داواکارییە یاسایی و ئیدارییە مەنتێقەییەکا تا دادگای دەستووری بێئەنجامۍ بیێنۍ. ئەرەمەرزیایەکاو دەزگاو دادی جارێوە تەر بە قەرارەکاو وێشا ئانەشا سەلەمنا، کە جیای پارێزنای مافوو موەکیلەکاما و مردنای پاشێلکارییەکا دژ بە یاساکا و مافەکا، ڕاشا دا گۊشەگیری ئیمرالینە جە ئاستوو ئەشکەنجەی و دژوو ئینسانیەتینە درێژەش بۊ، کە ئانەیچ لایەنێوە تەروو گۊشەگیریین.
حیچ زانیاریێوە جە بەڕێز "ئۊجالان"ی و موەکیلەکای تەری نییا، ئانەیچ بە حیچ یاسا و مافێوە پاساوە بەهانێش پەی نمێوە و ڕۊشن مەکریۊوە. بڕیەیرە جە گلێرگەی و جە دنیۍ، بێبەشکەرڎەی جە وەرگێریی یاسایی و سجنکەرڎەیشا جە هەلومەرجۍ بۍ چەمداریی بێسنوور و نادیارنە، یانۍ ئەزیەت و هەرمانەی نائینسانانۍ و پاشێلکاری. پەی دماییئارڎەی بە دۊخوو گۊشەگیریی هەقەتینوو ئیمراڵی (زینڎانیکەرڎەی پەی بڕیەیرەی هەمەنۊعەی جە جبەری) سەروو کۊمیتەو مافوو مرۊڤوو نەتەوە یۊگێرتەکاشا دان. کۊمیتەکە داواو گێرتەیرەوەروو ڕاوشۊنەکا بە پاو پیمەرەکا پێسە شەرتۍ یووەمینۍ پەسەنڎ کەرد، جە ئەیلولوو ٢٠٢٢ێنە داواش جە حوکمەتی کەرڎە، کە زینڎانیکەرڎەی نایاسایی دماییش بۍ. بۊنەو پەشتگۊشوستەی ئی قەراریوە، جە مانگەو کانوونوو دووەموو ٢٠٢٣ێنە بە داوای بەپەلۍ، ئا ڕاوشۊنێشا ویروو حوکمەتی وستێوە. حەرچندە پڕۊسەکە سەروو بنەماو سەردای و داواکاری پەی دیەیشا درێژەش هەن، وەلێم جە قەراوو سزاداینە ئامان، کە هەلومەرجەکاو ئیمراڵی دژوو قەدەغەکەرڎەی ئەشکەنجەین و پێویسا دەمودەس دمایی پا هەلومەرجا بۍ.
مشۊم قەرارەکاو نەتەوە یۊگێرتەکا پەی گێرتەیرەوەروو ڕاوشۊنەکا مسۊگەرۍ کریا
وەلێم ئا دەوڵەتە، کە ماچۊ، پەیوەسا بە پەیماننامە میاننەتەوەییەکاوە، ئامادە نییا قەراری یاسایی کۊمیتەو مافەکاو مرۊڤوو نەتەوە یۊگێرتەکا قبووڵ کەرۊ،هەنگامەی گونجیێش پەی نەنیان، وەربەسش وەرڎەموو پارێزنەرا و چەمپەنەکەوتەی بنەیانەکاش لا نەبەرڎەن، دەوڵەتوو تورکی درێژەش دان پا دۊخوو بڕیەیرە تەمامەتییەیۊ. ئا قەرارە میاننەتەوەییانۍ سەبارەت بە ئۊجالانی و گۊشەگیری جە ئیمرالینە چند گرنگتەرۍ با، گۊشنەدای و پەشتگۊشوستەی لاو دەوڵەتیوە پا ڕاددە نایاساییتە ر و سیاسیتەرۍ با. ئا سیاسەتۍ دەوڵەت ئیمڕاڵیینە، سیاسەتەکاو دەوڵەتی تورکیانە و وەرکەوتوو دلێڕاسەینە نیشانە مدۊ. پا سیاسەتە ئەمنییە جیاتیی ئاشتی و سیاسەتی دیموکراتیکی، گرڎوو ڕوێوە قەیرانۍ و گێجاوۍ وەش کەرۊ. بێگومان ئی دۊخەنزیکۊ پەیوەندییش بە مشکیلەو کوردیوە هەن، کە ڕەهەندی مەنتێقەیی و دنیاییش هەن. حەر کە بەبنبەسیاوای قووڵ بۊوە، دۊخوو گۊشەگیریچ قووڵتەر بۊوە، بە مانایۍ تەرە حەتا سیستموو گۊشەگیریی هەقەتینی درێژەش بۊ، نە مشکیلەو کوردی حەل بۊ و نە وەڵێکەوتەی دیموکراتییانە پێک مۍ.
بەکوڵی بییەی گۊشەگیری جە ئیمرالینە، بە ماناو وازئارڎەین جە یاسا و مافەکا و دیموکراسی جە تورکیانە. بێگومان ئینە کاریگەریی دۊمینۊیەییش هەن، کە زەرەر بە بەها مادی و مەعنەوییەکاو گلێرگەی میاونۊ و زەرەریچ بە ژیوای کۊمەڵایەتی و سیاسییچ یاونۊ.
وەروو ئانەی ئینسان تاوۊ جە وڵاتۍ و جوگرافیاێوەنە بژیوۊ، پێویسا مشکیلەو کوردی حەل کریۊ و دمایی بۍ بە گۊشەگیریی سەروو ئیمراڵی. بەڕێز ئۊجالان دیموکراسی و یاسای جیهانییەو و گەرڎوونییەش پێسە چوارچووێوە سیاسەتی بنەڕەتی ئشناسنێنە و ئینەیچ تاقە ڕاو بەرشییەینە جە قەیرانەکا.
ئێمە جارێوە تەر بەپاگێرتەیرەوە دووەبارەش کەرمێوە، کە ماوەو ٢ ساڵانو سەرەڕاو قەرارە میاننەتەوەییەکا، دۊخی بە دەسیاوای زانیاری دماییش نامان، حیچ زانیاریێوە بارەو دۊخی تەندروسی و هەلومەرجوو زینڎانییای تەریچ نییا. ئینە پەی ئێمە دۊخێوە جیددی و قورسا. پێویسا ئی نیگەرانییۍ زووتەرین وەختنە چارەسەرۍ کریا. پێویسا دەمودەس قەرارەکاو کۊمیتەو مافوو مرۊڤوو نەتەوە یۊگێرتەکا بۊ گێرتەیرەوەروو ڕاوشۊنەکا مسۊگەرۍ کریا و گرڎوو ئا مافانە موەکیلەکاما، کە جە پەیماننامە و ڕێککەوتەیە یاسایی و میاننەتەوەییەکانە هەنۍ، بەتایبەتی سەردای پارێزنەرا مسۊگەر کریۊ. پی هۊشیاری و هۊشمەندی و چەمەڕوانیوە، ئێمە ڕای گرڎینی دیموکراتیکی پەی هەستیاریێوە بەرزی خوڵکە کەرمێ".
س.ز
