نیاز عەبدوڵا ڕۆنامە نۋیسە ئەرەیاۋناش، هێزەکاو ٨٠و پەدەکەی جە بڕۍ شۆنانە هامکاری دەوڵەتوو تورکی مکەرا و بەشێوە جە بارەگاکاو پەدەکەی پێشکەش بە سوپاو تورکی کریێنۍو سەڎەنە ٥٠و مەحاڵەو بادینانی ئینا چێروو ئەرەگیرینە.
نیاز عەبدوڵا ڕۆنامە نۋیسە ئەرەیاۋناش، دماو سەرداکەو ئەردۆغانی، تەرسەو ئانەیچ هەنە ڕێککەتەیەکۍ وەڵتەروو بەینوو عێراقی و تورکیای گنا جابەجێکەردەیۆ.
نیاز عەبدوڵا ڕۆنامە نۋیسە جەواچێوەنە پەی ئاژانسوو هەواڵوو فوراتی ئاشکراشکەرد، هجومەکۍ دەوڵەتوو تورکی پەی سەروو پانیشتوو کوردسانی ماوێوە فرەن بەردەوامێنۍ و ئەرەیاۋناش، "بەڵام جە ۋەرا ۋەر بە هجوومە ئەرەگیریەکانە ناڕەزایۍ جدیی نیشانە نەدریا، حکومەتەکۍ عێراقی و کوردسانی بێدەنگۍ بیۍ ئیدارەو فیدراڵی پانیشتی بەش بەش بیەن و هێزە سەروازییەکۍ پی جۆرەنۍ هێزەکاو ٨٠و پەدەکەی داخەم مەشۆ فرەو شۆنا مەنتیقەکەینە کە ئینۍ چێروو هەیمەنەو ۋێشەنە هامکاری هەواڵگری تورکیای مکەرا و تەنانەت بارەگاکاو ۋێشا پێشکەش بە سوپاو تورکی کەردەن، ئیساتۍ ٥٠٪ هەرێموو بادینانی و بڕۍ مەنتیقۍ ئینۍ چێروو دەسەڵاتوو سیخوڕی دەوڵەتوو تورکینە. پەی نمونەی ۋەرپەرسێوە باڵاو میتی ئەرەیاۋناش جە کوردسانی فیداراڵەنە ٦ لقۍ میتی بیەیشا هەن، باسوو هەرێمموو چێروو دەسەڵاتوو یەنەکەیش کەرد باسوو بنکەو سیخوڕیش چا شۆنانە کەرد. جە لێوەتەرۆ تەسەور کریۍ حکومەتوو عێراقی دژوو ئەرەگیری تورکیای ناڕەزایی بەربڕۆ، بەڵام دماو ئانەی تورکیا فرەو وەختی هەڕەشۍ بڕیەو ئاوۍ ڕووەو عێراقیرە کەرۍ، ئی ئاژە فشارێوە گەورەش سەروو عێراقی وەشکەرد.
بارگاکۍ تورکیایشا بە ڕسمی کەردێنۍ
نیاز عەبدوڵا سەرنجش وست سەروو مەترسییەکا دماو سەرداکەو ئەردۆغانی پەی عێراقی و ئەرەیاۋناش، ئا ڕێککەوتەیۍ وەڵتەر کریێبێنۍ چیولای جابەجێ مکریا. نیاز عەبدوڵا ماچۆ، یۆ جە تەرسەکا ئانێنە کە بارەگاکۍ تورکیای جە کوردسانی فیدراڵەنە پێسە بارەگای ڕسمی تەماشە بکریا و جە درێژەو قسەکاشەنە واتش: "جە ساڵەکا هەشتاکانە ڕێککەوتەیۍ جە بەینوو عێراقی و دەوڵەتوو تورکیاینە بۍ کە تورکیا متاوۆ چن کیلۆمەترێوە بلۆنە دلۍ خاکوو عێراقی. کوردسانوو پانیشتی، جە ئاکاموو ناسەقامگیریی سیاسی و سەروازی و ئابوورینە، نموونە ئازاڎیی ڕابەربڕیەی و هەڕەشۍ و ئەشکەنجەی ۋەرا ۋەروو ڕۆنامەنوویسا، ڕووبەروو کێشە و پشێویۍ فرەی بیەنۆ. ئینەیچ بیەن بە مژارێوە مەترسیڎار و خەڵک ئینا چێروو تەرسێنە. فرەو زینڎانیا بادینانی و ڕۆنامەنویسا بەمەڵامەتوو ڕەخنەکاشاوە دژوو ئەرەگیری تورکیای گیریێنۍ."
