پانیشتوو فەڕەنساینە ڕاپیمای ٣ ڕوە پەی ئازادیی ڕابەروو گەلوو کوردی عەبدوڵا ئۆجالانی دەسش پەنە کەرد.

ئەرەیاونای ئەوەڵوو ڕاپیماکەینە وچیا: " ڕاو مدرامانیوە، واوەی ئازادیی جەسەیی ڕابەریما دەس وزمێوە، سڵام چا ڕاپیمایە کەرمێ کە پەی ڕابەر ئاپۆی دەسش پەنە کەردەن و سەرکەوتەی پەی مدرامانکەرا".

قەرارا بە درێژایی ١٥ کیلۆمەترا ڕا پیمیۆ، قۆناغوو ڕۆو یوەمی ئی وێرەگا وەردەموو شارەوانیی ناوەندوو ماریگنانینە دماییش مێ.

سەبای سەعات ١١:٠٠ وەردەموو شارەوانییوە بەرەو سانت ئەنتۆنی ڕا پیمیۆ، دووەسەبای دمایین ڕۆنە جە سەعات ١٠:٠٠ وەردەموو سانت ئەنتۆنینە دەس بە ڕاپیمای کەرا و مەیدانوو کانەبیرینە خەڵک خێرامایشا کەرۆ. سەعات ١٣:٠٠ ئەرەیاوناێوە ونیۆوە و ڕاپیمایەکە وەردەموو پەرلەمانوو ئەورووپاینە بە کۆبیەیۆیێ دماییش مێ.