هرووژمەکۍ دۆڵەتو تورکی و گروپە میلیشیاییەکۍ سوپاو نەتەوەیی سوریای جە ما بەینو منبجی و بەنداوو تشرینینە جە ڕۊو ٢٤ەمینینە بەردەوامێنۍ. مڎرامانو هێزەکاو سوریای دیموکراتیکی (قەسەدە)، یەکینەکۍ پارێزنای ژەنا (یەپەژە) و ئەنجومەنو سەروازی منبجیچ بەردەواما.

بە پاو زانیارییەکا چەتەکۍ سوپاو نەتەوەیی سوریای جە ۋەرا ۋەرو هێزەکاو ۋێپارێزناینە نمەتاوا ۋێڕاگری بکەرا و ۋێشا مڎا دەسۆ. هەرپاسە ئەرەیاۋېیا کە ژمارێوە فرە چەتۍ کە گەرەکشا نەبیەن جەنگ بکەرا، جە بەرەکا جەنگینە بڕەمێنۍ و دۆڵەتو تورکی ئەرەگیر جە ڕاو فشارەکاشۆ هەوڵ مڎۆ جە جەنگەکەنە بەشداریشا پنە بکەرۆوە.

وێرەگاو ڕۊو یەرە شەممەی جە دەوروبەرو دەگاو ئەبوقەلقەلی منبجی ٢ چەتۍ سوپاو نەتەوەیی سوریای سەر بە دۆڵەتو تورکی ئەرەگیری ۋێشا رادەسو هێزەکاو ئەنجومەنی سەروازی منبجی کەردەن.