نوێنەراو ٣٣ حزب و ڕێکوزیا سیاسییا گەڕەکەو مەحەتەو قامیشلۊینە بەمەبەستوو شەرمەزارکەرڎەی هجوومەکاو دەوڵەتوو تورکی ئەرەگیری پەی سەروو سەرنیشت و وەرکەوتوو سوریای کوۍ بیێوە. چا وەختەنە، کە هەیفا مەحمودە نوێنەرەو پارتوو نەوبییەیوە و دیموکراتیکوو سوریای ئەرەیاوناکەی وانێوە فرۊکە بێفرۊکەوانەکاو دەوڵەتوو تورکی ئەرەگیری نزیکوو کۊنفڕانسە ڕۊنامەوانیەکەینە چندین یاگێشا بۊردومان کەرڎۍ.

ئەرەیاونایەکەینە باس کریا، کە دەوڵەتوو تورکی ئەرەگیری ٢٣ کانوونوو یوەمی سەرنیشت و وەرکەوتوو سوریاینە چێرخانوو وزەی، ناوەندەکاو نەوتۍ و کارەبێش بۊردومانۍ کەرڎۍ.  

پارتە سیاسییەکۍ بەتندی پەلامارەکێشا شەرمەزارۍ کەرڎۍ و جەختشا کەرڎۊ، کە ئامانجوو ئا هجووما تێکدای ئاسایش و سەقامگیریی هەرێمەکەینۍ.

 درێژەو ئەرەیاوناکەینە ئامان، هجوومەکۍ دژوو هەرێموو سەرنیشتی و وەرکەوتوو سوریای دۊخەکەشا ئاڵۊزتەر کەرڎەن و ئاسایش و سەقامگیریی هەرێمەکەی وزا تەرسیوە. ئەرەیاونیا: "دەوڵەتوو تورکی ڕووەبەرێوە فراوانوو سەرنیشتوو سوریایش ئەرەگیر کەرڎەن،  ئامانجشا کە ئیرادەو گەلوو سوریای پەی گێڵنایوە سەروەری و هێزوو قەرارڎای و بەدیئارڎەی دیموکراسیی ئاشتییانەی وەراوەروو تاکڕەویی ناوەندی، ماڕۊ. تورکیا فاکتەری سەرەکیی شکسپەنەئارڎەین بە جمیەروو ئازادی و دیموکراسیی گەلوو سوریای".

ئانەیچ وچیان، کە دەوڵەتوو تورکی دەوڵەتێوە ئەرەگیرکارا و بە بەهانۍ پارێزنای ئاسایشی نەتەوەییشۊ عەفرین، گرێسپی و سەرێکانییش ئەرەگیرۍ کەرڎێنۍ و پێسە درێژە دریان بە واتەکەی: "دەوڵەتوو تورکی تاوانوو جەنگی و کۊکوشی بەتایبەتی دژوو کوردی، وەراوەروو سەرجەموو ئەرەنیشتە ڕەسەنەکا کەرۊ، ئاوارێشا کەرۊ دیموگرافیاو هەرێمەکەی فاڕۊ و لایەنگێرەکاش، کە ئایدۊلۊژیێی توندڕەونۍ ئاکەپەینۍ یانەکاشانە ئەرەنیشتۍ ئینجا ئسفادە جە  دۊخوو وەرکەوتوو دلیڕاسەی کەرۊ وەرەچەماو گلێرگەی میاننەتەوەییوە پرۊژە کۊلۊنیالیستییەکاش میاونۊ یاگێ".

حزب و ڕێکوزیا سیاسییەکۍ داواشا وەنەو هێزە میاننەتەوەییەکا کەرڎە، کە وەراوەروو سیاسەتەکاو دەوڵەتوو تورکیوە هەڵوێستی ڕۊشن بەروزا. ئا پارت و ڕێکوزیۍ پەشتیوانیی وێشا پەی قەسەدەی بەروست و هۊشدارییشا دا بە گلێرگەی میاننەتەوەیی، کە ئا هجوومۍ با مایۍ گێڵایوە تەرسەو داعشی سوریانە و ئاسایش و سەقامگێریی میاننەتەوەیی گنۊ دلۍ تەرسێوە.

 داوایچ وەنەو هامپەیمانیی میاننەتەوەیی و ڕووسیای کریان، کە چەمۍ ڕووە و ئا سیاسەتانەو دەوڵەتوو تورکی ئەرەگیریرە نەقووجنا و هۊشدارییشا دا کە هجوومەکۍ ڕەنج و گیانبازیۍ کە جەنگوو دژوو تیرۊری و داعشینە دریان بە فیڕۊ مدۊ.

پارت و ڕێکوزیا سیاسییەکۍ هەرپاسە داوایچشا وەنەو وڵاتە عەرەبییەکا کەرڎە، کە هەرمانە و وەرپەرسبییەی وێشا وەراوەروو سەرنیشتی و وەرکەوتوو سوریایوە بیاونا یاگۍ و پەشتیوانی وەنەو هێزە سیاسی و دیموکراتیکەکا کەرا و واتشا، " ئا هێزۍ بناغەی سەرەکیی چارەسەری سیاسیی دیموکراتیکینۍ، وەروو ئانەی داراو پڕۊژێوە چارەسەری نیشتمانی و دماییئارڎەی بە ئەرەگیری و گێڵنایوە سەقامگیری و سەروەریی سیاسیی سووریاینێ".

ئینۍ ئا حزب و ڕێکوزیێنۍ، کە ئەرەیاونایەکەیشا ئیمزا کەرڎەن:

١- پارتوو یۊبییەی دیموکراتیک (پەیەدە).

٢- پارتی سەوزی دیموکرات.

٣- پارتوو ئاشتیی دیموکراتیکوو کورڎسانی.

٤- پارتی لیبراڵوو کورڎسانی.

٥- پارتوو شیوعیی کورڎسانی.

٦- پارتی دیموکراتی کورڎسان-سوریا

٧- پارتی دیموکراتوو کوردوو سوریا (پە.دە.کە.سە).

٨- پارتی چەپوو دیموکراتوو کوردوو سوریای.

٩- پارتی چەپوو کوردی سوریانە.

١٠- پارتوو سوریاو ئایندەی.

١١- پارتوو فاڕیای دیموکراتیکوو کورڎسانی.

١٢- پارتوو نەوبییەیوە کورڎسانی.

١٣- سەندیکاو کرێکاراو کورڎسانی.

١٤- دەستەی نیشتمانیی عەرەبی.

١٥- پارتوو نەوبییەیوە و دیموکراتیکوو سوریای.

١٦- پارتوو ڕێککەوتەی دیموکراتیی کوردی سوریانە.

١٧- پارتوو چاکسازی- سوریای.

١٨- پارتی دیموکراتیکی ئاشووری

١٩- پارتوو برایەتیی کورڎسانی.

٢٠- پارتوو ڕۊو دیموکراتیکوو کوردی سوریانە.

٢١- جمیەروو گلێرگەی دیموکراتیکی (تەڤ-دەم).

٢٢- کۊنگرەو ستاری.

٢٣- پارتوو پارێزگارا.

٢٤- پارتوو کۊشیای ئازادی.

٢٥- پارتوو دماڕۊو کورڎسانی.

٢٦- پارتی دیموکراتوو کورڎسان-وەرنیشتوو کورڎسانی.

٢٧- دەسەو هەماهەنگیی نیشتمانیی- جمیەروو فاڕیای دیموکراتیکی.

٢٨- پارتوو یۊبییەی سوریانی.

٢٩- پارتوو کۊبییەیوە نیشتمانیی کورڎسانی.

٣٠- پارتی دیموکراتوو کوردی سوریانە (پارتی).

٣١- پارتوو یۊبییەی دیموکراتیی کوردی سوریانە (یۊبییەی).

٣٢- ڕەوتی چەپی شۊڕشگێڵن سوریانە.

٣٣- پارتوو سوریانی.